Biblia Todo Logo
Bib sou entènèt

- Piblisite -




Yelemiya 7:31 - Amazwi Yakwe Leza 2013

31 Nupya yatiyakuula incende umwa kumpepela mwenemo mu Cifoloma ca Beni Hinomu, umwakuti yaocelamo ana yao aonsi na anaci. Icintu cino ntatazile njanena, cino citatazile ciza nu mu mano yane.

Gade chapit la Kopi




Yelemiya 7:31
23 Referans Kwoze  

Umwene Yosiya watamozile ni ncende yaku Tofeti. Yali incende iyayelile uku Cifoloma ca Beni Hinomu. Wacisile vivyo pakuti kutakatale nupya kukaye umuntu uwakocela umwana kaci nanti kalume wa mpolelwa kuli ka leza kaluwi ka Moleki.


Yakuuzile ni ncende ya kupepela mwenemo Baali mu cifoloma ca Beni Hinomu, apakuti amuno yacindikila Moleki, umukupisya ana yao anaci na onsi umu moto. Icintu cimwi cico cino ntatazile njanene, cino citatazile cize nu ku mano yane kuti yangacita iviipe vya mwata ndi uu nu kulenga aina Yuda ukwifya.


Yocanga wa mpolelwa ana yao aonsi na akazyana ku mileza yankandawa. Yasapolanga nu kupendola kuli yakalola na yakamucape. Alino yaipelesyanga wensi pyu, umu kucita iviipe pa manso yakwe Yawe, iyamulenga ukusoka.


Utapeela umwi uwamu ana yako kuti aomviwe mu mapepo yakwe leza Moleki, pano cico cingaleta muzewanya kwi zina lyakwe Leza, Yawe.


“Lyene watola ana yako yakaci na yakalume, yano waviile kunondi, ayano wocela impolelwa ya cakulya uku tuluwi. Uzye kwene pali ucizelele wako utakumanizye,


Waile atuula na ana yakwe umu kuyocela impolelwa umu Cifoloma ca Beni Hinomu. Nupya watemilwe sana ukusapola nu kucita amalele. Wasontanga na yamucapi. Wacitanga ni vintu vyuze iviipe pa manso yakwe Yawe, cakuti amulenga ukusoka.


Aoca nu ubani mu Cifoloma ca Beni Hinomu nu kupeela ana yakwe aonsi wa mpolelwa, apakulondela imisango iipe ya nko zino Yawe wazinzile apa manso ya ina Izlaeli.


Cisi cakwezya ukupepa Yawe Leza winu mu musango wao, pamulandu wakuti yene pa kupepa tuleza twao yakacita ivimisango vimwi ivyawinyi vino Yawe Leza winu wapata. Yene yakaoca na ana yao aonsi na anaci pa kuyatuula impolelwa kuli tuleza twao utuluwi.


pakupepa nu kutumikila tuleza tuze nanti ilanzi nanti umwezi nanti intanda, vivyo ivitaine na malamulo yakwe Yawe.


Yosiya akoma na yasimapepo yonsi apa tuvuwa apa ncende kwene zizi izyakupepela mwenemo utuluwi. Alino aoca na mafupa yao apa tuvuwa kwene tuto. Nga lyene aswilila ku Yelusalemu.


Nani injanena ukufumila pa mpongolo imwi, ino yasumbilangapo iviya. Anena ukuya nayo ku Cifoloma ca Hinomu. Kuku kwene ali kuno nali nu kuya uma imbila ku antu ino Yawe wali nu kunena.


Lyene umupaka uwo iukwela ku Cifoloma ca Beni Hinomu ukuya lwaku mutentemuko uwaku kaeya uwa ina Yebusi (kuli kuti Yelusalemu). Kufuma kuku iukwela pa mulundu lwaku uwondaka wa Cifoloma ca Hinomu lwaku lutwe lwaku katutu ka Cifoloma ca Lefaimu.


Ala ampiti sana lino yateyinye icilinkwa ca moto umwakocela umwene wa ina Asilya. Ciwina icizike nupya icikulu, muno inkwi zyazulamo tupu, Yawe umweneco aliwe amaiza auvwiile nu mupu wakwe nu moto wize utumuke kwati amaluti akupya.”


Amwemwe kwene mwemuno mukucita ivya uwelewele umu miti, imitelebinte nu mu miti yonsi ivumbilikizye. Mwemuno mukaoca ana inu impolelwa umu mikonko nu mu mipokapoka ya mawe.


Ungavwanga uli ukuti utaikowezya nupya utalondelanga Baali? Tala lola vino waifizye umu cifoloma ca Beni Hinoni, elenganya pali vino wacisile. Wemo icili conga ni ngamila yakaci ino ikusimula kuu na kuuku.


Nupya nayatile ukuti yakweyowezya aisikulu ku mawila ni mpolelwa zyao, apakuleka ukuti yatoola na ana yao aonsi amayeli nu kuyoca impolelwa. Na cino nacitile cico apakuyafulula, na pakuyalanga ukuti nene nenga mpo indi Yawe.


Na pilelo kwene mwemo mucili mukatula amawila ali yamwi kwene, nupya mucili mukuikowezya ku tuluwi tuli tumwi kwene, mukututuula impolelwa zyakoca ana inu? Uzye pacani cino mwemo mwe ina Izlaeli ningamuzumilizya ukwiza mukunguzya vino nkalonda? Nalapa, ne Yawe Simwandalali, nemo ntange ntale muzumilizye kwiza mukunguzya.


Uzye Yawe alazangila muli yasuuku amazimbi, nu mu nguzi izisikama zya mafuta ya miolivi? Uzye ningapela iyeli lyane kuti nkululwe uku maifyo yane? Uzye umwana wane angaya impolelwa yakulipila apa maifyo yane?


Mutakezye kuleka umwi uwa munomuli azanwe akupeela umwana wakwe umonsi nanti umwanaci impolelwa pa moto pa kavuwa, nanti kusapola nanti ukucita vya uncimya nanti vya ulozi


Nanti umu ng'anda ikulu ya mapepo, ino ikaamilwa umwi zina lyane, iika mwenemo ivintu vimwi vyakuzunguka vyamankowezya.


Swiv nou:

Piblisite


Piblisite