Yelemiya 8:17 - Amazwi Yakwe Leza 2013

¹⁷ Yawe nawe ati, “Lolini namamutumila inzoka, yacipili yano mutange mulesye ku wanga uli onsi. Yene yalamulumola nu kupola mutalapola, awe. Ivyalanda ne Yawe.”

Yelemiya 8:17 Referans Kwoze

Kasambilizya 10:11

Ukumanya ivyakutonsya inzoka lino yatikuluma mpiti, ala ukuicuzya sile.

Malango 32:24

Yalafwa ku nzala nu ku mpepo iyanzakaza, yalafwa ku ndwala iziipisye izitamanyika. Ndatuma ivilyanyi vya mpanga vikayazanze, nga ni nzoka izya usungu cuze ziyalumole.

Mpendwa 21:6

Lyene Yawe nawe atuma inzoka izya usungu uwipisye pakasi kao. Nazyo iziyalumola cakuti aina Izlaeli afwile yali aingi.

Umbwilo 9:19

Pano maka ya mfwalasi yaya mu milomo yaziko nu mu misinda yaziko. Imisinda yzikao yakoline wa nzoka, nupya zyali ni mitwe ino zyacuzizyangako antu.

Amosi 9:3

Ndi cakuti yangafisama papela ya mwamba wa Kalimeli, ndayalondalonda mpaka njaleme. Ndi cakuti yangafisama pansi pali yemba mukulu, ndapeela ilamulo ku cilyanyi camwenemo kuti ciyalume.

Amosi 5:19

Cilaya ndi vino cikaya lino umuntu akuutuka cisama nga lyene akomanya icilyanyi icakolana ni cuuli, nanti vino cikaya ndu muntu wingila mu ng'anda, nga lino wasamila ku lung'umba inzoka imuluma.

Ezaya 14:29

Mwe ina Filisti mwensi mutazanga foo, pamulandu wakuti intuwa ino yamupolanga yatikontoka. Mumanye ukuti mu luko lwa nzoka, ndi yonga yafwa, mulatumbuka yuze ilusile iyo. Iyayi lya nzoka lingulola icizoka icikapapuka.

Masamu 58:6

Yakwikole amino we Leza, utamole ni vifulo vyakwe yacisama akali yayo, we Yawe!