Yelemiya 9:20 - Amazwi Yakwe Leza 2013

²⁰ Alino nani imvwanga inti, “Mwe yamangu ala siuvwini vino Yawe wavwanga. Sumbini amano ku mazwi yakwe. Sundini ana inu yakaci umusango wakulosezyamo. Musunde na yacuza inu kwene vya kwimbila inyimbo zya ndosya.

Yelemiya 9:20 Referans Kwoze

Yobo 22:22

Wemo ule upokelele amasunde yakwe yano akakupeela, nu kuwaka amazwi yakwe amanda pe.

Ezaya 3:16

Yawe wavwanga wati, “Apamulandu wakuti anaci amu Zioni yakwatisya ivilumba, yakupita ala yati yatongomola utusingo twao, nu kuzyongola amanso yao, yakumeka pakupita intampulo izitali nu kulizya insaawa uku ngazo zyao,

Ezaya 3:4

Yakalume ali yano Yawe alaleka kuti yace yayateeka, yano yatacili yakwate na mano.

Yelemiya 9:12

Alino lyene nuzya inti, “We Yawe uzye pacani cino impanga yononekela vii nu kuumalala wa lwanga, cakuti mwakana ukusyala nanti umuntu uwakupita mwenemo? Uzye aweni angakwata amano akumanya icintu cii muno calola? Uzye akuli weni kuno walondolola icintu cico pakuti nawe anganena auze?”

Yelemiya 23:16

Yawe Wamaka yonsi wavwanga ku antu aku Yelusalemu wati, “Mutezya mwauvwa uku mazwi yakwe yakasema yaa. Yene yakamusomba sile ku vilolwa vino yakamulandila. Vikafuma sile uku mano yao aeneco, asi ku kanwa kakwe Yawe foo.

Yelemiya 23:28

Kasema wino alosile iciloto cingazipa wene alande ukuti iciloto sile. Lelo kasema wino uvwa amazwi yane alinzile kuyalanda umucumi. Uzye kwene insaawa zyalingana ni ngano?” Ivyalanda Yawe.

Yelemiya 6:11

Lelo nemo ninkwata icipyu cakwe Yawe. Natonta muno nkalu kuzizimizya.” Lyene Yawe avwanga kunondi ati, Pongolwela ukali wane apa ana yano yali mu misolo napa maumba ya alumendo. Yaiya na aci yalasendwa, nga na akoloci kwene yatalayasya.

Yelemiya 7:29

Losyini, mwe ina Yelusalemu. Pelini inyele zinu muzisumbe. Saulini ulwimbo lwa malanda pa tumpuke, apamulandu wakuti ne Yawe nene musoke, nupya natinkana antu yane.

Yelemiya 8:2

Mu cifulo cakuti yakonganikwe nu kuzikwa, amafupa yao yalaya wakwe citindi uwatatulumana pa musili. Yene yalaanikwa ku kasanya, ku mwezi nu ku ntanda, uku vintu kwene vivyo vino yatemilwe ukutumikila, vino yakalondela nu kuuzya kuno vili nga nu kuvipepa. Kutalaya uwakuyakolonganika nu kuyaziika. Yalikala pa musili wa muvundo.

Yelemiya 14:16

Nupya antu yano yakasemelako yalasumbwa umu miseo yamu Yelusalemu. Lilyo ale yatiyafwa ntangali ntangali uku lupanga nu kucipowe nu wakuyaziika aluula. Vintu vii vilacitikila alio na aci yao, ana yao aonsi na anaci kwene. Pano ndalandula uyi apa uyi wao.”

Nyimbo zya ndosya 2:19

Mu nsita ya usiku mwakatuka lili lili nu kulilila uku Mwene. Mwamulilila wakwe cimwi, mwalengela na ana inu uluse, Ana yalya yano yakufwa insansalila umu visyoko vya miseo pamulandu ni nzala!

Nyimbo zya ndosya 2:21

Akote na ance ayaya yatuzi mu miseo, yatiyafwa. Anisi yatiyakomola alumendo na akazyana ku malupanga. Awewe wayakomozile ukwaula nu luse, uwanda uno wasosile ukali ukali.