Yelemiya 6:26 - Amazwi Yakwe Leza 2013

²⁶ Yawe wavwanga ku antu yakwe ati, “Mwe antu yane zwalini vizwalo vya ndosya munyepe ni mipango mu mitwe. Losyini, pomolini impooma wakwe vino yakaloosya umwana umonsi uwavyalwa sile wenga mpo. Pano umononyi amaiza amwiukizye.

Yelemiya 6:26 Referans Kwoze

Zakaliya 12:10

“Ana yakwe Davidi na ina Yelusalemu nemo ndayapeelesya amano akukwatisya uluse, na mano akumpepesya wakwe cimwi. Yalatamba umwi wino yatulinkinye icanzo, yalamulosya vivi kwene ndi vino yakalosya umwana umonsi uwavyalwa wenga mpo. Yalamulosya kwati antu afwililwe umwana wao umonsi uwi yeli.

Yelemiya 4:8

Acino zwalini ivyakuzwala vya ndosya, mulile nu kupomola impooma, pano ukali wakwe Yawe pali sweswe utalatala usile.”

Yakobo 5:1

Mwe antu akama, ndakai nguvwini! Losyini nu kukuta pa malanda ali nu kumuponela!

Yakobo 4:9

Muye nu ulanda, mwalosya nu kulila minsozi. Tini kuseka, tandikini kulosya. Tini kuzanga, tandikini kukungumala!

Luka 7:12

Lino wapalama pa mpongolo ya musumba, akomanya iumba likulu ilya fumangamo ala yasenzile icala. Icala cii cali ca mwana umonsi wenga sile mu mwanaci uwali mukamfwilwa. Iumba likulu kufuma mu musumba nalyo lyamusukilile.

Amosi 8:10

Ivimulo vinu vya mapepo ndavisenula viye ukulosya, ni nyimbo zinu zyaluzango ndazisenula ziye zyandosya. Mwensi kwene ndaleka yamuzwike ivyakuzwala vya ndosya nu kumupeela ulukuzu. Mulaya wa akwasi yano yakulosya umwana wao umonsi wenga mpo. Uwanda ulya ulaya uwakunyunguluka ukufika napa mpela.”

Nyimbo zya ndosya 4:10

Anaci nanti angala yakweti uluse uli, yasusile yeleka ana yao nu kuyalya pamulandu nu uzanzo uwaponile antu yane.

Nyimbo zya ndosya 4:6

Antu yane yatiyavunukwa ukuluta navino cali ku ina Sodoma, yayo aononyilwe mu kupumikiziwa nupya kutali uwakuyazwa.

Nyimbo zya ndosya 4:3

Na yankusa kwene yakaonsya ana yao, lelo antu yane yakoline ni mbuni mu lwanga, azauke ku ana yao.

Nyimbo zya ndosya 3:48

Mu manso yane mukukonkoloka sile aminsozi kwati amanzi, pamulandu wa ononesi wa antu yane.

Nyimbo zya ndosya 2:11

Amanso yane yatiyatontekana pamulandu nu kulila. Umwenzo wane pasi pakunyongoloka. Amaka yatiyasila pamulandu wakwelenganya vino antu yane yononwa. Ana anono kumwi nu tunya yakufwa ulwezwe mu misolo ya musumba pamulandu nu lusala.

Nyimbo zya ndosya 1:16

“Vii, vili vintu vino vilenzile kuti nalosya, nga nu mu minso yane muzile aminsozi. Kusi umwi wakuntekezya, nu wakunkomelezya kwene asipo. Ana yane nayo intete zyatiziyalema pano umwanisi watancimvya.

Nyimbo zya ndosya 1:2

Yano yasiile mwenemo yakulosya uwaca nu wila. Aminsozi yakulukuta sile umu vipa nu kutemukila pa matama yao. Apa antu yonsi yano ayatemilwe, pasi nanti wenga wiyo wakuyamyalalika. Yacuza yao yatiyayasangukila yonsi pyu. Lyene ayayo iyaya anisi yao.

Yelemiya 15:8

Yamukamfwilwa yao yatiyavulilako umu mpanga ilya, ukuluta umusensenga uwamu nkumba yakwe yemba. Nakomile ana inu alumendo apa vilumba vyao, nu kuleka kuti yanyina yacule. Umu kupumikizya nayaponyezizye kunyunguluka nga ni ngofyo.

Yelemiya 14:17

Yawe wampile ilamulo lyakunena antu pamulandu nu ulanda uno nakweti nga nani inti, “Amanso yane yakwituluka sile aminsozi umusanya nu usiku ukwaula nu kuta. Cizipe ntata ukulila pamulandu wakuti antu yane yatiyaponelwa nu uzanzo umwi uwipisye. Yati yaciswa ivilonda iviipisye.

Yelemiya 13:17

Ndi cakuti mwemo musyakumuvwa, nemo ale namalililanga mu umfisolo. Apamulandu wa vilumba vinu, namalilisya wakwe cimwi cakuti na misonzi yamalukutanga. Apamulandu sile wakuti antu ya Mwene yatiyasendwa mu uzya.

Yelemiya 12:12

Antu yali yacilinganya imilundu yonsi yamu lwanga nu kwiza mu kuzanza impanga ii. Nemo ninjakatusizya inkondo ya konona impanga yonsi. Kusi nanti wenga wino amasyala aikalile umweneco ku matwi cele.

Yelemiya 9:10

Alino ne Yelemiya mvwanga inti, “Awe cumi nemo kanaloosya imyamba. Kanalilila umulemvwe umwakucemelamo iviteekwa, pano mu myamba mwatimuma, nu mulemvwe nao watiuma. Musi umuntu nanti wenga akupita mwenemo. Umutinti wa viteekwa usikuuvwika, ivyunyi pamwi ni nyama zya mpanga vyativyutuka.”

Yelemiya 8:21

Lyene nemo ne Yelemiya ala cikumbaya wakwe cimwi ku mwenzo pamulandu wakuti antu yane yaculisya. Nemo nkulosya, caticimputula nu musana.

Yelemiya 8:19

Si kutikini! Umu mpanga yonsi kwene, nkuuvwamo sile impooma zya antu yane yakuti, “Yawe asi mwenemo muno mu Zioni? Uzye Mwene wino wateeka muno mu Zioni, asi mwenemo vwile?” Yawe wino wayateeka nawe ali pakwasuka ati, “Uzye pacani cino mwaleka kuti insoke, pamulandu nu tuluwi twinu, na pamulandu wakwe tuleza twinu utwaciwelewele nupya utwa inamasi?”

Yelemiya 6:14

Yene yakanyepela icilonda ca antu yane mu kusakaizya ala yakuti, ‘Ulongo, ulongo,’ nalino kusi ulongo.

Yelemiya 4:20

Uzanzo walondela apa uzanzo uze. Ni mpanga yonsi yatiyononeka umu kasita sile akanono. Amataalu yane yatiyononeka umu kupumikizya, icifulo cane naco umu kasita kanono.

Yelemiya 4:11

“Umu nsita ilya yalumila umutundu kwene uu na antu amu Yelusalemu imbila yati, Umuza ukaye auwa ukufuma mu lwanga, ukwizila mwe antu yane. Wene usikwiza mu kumwelulula ndi vino ukaelulula ingano, awe.

Ezaya 32:11

Caleka fwandi tandikini sile ukuizakazila uku ntete, mwemuno mwikala mu cinenke. Musokozoke sile mwemuno mutasakamala akantu nanti kamwi! Zulini insalu zinu zino muzwite, musyale sile ni visamu mu misana.

Ezaya 30:13

Caleka mwemo mwakwatila umulandu. Mwaya wi linga ilitali, lino lyalanga ukufuma ukupela mpaka na pansi. Muliukila sile mwatimuongoloka na pansi.

Ezaya 22:12

Yawe Wamaka yonsi, wamwamile apa wanda ulya uku kulilizika nu mukulosya, kuti mungapela inkuuzu uku mitwe, nu kuzwala visamu.

Ezaya 22:4

Caleka navwanzile inti, “Senkini pano, munte sile ne mweneco nalukulila nu kulumanya incecete. Mutaezya nu kuntekezya, apakononeka kwa antu yane.”

Utandiko 21:16

Nawe aya aikala katalamukila manye amamita ikumi, aivwanzya ati, “Ntangenalola kuno umwana wane akufwa.” Lyene lino acili atenzi papa, atandika ukulila.

Yobo 2:8

Lyene Yobo aya aikala sile pa citumba, pano yakaita itwi ni vikona. Nga atoola icinga acino aikwangola naco sile.

Yelemiya 9:1

Cange cizipe umutwe wane iwuya cifula ca manzi, na manso yane yaye akafukoka ka minsozi, apakuti antu yane yano yakomola, injalosye usiku nu musanya.

Yelemiya 18:22

Tumini iumba likasampe vyamu mang'anda yao mu kupumikizya. Uleke lyene mwauvwika impooma. Pano nemo yatiyanjimbila polowe umwakuti nize mponele mwenemo. Yatiyanteya ni vyakuti yize yandemeleko.

Nyimbo zya ndosya 3:16

Watansimpika usyu wane pansi nu kunkululula amino apa nsakalawe.

Yona 3:6

Lino umwene waku Ninive uvwa ivintu vii, akatuka nu kufuma pa cilimba cakwe ca wene, azula nu mwingila wakwe uwa wene, nga azwala ni cakuzwala cakwe cakulanga ulanda nga aikala nu mulutukumbu.

Yobo 15:21

Impoma zya ngofyo zitalatala zite ukuvwika umu matwi yakwe. Nanti apupu kwene yakamuzanza insita ili yonsi ino wene atenekile.

Ezaya 3:24

Apali icinunu icisuma, palaya akafungo. Apanyepwanga umusipi, palaya umwando. Apali ulunyele ulutelepe, palaya ulukuzu. Apali insalu zyamutengo, palaya ulusamu. Apali ukuyemba kwa mwili palaloleka ivyawinyi ivyakuleta insonyi.

Yelemiya 30:5

“Natinuvwa inkuuta zinu zya ntete izikalamba, izya koopa apakalamba, zisi zya longo foo.