Yelemiya 9:15 - Amazwi Yakwe Leza 2013

¹⁵ Acino wemo unguvwe, uvwe vino namacita ne Yawe Wamaka yonsi, Leza wa ina Izlaeli. Namaliisya antu yane ivilule, namayamwesya na manzi umuli sumu.

Yelemiya 9:15 Referans Kwoze

Yelemiya 8:14

Antu yakwe Leza yuzya yati, “Uzye pacani cino twikala ukwaula kucita cimwi? Konganini, tulungame ku misumba ya malinga, akuno tukafwile. Pano Yawe Leza witu akulonda kutulovya nu kutumwesya amanzi yausungu, pamulandu wakuti twifya kunoli.

Nyimbo zya ndosya 3:15

Watantunkizya ivinkolwankolwa nu kumwesya ivilule.

Masamu 80:5

Lyene ucuzi ali cakulya cino watupeela kuti twalya, nga nu lwako umuziile aminsozi, ali luno watupeela kuti twamwa mwenemo.

Yelemiya 23:15

Caleka Yawe Wamaka yonsi wavwanga pamulandu wakwe yakasema amu Yelusalemu wati, “Ndayapeela umusalu ulule kuti yalye nga nu mwavi kuti yamwe, pamulandu wakuti ukufuma kuli yakasema yaya amu Yelusalemu ivicitwa viipe vyativisansantikila mu mpanga yonsi.”

Umbwilo 8:11

Lutanda luu, izina lyaluko yakati, “Ukulula.” Ciputulwa conga mu viputulwa vitatu vya manzi caluzile na antu aingi yano amwileko manzi yaa yafwile pano manzi yasenwike yaya alule.

Nyimbo zya ndosya 3:19

Akula nelenganya vino nkucula na pali vino nkuzeuluka, awe cumi nu ku mwenzo kuleta umuselu cakuti nalonda nu kuluka.

Yelemiya 25:15

Yawe, Leza wa ina Izlaeli wanenyile ati, “Toola mu minwe yane ulwako lwakwe waini umwesye imitundu yonsi ino ndakutuma kweneko.

Ezaya 2:22

Ali cino fwandi mutaezya ukutaila umu muntu wasilesile, wiyo uwakwata sile umupu ukufuma umu mpuno zyakwe. Ata see, nga nawe uwacani? Pano wene uwakufwa sile!

Ezaya 2:17

Ali wanda uno ivilumba vya muntu ali wensi na munyele alamukangoka. Mu wanda ulya ali lino wewe wenga mpo we Yawe yalakulumbanya.

Masamu 75:8

Yawe alemile ulwako mu minwe, uluzilemo waini umukali wakwe cimwi, wino akutambikizya uku antu yonsi apanonsi. Aipe yonsi yali nukumwa tonsi pyu, yafipilile nu twakusyalikizya.

Masamu 69:21

Lino inzala yandumile, yanjikile sumu umu vyakulya. Lino ulusala lwandumile, nalyo yamwesizye waini umusasalume.

Masamu 60:3

Watulenga antu yako uku cululuka wakwe cimwi. Watutumwesya waini umukalipisye, tukupempezyoka sile.

Malango 29:18

Mwensi mwemuno muli pano ilelo musininkizye ukuti pataya umonsi, nanti umwanaci, nanti amu ng'anda imwi, nanti umutundu uwakufutatila Yawe Leza witu nu kupepa tuleza twa nko zizi zyuze. Cico cikoline wa musisi waulembe uno ungalemuka nu kukola antu ndi yaulya.

Malango 28:36

“Yawe alatwala mwemwe pamwi nu mwene wino mwasonta ku mpanga ya inamasi, kuko kuno mwemwe nanti ivikolwe vinu vitatazile vikale kweneko. Kuko kwene, ali kuno mulatumikila tuleza tuze utwakuwaza nu twapangwa ku mawe.

Yelemiya 24:10

Nupya ndayatumila ulupanga ni cipowe nga ni mpungo, mpaka yace yalowe umu mpanga ino nayapile aeneco ni vikolwe vyao.”

Yelemiya 44:27

Panondi pano, namamusuntililanga sile mpaka ince nkamuletelele, isyuko lyene, kotoo! Aina Yuda yonsi aikala umu Eguputo, yalalowa uku nkondo, nanti uku cipowe mpaka yakasuke yakasililikile pyu.

Yelemiya 49:37

Indoofya aina Elamu pa cinso ca anisi yao, apa cinso cakwe yano yakapangila kuyakoma. Ndayaletela ulanda, icipyu cane cikalipisye. Ndayalondelela nu lupanga, suka sile ince njalovye pyu. Ivyalanda ne Yawe.

Ezekelo 5:2

Lino ukuzanzwa kwa musumba kwaya umukusila, tola akamutumba konga uye ukakocele pakasi ka musumba. Alino utoole akamutumba kakwe ciili, uye ufume ukukacentola nu lupanga lino ukuzinguluka umusumba. Akamutumba kakwe citatu, kene ukakanyunye umu muza, nga nani namafuma nkulondela apacisila nu lupanga.

Ezekelo 5:12

Antu yonsi yalapaatukana patatu, iumba lyonga lilafwila mu musumba ku mpungo nu ku cipowe. Lyakwe cili nalyo lilafwila kunzi ya musumba ku lupanga. Lyakwe citatu nalyo ndalisalanganyizizya mu muza alino nkalilondele nu lupanga.