Yelemiya 9:12 - Amazwi Yakwe Leza 2013

¹² Alino lyene nuzya inti, “We Yawe uzye pacani cino impanga yononekela vii nu kuumalala wa lwanga, cakuti mwakana ukusyala nanti umuntu uwakupita mwenemo? Uzye aweni angakwata amano akumanya icintu cii muno calola? Uzye akuli weni kuno walondolola icintu cico pakuti nawe anganena auze?”

Yelemiya 9:12 Referans Kwoze

Oseya 14:9

Wiyo wino akweti amano auvwikisye ivintu vii. Wiyo wino angiluka, amanyikisye. Pano inzila zyakwe Yawe izya ololoke, nupya mukapita yayo akacita vyaololoke, lelo yacisanguka yakapumeka mwenemo.

Masamu 107:43

Uwa mano lekini asambilile cico, nu kwiluka kailuke apa kutemwa kwakwe Yawe ukwa muntaputuka.

Masamu 107:34

Impanga ya vilyo isangula iya cicelecele, apamulandu nu uyi wa antu atenzi mwenemo.

Malango 32:29

Yene yaposiwa ukulola icalenzile kuti yayacimvye. Yene yatanga yalooke impela yao vino ilaya.

Umbwilo 1:3

Walongo umuntu wiyo akawelenga lupapulo luu, walongo umuntu wino akauvwa ku mazwi yaa ausemo nu kuyela vino vyalembwa mu lupapulo luu! Pano insita yatipalama lino vintu vii vyonsi vilacitika.

Mateo 24:15

“Mulalola ‘Ca winyi ca ononyi’ cino kasema Danieli wavwanzile, cimilila mu Ng'anda ikulu yakwe Leza.” (Kawelenga ailuke vino ci cikusenula.)

Ezekelo 14:23

Lyene alino mulamanya ukuti apamulandu usuma acino nacitile vii vyonsi. Ivyalanda ne Yawe Simwandalali.”

Ezaya 42:23

Uzye kuli umwi uwa munomuli wino akuuvwa nu kwika amano ukukutezya iviliiza uku nkolelo?

Yelemiya 9:20

Alino nani imvwanga inti, “Mwe yamangu ala siuvwini vino Yawe wavwanga. Sumbini amano ku mazwi yakwe. Sundini ana inu yakaci umusango wakulosezyamo. Musunde na yacuza inu kwene vya kwimbila inyimbo zya ndosya.

Yelemiya 23:10

Mu mpanga muzile sile yacizelele. Apamulandu wa citipu, na pamulandu wa vintu vii, impanga ikulila ulanda nga ni ncende zyakucemelamo zyamu lwanga zyatizyuma. Yakasema yakulondela inzila zya kwifya. Yakuomvya amaka yao umukucita ulufyengo.

Yelemiya 23:16

Yawe Wamaka yonsi wavwanga ku antu aku Yelusalemu wati, “Mutezya mwauvwa uku mazwi yakwe yakasema yaa. Yene yakamusomba sile ku vilolwa vino yakamulandila. Vikafuma sile uku mano yao aeneco, asi ku kanwa kakwe Yawe foo.

Yelemiya 23:22

Ndi cakuti yamanyile inkama zya melenganyo yane, lyene ngano yalanda ilandwe lyane ku antu yane cakuti antu nayo yange yazenzuke ku nzila zyao iziipe nu ku vicitwa vyao iviipe.

Yelemiya 23:28

Kasema wino alosile iciloto cingazipa wene alande ukuti iciloto sile. Lelo kasema wino uvwa amazwi yane alinzile kuyalanda umucumi. Uzye kwene insaawa zyalingana ni ngano?” Ivyalanda Yawe.

Yowelo 1:11

Acino sokini mwe yalimi, lilini nu kulosya mwe yalimi ya matingi. Pano ingano ni mbezu zyakwe baale, na vyonsi vyamu calo vyativyononeka.

Zefaniya 3:6

Yawe akuti, “Natinonona antu amu nko zyonsi, nga nu kuwisya amalinga yao yonsi ankondo. Ni miseo yao naitazyela, kusi umuntu nanti wenga akapita mwenemo. Imisumba yao yononwa, nupya kusi umuntu nanti wenga asile mwenemo.

Oseya 4:10

“Yene yalalya lelo ukwaula ukwikuta. Yalacita ulenzyo, lelo yatalasanduluka, pamulandu wakuti yene yafutatila Yawe, kuti yalondele tuleza tuuze.”