Yelemiya 6:25 - Amazwi Yakwe Leza 2013

²⁵ Cisi cakwezya umwi kufumila mu vyalo nanti umu nzila. Pasi pano mwene muli ulupanga lwa mwanisi. Uzanzo watiutulizizya konsi konsi.”

Yelemiya 6:25 Referans Kwoze

Yelemiya 49:29

Amataalu yao na maufyo yao yonsi visendini. Insalu zyao ni viya vyao vyonsi, ukwikapo ni ngamila zyao visendini ale mukuyapundilila mukuti, ‘Opa, Opa,’ konsi konsi!

Yelemiya 20:10

Nemo nkuvwa kuno antu aingi yakutotozana, yati, “Ingofyo konsi konsi! Si mulandililini! Lekini tumulandilile!” Nayacuza yane kwene yakulolela kuti nduvyanye cimwi, ala yakuti, “Limwi yangamulyongofya, nga naswe tucite cilanduzi kunoli.”

Yelemiya 14:18

Akula naya umu mpanga, ivyala vitupu avino nkuzana vya antu atiyakomwa umu nkondo. Nanti ndi naya umu misumba nkuzana antu yano yakusikila pamulandu ni cipowe. Yakasema na yasimapepo yakutwalilila kuomba imilimo yao. Lelo yatamanyile cino yakucita.”

Masamu 31:13

Nkuuvwa kuno anisi yane aingi yakutotozana, Yene yakungoofya monsi monsi. Yene yakumpangila, yakumana akapi kuti yankome.

Yobo 18:11

Fwandi ivyakumofya vyamutengamila monsi monsi, vyalimbikana nawe monsi muno angapita.

Luka 19:43

Manda yaliza lino anisi yalakwizila nu kukukulilila ilinga. Yalakuzinguluka nu kukuyalila konsi.

Yelemiya 8:14

Antu yakwe Leza yuzya yati, “Uzye pacani cino twikala ukwaula kucita cimwi? Konganini, tulungame ku misumba ya malinga, akuno tukafwile. Pano Yawe Leza witu akulonda kutulovya nu kutumwesya amanzi yausungu, pamulandu wakuti twifya kunoli.

Yelemiya 4:10

Lyene nani imvwanga inti, “Yawe Simwandalali, silola vino cili kwati watusomba antu amu Yelusalemu! Wemo walanda ukuti kutalaya umutende, lelo ulupanga lwatilwekamila apa nsingo zitu.

Yelemiya 4:5

“Laizini umu mpanga yakwe Yuda nu kuuma imbila mu Yelusalemu muti, ‘Lizini intandala mu mpanga yonsi ya Yuda nu mu Yelusalemu!’ Pundini na maka muti, ‘Konganikini antu pamwi! Lekini tutukile ku misumba ya malinga!’

Ezaya 1:20

Lelo ndi mwankana, mwantalamila, awe icumi lyene ale mwasyama, mwaiponzya sile. Endi, avino nene ne Yawe navwanga.”

2 Milandu 15:5

Umu manda yalya kutali umuntu nanti aumwi uwaipitilanga sile, pano imikosi yaponanga mpanga yonsi umu nsi zyonsi.

Yelemiya 30:5

“Natinuvwa inkuuta zinu zya ntete izikalamba, izya koopa apakalamba, zisi zya longo foo.

Yelemiya 46:5

Nupya Yawe anguzya ati, “Uzye ivyani vivi vino nalola? Iye mwe! Yali ni ntete wakwe cimwi. Yaweluluka cundansizi. Ivita vyao vyumwa, yutuka ulwilo, kusi nu wakupepela icisila. Akasokonda konsi konsi.” Ivyalanda ne Yawe.

Nyimbo zya ndosya 2:22

Awewe waamile anisi itu apakuti yize yatoofya monsi monsi. Wemo wacisile ungati watuyama uku maliila. Apa wanda uno wasosile kutali nanti wenga wino wapuusile nanti uwasiile, awe. Yene yakomile ana yane, yano nakuzizye nu kuyatemwa.

Yelemiya 8:15

Twapaalilanga ulongo, lelo tutalola icisuma nanti cimwi. Twalolelanga ukupola, lelo kwiza sile intete izikalamba.

Yelemiya 49:5

Lola, ndakuletela akasokonda mpanga yonsi. Yalazinga, cila muntu pano alungime. Kutalaya nanti wenga uwakukolonganika imbutusi pamwi. Ivyalanda ne Yawe Wamaka yonsi.

Ezekelo 7:18

Yalazwala masaka, yalazakaza imili yonsi. Pa mausyu yao palaya insonyi na pa mitwe yao yonsi palapelwa inkuuzu.

Ezekelo 21:17

Nga nani kwene namakomela inkufi ni cipyu cane cimasila. Ivyalanda ne Yawe Simwandalali.”