Yelemiya 9:22 - Amazwi Yakwe Leza 2013

²² Ivyala vya antu vimaya sile monsi ntangali ntangali, wa mitumba yakwe citindi mu vyalo, wa ngano zino yakasinza yatiyasinza nu kuzisya insansalila. Vii avino Yawe watanena ukulanda.”

Yelemiya 9:22 Referans Kwoze

Yelemiya 8:2

Mu cifulo cakuti yakonganikwe nu kuzikwa, amafupa yao yalaya wakwe citindi uwatatulumana pa musili. Yene yalaanikwa ku kasanya, ku mwezi nu ku ntanda, uku vintu kwene vivyo vino yatemilwe ukutumikila, vino yakalondela nu kuuzya kuno vili nga nu kuvipepa. Kutalaya uwakuyakolonganika nu kuyaziika. Yalikala pa musili wa muvundo.

Yelemiya 25:33

Uwanda ulya yano yalakomwa kuli Yawe yalasalangana ntangali ntangali ukufuma ku mpela ya mpanga ukufika nu ku mpanga yuze. Na kaloosya aluulila kumwi. Kusi alayakonganika nanti ukuyaziika. Yalasyala yatambalile pa musili.

Zefaniya 1:17

Yawe wavwanzile ati, “Nemo ndaponyezya antunze impungo, cakuti yene yalapuputa wa mpafu, pano yene yiifya kunondi. Uwazi wao ulakonkoloka wakwe mulamba, ni vyala vyao vilaolela apambiliwili wakwe citindi.”

Yelemiya 16:4

yalafwa imfwa ya ndwala ziipisye. Kutalaya wakuyalosya nanti ukuyaziika. Yalalala wa muvundo mu musili. Yalalowa ku lupanga nu ku cipowe. Ivyala vyao vilaya ivyakulya vya vyunyi vyamu lwelele ni vilyanyi vyamu mpanga.

Ezaya 5:25

Fwandi Yawe watasokela antu yakwe. Wene watazunzula ikasa lyakwe apakuti ayapame. Imyamba imatelengananga. Alino ivyala vya antu yayo amafwanga, vimasyalanga ntangali ntangali umu miseo yamu musumba kwati sile ivikona. Yawe atalatala ate ukusoka. Alasyala sile ndi muno walawazunzwila ikasa kuti ayapamola.

Masamu 83:10

Wayacimvisye uku Endoli, ni vyala vyao apano vyatikite wakwe citindi.

Yelemiya 7:33

Ni vyala vya antu yayo vilaliwa uku vyunyi vyamu lwelele ni nyama zya mpanga, nga kutalaya uwakuvizinga.

2 Yamwene 9:37

Ivyasyala kweneko vilasyala wakwe citindi, pakuti kutakaye nanti wenga uwa kuvimanya ukuti ivyakwe Yezebele.’ ”

Yelemiya 6:21

Caleka Yawe wavwanga wati, “Indika inkolelo ya antu yaa icakuipuma kweneko. Nayo yalaipuma kweneko suka yace yalowelele pyu. Yaisi alino na ana yao aonsi, nga na inipamba kumwi na yacuza yao kwene.”

Malango 8:17

Caleka, lyene mutalinzile mwaelenganya ukuti mwaipangila icuma ku maka inu nu kukoma kwa makasa inu.

2 Yamwene 20:13

Hezekiya azengela inkombe zizi nga azilanga ni ng'anda zino wasungilangamo ivyuma vyakwe ivili wakwe siluva, zaabu, ni vyakununkizya ivyakulya na mafuta amununko usuma pamwi ni vyanzo vya nkondo. Kutali nanti conga pa vintu vino Hezekiya wakweti vino wakanyile ukuyalanga.

2 Yamwene 20:15

Ezaya nawe amuuzya ati, “Nga fwandi ivyani vino yatiyalola umwi sano lyako?” Hezekiya nawe aasuka ati, “Yatiyalola ivintu vyonsi pyu umwi sano lyane. Umu nkoma zyane, pasi nanti conga cino ntayalanzile.”

Yobo 5:13

Wene akavulunganya amapange ya antu yamano, nu kulemenkezya incenjezi mu ucenjezi wao.

Masamu 49:7

Ala mwine umuntu angaposiwa ukuituula umwenzo wenga. Wene atange alole nanti cimwi icakupeela Leza apakuitulanya.

Mapinda 18:11

Ivyuma vya mukama ilinga lyakwe ilikome ndi. Yakalilola ndi vino iciumba cimwi icitalimpisye.

Mapinda 23:4

Utaivunola apakulonda ukama. Ndi cakuti wewe wa mano suulako sile.

Habakuku 1:11

Lyene yaleluka wa muza, iyapita. Antu yayo amaka yao ali Leza wao.”