Yelemiya 6:23 - Amazwi Yakwe Leza 2013

²³ Yene yalasenda amalapwa na masumo mu minwe. Yene akalale nupya yasi nu luse. Yalaangula icongo kwati ukulunkuma kwakwe yemba mukalamba, lino yakupita pa mfwalasi. Yene yatiyaiteyanya ukukulwisya Yelusalemu.”

Yelemiya 6:23 Referans Kwoze

Ezaya 13:18

Yalakomola utwana utonsi tonsi uku maulapwa yao. Yene yatalaya na mizu uku twana twapi yele. Yatalakwatila ana anono uluse.

Yelemiya 50:42

Yasenzile amalapwa na masumo. Antu yamwi akakate, nu luse yatakwata. Imitinti ya mfwalasi zyao ikuvwika kwati a yemba uwatakatusya amaimbi. Yene yakwizila Babiloni.

Yelemiya 30:14

Yacuza yako yonsi yakwilila, kusi nu wakusakamala foo. Pano nakuumile amatukizyanda. Nakukalipile cipyu cipyu apamulandu wakuti uyi wako wakulisye na maifyo yako nayo yavulisye.

Yelemiya 5:16

Ivyanzo vyao vikoline ni lindi ilyasame. Yonsi pyu pano yapela ivita vyamaka.

Yelemiya 4:29

Apa kuvwa icongo ca mfwalasi ni ca asilika ya nceto, cila muntu alapuuka Yamwi yalapuukila ku mitengo. Yauze yalakwela apapela mu vimawe. Cila musumba mutalasyala nanti akantu, nga kusi umwi alikala mwenemo nupya.

Yelemiya 4:13

Lolini! Umwanisi akwiza wa makumbi. Amaceleta yakwe ankondo yakwiza wakwe nkungulupya. Imfwalasi zyakwe zilusile yacipungu uku lwilo. Kalanda kunotuli! Twatitononwa!

Ezaya 19:4

Lelo nemo ndaleka ukuti umwene umwi umukakasi nupya umukali awino ace ateke aina Eguputo. Ivyalanda Mwene, Yawe Wamaka yonsi.”

Malango 28:49

Yawe alamuletela antu amu luko luze ulwa ku mpela ya nsi ukwiza muzanza, uluko luno icilimi cao mutacimanya. Yene yaliza yamuvwelule ungati a cipungu.

Ezaya 10:32

Lelo uwilelo umwanisi awiyo aimi uku Nobu, watatumpula ikasa lyakwe apa kuzanza antu aku Mwamba wa Zioni, umulundu uwamu Yelusalemu.

Ezaya 17:12

Owe, antu amu mitundu ivule yakupokota, yakupanga icongo wakwe yemba, wa maimbi akulu yano yatiyimilila yakupumana!

Yelemiya 6:4

Yene yalati, “Aleni muiteyanye ku kumulwisya! Katukini tumulwisye lino ilanzi lili umutwe papela.” Lelo lyene yalavwanga yati, “Iye mwe, caipa pano ilanzi lyatemba ni vinzingwa vya manguzi navyo vyatalimpisya.

Yelemiya 25:9

indi nu kwama imitundu yaku kayeya, namaama umuomvi wane Nebukadineza umwene waku Babiloni, namaama antu yano yakaikala ku mpanga ilya apakuti yize yamuvwangatile, yavwangatile kumwi ni mitundu ino yamuzinguluka. Namamulovya mwensi pyu pakuti antu yauze ndi yalolekesya yatandika sile kuizakazila pamulandu ni ntete. Ivyalanda Yawe.

Ezekelo 21:31

Lino ndakukatukila wa cimbilimbili ca moto, alino wemo uluvwa apapela icipyu cane. Ndakusumbila ku antu aya wa vilyanyi ku ukali, ku antu amanya ukusalipa.

Yelemiya 4:16

Izwi likuti muceule nu kunena aina Yuda, mulaizye nu mu Yelusalemu ukuti anisi yatiyiza ukufuma ku mpanga ya kutali. Yakutezela imisumba yakwe Yuda apa nkondo iyasya iize.

Yelemiya 8:16

Ukufuteka kwa mfwalasi zya anisi yao kuuvwika ukufuma kuli Dani. Ni cilulumo cakwe yacipambasi ya mfwalasi yano yakulila catensya impanga yonsi. Anisi itu yiza ku konona impanga itu kumwi na vyonsi ivyaya mwenemo, ni misumba itu kumwi na ikazi ya mwenemo.”

Yelemiya 25:32

Nupya Yawe Wamaka yonsi wavwanga wati, “Lola isyamo lyatililunduluka mu mitundu yonsi, ni cipunga icikalamba caticikatuka ku mpela zya mpanga.

Yelemiya 50:41

Lola! Antu ayayo yakufuma uku kayeya, nupya yene antu amutundu umwi uwa maka. Yali na yamwene avule, ukufuma kumwi kuno kutaitalimpila. Yizile ku kulwa inkondo.