Yelemiya 9:19 - Amazwi Yakwe Leza 2013

¹⁹ Uvwini impooma zya antu mu Zioni, zikuti, “Owe mwe, lyene casila twalowa! Owe mwe, vino twazewana! Tulinzile twasya impanga itu. Pamulandu wakuti amang'anda itu yatiyaongololwa.”

Yelemiya 9:19 Referans Kwoze

Yelemiya 4:13

Lolini! Umwanisi akwiza wa makumbi. Amaceleta yakwe ankondo yakwiza wakwe nkungulupya. Imfwalasi zyakwe zilusile yacipungu uku lwilo. Kalanda kunotuli! Twatitononwa!

Malango 28:29

Nanti ilanzi liwale uli mwemo mulapulupunta wa ntonko ikupita usiku. Mutalatala muye nu longo mu vintu vyonsi vino mulapanga ukucita. Yalamufyengelekezya nu kumwiya insita zyonsi, nga kutalaya umuntu nanti wenga uwa kumwazwa.

Mika 2:10

Katukini, mwapita! Pano pa cifulo ci patacili umutende. Amaifyo inu yatiyaletelela icifulo cii ku ononesi.

Mika 2:4

Mu wanda ulya antu yalamutumfya. Yene yalamusoweka, mu lwimbo luu ulwa ndosya yati, ‘Twatitononwa ukumalilika. Impanga ino Yawe watwankanya, nayo kwene yatiyaipoka! Ivyalo vitu wavyankanya kuli yao atusenzile mu uzya.’

Nyimbo zya ndosya 5:2

Yatupoka impanga itu ku enyi, nga na mang'anda itu yapeelwa ku inamasi.

Nyimbo zya ndosya 4:15

Antu yalaizyanga ala yakuti, “Senkini! Mwemwe yakowele! Funtukini! Funtukini! Mutatukumya!” Acino nayo ali vino yafumile nu kuutukila ku inamasi, nga kusi umwi uwayazengile.

Yelemiya 4:20

Uzanzo walondela apa uzanzo uze. Ni mpanga yonsi yatiyononeka umu kasita sile akanono. Amataalu yane yatiyononeka umu kupumikizya, icifulo cane naco umu kasita kanono.

Yelemiya 2:14

Uzye Izlaeli umuomvi, nanti umuzya uwavyalilwe mu ng'anda? Uzye pacani fwandi cino anisi yamuzunyizya?

Aina Levi 20:22

“Yawe avwanga ati, ‘Mwasunga amasunde na malamulo yane yonsi nu kuyalondela, pakuti impanga ino nkumutwala kweneko ku kwikala itakamuluke.

Aina Levi 18:28

Ndi mwacita vivyo, lyene ale impanga italamuluka wakwe vino yatiluka akulukuwa yano yali mu mpanga kwene iyo ino mukwingilamo.

Aina Levi 18:25

Micitile yao yalenzile kuti mpanga iye iyamifitalila. Caleka Yawe watavunuka impanga pakuti azinge antu yano yakaikalamo wakwe vino umuntu akaluka cilyo iciipe.

Yelemiya 7:15

Ndamuvwintila ukutali nani, ndi vino nacisile ku ina inu, antu amu mutundu wakwe Efulemu.’”

Yelemiya 7:19

Uzye kwene umucumi anene yasosyanga umwenzo? Uzye yasiisosya imyenzo nu kuizewanya sile aisikulu?”

Yelemiya 7:29

Losyini, mwe ina Yelusalemu. Pelini inyele zinu muzisumbe. Saulini ulwimbo lwa malanda pa tumpuke, apamulandu wakuti ne Yawe nene musoke, nupya natinkana antu yane.

Yelemiya 15:1

Lyene Yawe avwanga kunondi ati, “Nanti angala Mose na Samueli yangimilila apa manso yane nu kupapata, nemo ntange nezye ukuuvwila antu yaa uluse. Wemo uyazingile sile ukutali uleke yapita.

Ezaya 32:9

Uvwini kuno mwe yamangu, mwemuno mwikala mu cinenke, muno musisakamala akantu nanti kamwi.

Ezekelo 27:2

“We mwana wa muntu, imba ulwimbo lwa ulanda ulukumile Tuli.