Yoane 11:28 - Amazwi Yakwe Leza 2013

²⁸ Pacisila lino Mata wavwanga vii, apita aya aama kaci muze Maliya mu nkama amutotoza ati, “Mwene wataiza akukwama.”

Yoane 11:28 Referans Kwoze

Yoane 13:13

“Mukangama mukuti kasambilizya, nu Mwene. Mukalungika pano avino ndi.

Yoane 11:20

Lino Mata uvwa vino Yesu akwiza, aya kukumukomanya, lelo Maliya wene asyala atenzi mu ng'anda.

Mako 10:49

Yesu aimilila avwanga ati, “Mwamini.” Caleka yama impafu yati, “Teku mwenzo! Katuka, akukwama.”

Yoane 21:7

Alino mulondezi wino Yesu watemilwe kuluta anena Petulo ati, “Ala wii Umwene!” Lino Simoni Petulo uvwa vino umuntu wii Umwene, azwala ikoti (pano walanga watasamwila) nga aisumba muli yemba.

Yoane 20:16

Yesu amunena ati, “Maliya!” Nawe Maliya aseleukila kunoli nga amuvwanzya mu Ciyebulai ati, “Laboni!” (Kuli kuti, “Kasambilizya.”)

Yoane 10:3

Awino na kalolela wa mulyango akayulila. Ni mfwele zyakwe zikauvwa izwi lyakwe lino akuzyama mazina nga nu kuzitungulula kunzi.

Yoane 1:45

Filipo azana Natanaeli, amunena ati, “Twati tuzana wino Mose walemvile pamulandu na aliwe mu lupapulo lwa Masunde, wino na yakasema nao kwene yalemvile pamulandu na aliwe mu mpapulo zyao. Wene a Yesu mwana Yosefu uwaku Nazaleti.”

Yoane 1:41

Lilyo kwene, alonda Simoni mwina wakwe, amuzana amunena ati, “Twati tuzana Mesiya.” (Kuli kuti “Klistu.”)

Luka 22:11

‘Kasambilizya wati, Uzye muputule uwa enyi ulikwi kuno alondezi yane pamwi nani tumalila Cimulo ca Ucilo?’

Mako 14:14

amaingila. Alino munene mwine wa ng'anda muti, ‘Kasambilizya wati, uzye muputule ulikwi kuno alondezi yane pamwi nani tumalila Cimulo ca Ucilo?’

Mateo 26:18

Yesu nawe aasuka ati, “Yangini mu musumba, ku muntu umwi, mumunene muti, ‘Kasambilizya wati, nsita yane yati palama. Alondezi yane pamwi nani tumaiza tuliile Cimulo ca Ucilo mu ng'anda yako.’ ”

Zakaliya 3:10

Mu wanda ulya, mwemo mwensi mulaamana na inipamba yauzo. Mulaikala mu visao vya mitingi ni misamvu, mumo muno mulaalila amalila ku matwi cele pamwi nayo.’ ” Kuu kuli kuvwanga kwane, ne Yawe Wamaka yonsi.

Ayebulai 12:12

Acino mukomye makasa inu atonte nupya mutaleka makokola inu yazakaza!

1 Tesalonika 5:11

Acino mwakomelezyanya nu kwazwana, wakwe vino ndakai mukucita.

Yoane 11:29

Lino Maliya uvwa cii, akatuka acincila aya kukumukomanya. (

Yoane 11:30

Yesu walanga atali aingile mu muzi, ala acili pa ncende ino Mata wamusilepo lino wamukomanyizye.)