Yelemiya 7:28 - Amazwi Yakwe Leza 2013

²⁸ Caleka kayanene uti, ‘Luu luli luko luno lutayela Yawe Leza wao, luno lutazumile ukusundwa pa kuvunukwa kwakwelo. Cumi calowa, cisilandwa nanti ukulandwa.’”

Yelemiya 7:28 Referans Kwoze

Zefaniya 3:2

Wemo usiyela umuntu nanti wenga, nupya usizumila ukusundwa. Usitaila muli Yawe, nanti ukupalama kuli Leza.

Yelemiya 32:33

Nanti angala yayasambilizyanga umute ukwaula nu ukasu, yatali akuuvwa nu kupokelela isunde lyane. Yamfutatila, yakana nu kundolekesya.

Mapinda 1:7

Ukoopa Yawe ili ntendekelo ya malango. Iviwelewele ivikasuula amano nu kusundwa.

Zefaniya 3:7

Nelenginye ukuti cumi kwene lyene antu yane yamangoopa, nu kufukila kusunda kwane, nu kuti yene yatalatala yilile amalamulo yane. Lelo yene yakweti insuna yakutwalilila ukucita iviipe, muli vyonsi vino yacitanga.”

Oseya 4:1

Mwe ina Izlaeli, uvwini amazwi yakwe Yawe, pamulandu wakuti wene akumupeela umulandu, mwe antu mwemuno mwikala umu mpanga ii. Wene akumupeela umulandu wakuti, mu mpanga ii musi ucumi nanti ukutemwa, nga na antu yatazumila ukuti nene indi Leza.

Yelemiya 6:8

We Yelusalemu, cenjela pano limwi ningakufutatila nu kukusangula ulwanga, incende muno musiikala umuntu nanti wenga.”

Yelemiya 5:3

Cumi kwene Yawe akalolekesya pa vyacumi. Wene wamuzanzile, lelo mwemo mutuvwile ukali. Wene wamusyunozile, lelo mwakanyile ukusambililapo cimwi. Mwemo mwakoma imitwe ukuluta iwe nga nupya mwakana nu kuzenzuka.

Yelemiya 5:1

“Mwe antu amu Yelusalemu, simulini mu miseo inu! Mucelecensye nu kuilolela! Mulondelezye umu misolo yonsi iyaya mwenemo, tulole ndi cakuti mumazanamo umwi wino akacita visuma nu kwezya ukuya wacumi kuli Leza. Ndi kungaloleka umuntu umwi, wino angaya wacumi kuli Leza, ale lyene ndelela umusumba uu wa Yelusalemu.

Yelemiya 2:30

Lino namuvunuka, ala naicuzya sile pano mutapokelile isunde. Impaanga zinu azino zyakomola yakasema yinu, kwati a yacisama aononyi.

Masamu 50:17

Mwemo musilonda ukuti nemo inamukanzula, na amazwi yane, musiyalondela foo.

Yelemiya 6:17

Namusontelile na yakalinda ukuti yangakutika ku kulila kwa ntandala. Lelo mwemo mwakanyile muti, “Tutakutala tukutike.”

Yelemiya 11:10

Yatiyasenukila ku maifyo ya vikolwe vyao ndi vino vyene vyakanyile kulondela amazwi yane. Lyene nayo ali vino yakucita. Yene yakupepa tuleza tuze. Aina Izlaeli kumwi na Ayuda yonona upangano uno napangine ni vikolwe vyao.

Yelemiya 17:23

Ivikolwe vyao vituvwile vino nemo navinenyile, vitasumvileko amano awe. Lelo vyatalime vyakanyile ukunguvwa nu kutontela amasunde yane.”

Masamu 12:2

Yonsi yakatumpwilana. Yakalyongofya apa tunwa twao, nupya yaya ni ndimi ziili.

Ezaya 30:9

Apamulandu wakuti antu cila nsita yakatalamila Leza, yakapepa ufi nu kukana uvwa kuli vino Mwene akuyasunda.

Yelemiya 6:28

Yonsi pyu acisanguka atalame wakwe cimwi, nupya yakapitana sile nu kukwakwanya. Yakoma imyenzo wa mukuwa ni cela. Yonsi pyu yakacita iviipe.