Yoane 1:1 - Amazwi Yakwe Leza 2013

¹ Ku utandiko wa uumbo, kwali wino akaamwa Izwi. Izwi wali na Leza. Wene wali a Leza.

Yoane 1:1 Referans Kwoze

Utandiko 1:1

Pa kutandika Leza waumvile iyulu ni nsi.

Yoane 17:5

Tata! Ndakai mpela lulumbi pa manso yako, luno nene nawe twakweti lino insi itali icitwe.

Umbwilo 19:13

Mwingila uno wazwite wakandine uwazi. Zina lyakwe yakati, “Izwi lyakwe Leza.”

Kolose 1:17

Klistu akuno wali lino vyonsi vitali viyeko, nupya muli aliwe cintu consi cakwata cifulo caciko.

Yoane 1:14

Izwi wiya wizile aya umuntu, wino uwa zuziwemo cikuku nga ni cumi, nupya wizile aikala pamwi naswe. Twaweni lulumbi lwakwe lwakuya Mwana wenga sile kufuma kuli Leza Tata.

Umbwilo 22:13

Nene Alufa na Omega kuli kuti utandiko nu umalilo.”

Yoane 1:2

Kufuma ku utandiko kwene wene wali na Leza.

Umbwilo 1:8

“Nene Alufa na Omega, kuli kuti, uwakutandika nupya uwakusyalikizya,” vii avino Mwene Leza wa maka yonsi walanda. Wene alipo, wino uwaliko, nupya wino aliiza.

Filipi 2:6

Nanti angala Wene lyonsi wali muli u Leza, 1lelo atelenginye ukuti angezya kupatikizya kulingana na Leza.

Ezaya 9:6

Ala lyene umwana watatuvyalilwa, yatiyatupeela umwana umonsi wino yatiyatwika uwene apa viye vyakwe. Yatiyamutemela izina lyakwe yati, “A Ciinda Wakuzunguka”, “Leza Wamaka yonsi”, “Umukwasi wa pee”, “Mwanangwa wa Cituku”.

Mateo 1:23

“Umukazyana atamanya umonsi alasenda indilwa nupya alavyala umwana umonsi, nga yalamutemela izina yati a Emanueli,” (kuli kuti, “Leza ali naswe”).

Umbwilo 21:6

Lyene avwanga ati, “Cati cicitwa! Nene Alufa na Omega, kuli kuti uwakutandika nu wakusyalikizya. Wensi ali nu lusala ndamupeela nsambu ya kumwa uwila mu kafukoka ka manzi yano akapeela umi.

Ayebulai 13:8

Vino Yesu wali apa mutondo avino ali ni lelo, nupya avino amayanga manda pe.

Ezaya 7:14

Lyene Yawe umwisikulu amakulangizya icimanyililo conga. Akunoli umukazyana umwi, wiyo anyomelile. Aliwe alavyala umwana umonsi wino yalatemela izina lyakwe Imanueli.

1 Yoane 5:20

Twamanya ukuti Mwana wakwe Leza wiza nupya uwalenga kuti tumanye Leza wa cumi. Swemo tukaikala muli Leza wa cumi, na muli Yesu Klistu Mwana wakwe. Wene ali Leza wa cumi nupya aliwe akatupeela umi wape.

1 Timoti 3:16

Pasi umuntu nanti umwi angapazya ukulu wa nkama ya upefi witu ino ikati, Klistu walolike mu untu, Mupasi Wamuzilo wapile umboni pali aliwe ukuti wene umololoke, nupya walolike ku angeli. Wene yamukosozile mu nko zyonsi, antu yamutaile mu nsi yonsi, nga wene wasenzilwe kwiyulu mu lulumbi.

Yoane 16:28

Nafumile kuli Tata, nga niza mu nsi. Nupya ndakai namasya insi nu kuya kuli Tata.”

Umbwilo 1:17

Lino namulola, nani mpona pansi pipi na pa ngazo zyakwe wa muntu mufwe. Nawe anjikila ikasa lyakwe lilunji nga avwanga ati, “Utoopa! Nene uwakutandika nupya uwakusyalikizya.

Yoane 20:28

Tomasi amunena ati, “Mwene wane, Leza wane.”

Tito 2:13

lino tucili tukulolela Wanda upolelelwe uno tukupaalila, lilyo lino lulumbi lwakwe Leza mukulu na Katuula witu Yesu Klistu lulaloleka.

Ayebulai 7:3

Atamanyika isi nanti nyina, nanti vikolwe vyakwe, atakweti utandiko wa manda yakwe nanti mpelelekezyo ya umi wakwe. Wene akoline wa Mwana wakwe Leza, nupya a simapepo wa manda pe.

Umbwilo 3:14

“Lemba ku ntunguluzi yakwi uvi ku Lodesiya uti, “Lii ilandwe kufuma kuli wino akwamwa Ameni, kambone uwakutailwa nupya uwa cumi. Wene ali ntulo yakwe vyonsi vino Leza waumba.

Efeso 3:9

Nukuleka antu yalole vino kuteyanya kwankama yakwe kulaomba. Leza wino uwaumvile vintu vyonsi walondanga kuti nazwilizye cila muntu kumanya nkama yakwe ino wafisile ku antu amu mikulo yonsi yampiti.

Umbwilo 1:2

Yoane nawe walondolwile vyonsi vino waweni. Nupya akupeela umboni pi landwe ilyafumile kuli Leza na pali vyonsi vino Yesu Klistu wamunenyile.

1 Yoane 5:7

Kwaya yakambone yatatu.

Loma 9:5

Yene ivizikulula vya vikolwe vitu vilumbuke, na Klistu kwene uwamu mupanda wa mutundu wao. Leza, wino waya na maka pali vyonsi, alumbanyiwe manda pe! Ameni.

Yoane 1:18

Pasi umuntu watala alola Leza. Suka Mwana wenga sile wino wikala pamwi ni Isi. Mwana kwene uwiza wamusokolola.

Masamu 45:6

Icilimba ca wene cino Leza wakupela, icakuyelelela amanda yonsi! Uwene wako, wene ukauteeka umu kulungika.

Umbwilo 2:8

“Lemba ku ntunguluzi yakwi uvi ku Similina uti, “Lii ilandwe kufuma kuli wino uwakutandika nupya uwakusyalikizya. Wene wafwile nupya ali nu umi.

2 Petulo 1:1

Kalata kufuma kuli ne Simoni Petulo, muomvi nupya mutumwa wakwe Yesu Klistu. Kuli yao yano uwololoke wakwe Leza nupya Katuula witu Yesu Klistu walenga kuti yene pamwi naswe tupelwe utailo ucindame.

Umbwilo 1:11

Lyene liti “Lemba vino walola nu kutuma lupapulo ku mauvi amu misumba cinimbali, ku Efeso, ku Similina, ku Pegamu, ku Tiatila, ku Sadisi, ku Filadefia, nu ku Lodesiya.”

Luka 24:53

nu kusumba nsita yao ya mapepo lyonsi mu Ng'anda ikulu yakwe Leza, ala yakulumbanya Leza.

Yoane 8:58

Yesu aasuka ati, “Cumi namunena vino Abulaamu lino atali ayeko ala nemo akunondi.”

Kolose 1:15

Klistu unkolanya wakwe Leza wino atangaloleka. Wene ali yeli lyakwe nupya alusile viumbwa vyonsi.