Yelemiya 9:13 - Amazwi Yakwe Leza 2013

¹³ Yawe nawe angasuka ati, “Icaticilenga kuti cii cicitike umulandu wakuti antu yane yatiyasuula amasunde yane yano nayapeela. Yene yasinjeela awe, nupya yasicita na vino nayanenyile ukucita.

Yelemiya 9:13 Referans Kwoze

2 Milandu 7:19

“Lelo ndi cakuti wewe na antu yako mwakana ukulondela amasunde yano namupeela, nu kuya ku kutumikila nu kupepa tuleza tuze,

Yelemiya 22:9

Lyene nayo yalaasuka yati, ‘Apamulandu wakutazyela upangano wakwe Yawe Leza wao, yapepa nu kutumikila tuleza tuze.’ ”

Ezila 9:10

“Lelo ndakai, we Leza witu, ivyani vino tungavwanga pacisila cakwe vyonsi vii? Nupya kwene twatitusuula amasunde yako

Mapinda 28:4

Wiyo akatazyela amasunde waya uku lusansa lwa antu aipe. Lelo wiyo akalondela amasunde akayakanya.

Masamu 119:53

Lino nalola kuno antu aipe yakuvuna amasunde yako, awe cumi umwenzo wane iuwaya.

Yelemiya 5:19

Lino antu yati, ‘Uzye pacani cino Yawe Leza witu watucitila vii vyonsi?’ Namwe muce muyasuuke muti, ‘Vivi kwene vino mwemo mwantazyela nga mutandika nu kutumikila tuleza twa inamasi umu mpanga inu kwene, ali vino mulatumikila ainamasi umu mpanga ino isi yakwinu.’ ”

Yelemiya 7:26

Lelo yene yakanyile uku nguvwa nanti ukusakamala. Mu cifulo cakwe cico, yene yatonkomalike sile insingo zyao, nu kwifya ukuluta na pa vikolwe vyao.

Yelemiya 13:10

Antu ya aipe, nupya yene yakakana nu kuyela amazwi yane. Yene yatalama nupya yakomela sile ukwifya. Yakapepa utuluwi, tuleza tuze tuze sile nupya atuno yakatumikila. Ali cino fwandi nayo kwene yalakolana ni nsalu kwene zizyo, zino antu yatange yazizwale nupya.