Yelemiya 9:23 - Amazwi Yakwe Leza 2013

²³ Yawe wavwanga wati, “Uwamano atayuvwa pa mano yakwe, nanti uwamaka atayuvwa pa maka yakwe, umukama nawe atayuvwa pa vyuma vyakwe.

Yelemiya 9:23 Referans Kwoze

Ezaya 5:21

Kalanda kuno muli mwemuno mukailola ukuti mwakwata amano nu kuti mwacenjela wakwe cimwi!

Kasambilizya 9:11

Naweni icintu nacuze. Icintu cico icakuti antu yano yakwatisya ulwilo yasicimvya mu kucimvyanya, na antu aposye yasicimvya mu nkondo. Antu yamano asi lyonsi lino yakwata ivyakulya. Antu acenjele asi lyonsi lino yakaya akama. Antu asambilile asi lyonsi lino yakasyukila incito ya papela, pano isyamo likaponela umuntu ali wensi.

Loma 1:22

Yakaitaka kuya antu yamano, lelo yene iviwelewele.

Ezekelo 7:19

Zaabu wao ni mpiya zyao yalavisumba mu miseo yamu musumba kwati ivyausali, pano impiya na zaabu vitangalola ukuyatuula pa nsita ino Yawe Leza ali ni cipyu. Vitangalola umusango wakuyatuusizyamo ku nzala. Vingalesya nu kuikusya, pano zaabu ni mpiya ali vintu vino vyayalenganga ukwifya.

Mapinda 11:4

Vyuma vitalakucitila nanti cimwi pa wanda wa ukali wakwe Leza, lelo ukucita vyaololoke kungakutuula.

Danieli 4:37

“Lyene, ne Nebukadineza, nkulumbanya nu kucindika nu kupeela ululumbi ku Mwene wa mwiyulu, pamulandu wakuti vyonsi vino wene akacita ivisuma nupya ivya ulungi. Nupya wene angacefya yayo acilumba.”

Masamu 62:10

Mutataila umu vyaukakasi, mutazangila umu vyuma vyamu wivi. Nanti sile ivyuma vinu kwene nga cakuti vyavulisya, mutaviika kweneko amano!

Malango 8:17

Caleka, lyene mutalinzile mwaelenganya ukuti mwaipangila icuma ku maka inu nu kukoma kwa makasa inu.

1 Timoti 6:10

Pano kutemwa impiya ili ntulo ya misango yonsi ya viipe. Yamwi akalondesya impiya yakasya inzila ya utailo nga nu kunyomeka myenzo yao na malanda aingi.

Mako 10:24

Alondezi yazunguka pa mazwi yakwe, lelo Yesu avwanga nupya ati, “Yana mwe, catala kwingila mu Wene wakwe Leza!

Zefaniya 1:18

Siluva wao wensi na zaabu wao wensi, vilaposiwa ukuyapususyako pa wanda uno Yawe alayafokela ukali ukali. Icipyu cakwe cino cilalunkuma wa moto, cilonona insi yonsi, pasi pano mukupumikizya wene alalovya antunze yonsi aikala pano nsi.

Ezekelo 29:9

Mpanga ya Eguputo ilasanguka ulwanga umutaya antu. Alino yalamanya ukuti nene indi Yawe. Pano wene wavwanzile ati Nailo ali cuma cane, nene namupanzile.

Ezaya 10:8

Wene akaitanka nu kuitanka ati, “Nemo yamusika ya vita vyane yonsi a yamwene!

Kasambilizya 2:19

Nupya impyanyi yane limwi ingaya iyamano nanti ciwelewele, angamanya aweni? Nanti cingaya vivyo umuntu wiyo alapyana ivintu vyonsi vino nalonsile, vyonsi vino nalonsile ku mano yane, mu nsi ya pansi. Ala cii icasilesile.

1 Samueli 17:42

Umwina Filisti aceceta Davidi, nga amusuula pamulandu wakuti Davidi wali umulumendo uwalolekanga sile ningo.

Danieli 3:15

Lyene, zuwazuwa lino muvwa ukulila kwa ntandala, imitolilo, ivisekese, amapango, ni viombelo vyuze vya kulizya nu kwimba, mulinzile ukufukama nu kupepa iciluwi cakwe zaabu. Ndi cakuti mwakana ukucita cico, lyene zuwazuwa yamamusumbila mwi lungu lya moto. Uzye mukwelenganya ukuti akunoli leza wino angamutuula?”

1 Kolinto 1:31

Caleka, cili ndi vino calembwa mu malembelo cati, “Wino akailumba ailumbe mu Mwene.”

Filipi 3:8

Kusi cintu cingaya nu muzano kuluta kumanya Klistu Yesu Mwene wane. Pamulandu wakwe Klistu nemo nasumba vyonsi kuya wa vikona, kuti muzano wane uye a Klistu

Filipi 3:10

Cino nkulonda ukumanya Klistu na maka yano amulenzile kuzyukuka kufuma ku afwe. Nkulonda kukuma ku macuzi yakwe nga nu kufwa ndi vino wene wafwile.

Yobo 32:13

Ali cino fwandi mutavwanga muti, ‘Swemo twatituzana amano, Leza umweneco wenga aliwe angakanya Yobo, asi mwemwe foo.

Mapinda 3:5

Uwataila muli Yawe nu mwenzo wako onsi, utaezya ukutaila amano yako foo.

Mapinda 21:30

Amano, ukwiluka kwa vintu, nanti ukupandwa amano, vii vyonsi ivya ciwelewele sile ndi cakuti visikulola kuli vino Yawe akalonda.

Ezaya 20:5

Lyene yayo yonsi asintilila mu mpanga ya Kusyi nu kuitanka pa ina Eguputo, yaluvwa intete nga ni nsonyi zilayalema.

Ezaya 47:10

“Wemo utakwatanga insonyi apa kwifya, pano welenganyanga ukuti kusi nanti wenga wino akukulola. Amano yako nu ucenjezi wako vyakupumbozile, nga uivwanzya umu mwenzo uti, ‘Anene nenga mpo, kutaya namuze wakwe nene, awe.’

Yelemiya 48:7

Pamulandu wakuti mwemo mwataila mu vicitwa vinu nu mu vyuma vinu, namwe kwene mulasendwa mu uzya, nga na Kemosyi alasendwa mu uzya, kumwi na yasimapepo yakwe nga na makombe yakwe.

Yelemiya 49:4

Icani cino ungaitakizya apa manyika yako, ukuitakizya pa manyika yako yao amuzano? Iyee mwe we kaciwe wakantu uwaula utailo, wataila apa vyuma vyako vino wakoozya, uti nu kuti, ‘Aweni angezya ukundwisya?’

Yobo 41:15

Itundu lyaciko lyakwata imilongo ya nkwela zya visyangu. Alino nazyo zyapalamana icakuti kusi umuza ungapita mwenemo.

Masamu 33:5

Watemwa usuma nu ulungami. Impanga yazulamo ukutemwa kwakwe ukwa pe.

Masamu 34:3

Katuwanzizye capamwi ukulu wakwe Yawe, katumulumbile ca pamwi!

Masamu 44:9

Lelo kwene pali ndakai, awe cumi Leza watututazyela. Watuleka ukuti yatucimvya, watuta nu kupita pamwi ni vita vitu.

Yelemiya 31:34

Alino kutalaya nu kusundana foo. Umwi atalanena umuze nanti umwina ukuti amanye Leza, pano yalamumanya yonsi pyu ukutandikila ku mucepesye ukufika nu ku asambazi kwene. Pasi pano ndayayela uluse ku maifyo yao. Ntalatala nupya niusye amaifyo yao.” Ivyalanda Yawe.

Yelemiya 48:14

Mwe ina Moabu, uzye mungalanda uli ukuti mwemwe vita vyamaka, yanyela uku kulwa inkondo?

Mika 6:8

Awe, Yawe wakulanga mpiti, we muntu we, icintu icisuma. Ivintu vino wene akasi kuti wacita aivi: Uwacita vilungame nu kuya na mizu, nga nu kupita mu ufuke pa manso yakwe Leza wako.