Yelemiya 9:17 - Amazwi Yakwe Leza 2013

¹⁷ Yawe Wamaka yonsi wavwanga wati, “Elenganyini pa vintu ivikucitika! Amini yamangu akulosya kuti yize. Tumini akuya aama yamangu amanyikisya ukwimbila inyimbo zya ndosya.”

Yelemiya 9:17 Referans Kwoze

Kasambilizya 12:5

Wemo ulaoopa incende zisanzame, nu kupitana kulaya intazi zitupu. Ku mutwe wako kulaya imvwi zitupu. Ulaposiwa nu kukweteka, nga ni nsuna ya vintu vyosi kutalaya. Tukuya ku uyo witu uwa upuzo, nga lyene kulaya ukulosya mu misolo.

2 Milandu 35:25

Kasema Yelemiya wasisile ulwimbo lwa ndosya ulwakulosezya Yosiya. Lulo luno yakiimba ya nyimbo aonsi na anaci yakaimba ukufika uwanda wilelo umu mpoma zyao umu kulosya Yosiya. Uo uli mwata wa ina Izlaeli, nu lwimbo lulo lukazanwa umu lupapulo lwa ndosya.

Mako 5:38

Lino yafika ku ng'anda yakwe Yailo, Yesu alola icimvulunganya, na antu ala yakulosya ni mpoma ikulu.

Yobo 3:8

Lekini yale yautipwile kuli yakatipa ya manda, kuli kuti yao amanya ivyakusapola kuli Leviatani ciumbwa camuli yemba cica.

Mateo 9:23

Lyene Yesu aingila mu ng'anda ya ntunguluzi yamu cifulo cici. Alino alola antu alizyanga mitolilo, nga ni umba lya antu ilyalosyanga.

Yelemiya 7:29

Losyini, mwe ina Yelusalemu. Pelini inyele zinu muzisumbe. Saulini ulwimbo lwa malanda pa tumpuke, apamulandu wakuti ne Yawe nene musoke, nupya natinkana antu yane.

Nyimbo zya ndosya 2:5

Yawe wataonona Izlaeli ungati umwanisi wakwe. Wataongolola amasano yakwe yamwene kumwi na malinga aya mwenemo. Wataletela antu amu Yuda ulanda uno utangasila.

Ezekelo 27:2

“We mwana wa muntu, imba ulwimbo lwa ulanda ulukumile Tuli.

Ezekelo 32:16

“Amazwi yane yaa yalaya ulwimbo lwa ndosya, nga akazyana ainamasi yalaimba, ukwimbilila Eguputo ni vita vyakwe. Ivyalanda ne Yawe Simwandalali.”

Amosi 5:1

Mwe luko lwakwe Izlaeli uvwini amazwi yaa, yano namamunena umukuilizyanya kunomuli.

Mika 2:4

Mu wanda ulya antu yalamutumfya. Yene yalamusoweka, mu lwimbo luu ulwa ndosya yati, ‘Twatitononwa ukumalilika. Impanga ino Yawe watwankanya, nayo kwene yatiyaipoka! Ivyalo vitu wavyankanya kuli yao atusenzile mu uzya.’