Yelemiya 6:21 - Amazwi Yakwe Leza 2013

²¹ Caleka Yawe wavwanga wati, “Indika inkolelo ya antu yaa icakuipuma kweneko. Nayo yalaipuma kweneko suka yace yalowelele pyu. Yaisi alino na ana yao aonsi, nga na inipamba kumwi na yacuza yao kwene.”

Yelemiya 6:21 Referans Kwoze

Ezaya 8:14

Apamulandu nu kucindama kwane ukwa cipezya amano, nemo naya wi we lino antu yakapumika kweneko. Naya wa lukose luno antu yakalemya mwenemo, yayo atekwa umu Yuda nu mu Yelusalemu. Icikalemwako nu ku ina Yelusalemu kwene.

Ezekelo 3:20

“Umuntu umwi umusuma ndi watandika ukucita vimwi iviipe, alino nani namuteya iciteyo, ala nawe kwene alafwa ndi cakuti wemo utamucelwile kweneko. Umuntu wiyo alafwila pa uyi wakwe, nani ntaliusya ni visuma vino wene wacisile, lelo wemo ulakumpwilapo umulandu pa mfwa yakwe.

Yelemiya 13:16

Mwacindika Yawe Leza winu lino atacili waleta akalanda. Lino mwemo mutacili mutandike ukuipumola uku myamba pamulandu ni mfinzi. Lino uluswepo luno mwemo mukalolela atacili walusangula luye imfinzi.

1 Petulo 2:8

Nupya cili ndi vino malembelo yauze yakati, “Lii, lili iwe ililalenga kuti antu yapumike nu kupona.” Yene yaipumileko pano yatataile mu mazwi ya Mwene. Cii cali ukulonda kwakwe Leza kunoyali.

Loma 11:9

Na Davidi wavwanga ati, “Lekini vimulo vyao viye ulukose lwakuyateya pakuti yapone nga yavunukwe.

Loma 9:33

Ndi vino malembelo yakati, “Lolini naika mu Zioni iwe lya kuipuma, ililalenga kuti antu yapumike nu kupona. Lelo wino wensi uwataila munoli atalacitwa insonyi.”

Ezekelo 5:10

Munuli wemo we Yelusalemu, ali muno akwasi yalaalya ana yao, nga na ana nayo yalaalya akwasi yao. Ala ndakufulula na alasyalapo apuma nayo ndayasansantila monsi.

Yelemiya 21:7

Alino wiyo wensi aalapusuka ku mpungo nu ku lupanga nga nu ku cipowe, wene alalemwa ku mwene Nebukadineza nu ku anisi yao yano yalayakoma. Yene yalakomolwa kunoli ku cilimi ca lupanga lwakwe. Atalasya penepo nanti wenga nupya atalayuvwila uluse foo.”

Yelemiya 18:21

Caleka we Yawe, sungala uleke ana yao yafwe ku cipowe, kayafwe nu ku nkondo. Leka aci yao yafwilwe ana na yaiya. Leka aonsi yafwe ku mpungo, na alumendo leka yafwe ku nkondo.

2 Milandu 36:17

Icaleka lyene Yawe wasuka wayatumila umwene waku Babiloni uku kuyazanza, wiyo uwizile akomola alumendo yonsi amu mpanga ya Yuda, nu mu Ng'anda ikulu yakwe Leza, ukwaula kusya nanti wenga, umulumendo nanti umukazyana, umukombe nanti umukoloci. Leza ayapeela yonsi kwene mu makasa yakwe.

Aina Levi 26:37

Mulapumana mweisikulu lino pasi nanti umwi akumuzinganya. Nupya mutalaya na maka ya kulwisya anisi inu.

Yelemiya 8:12

Insonyi zilinzile kuyalema apa vicitwa vyao iviipe, ivya lupato. Lelo camupamba yene yasyauvwa insonyi, awe. Icaleka fwandi yalapona pamwi na ali nu kupona. Lelo ndiza njavunuke, yalasumbwa pansi.’ ” Ivyalanda ne Yawe.

Yelemiya 13:14

Lyene ndatola yaisi na ana yao nkayapumanye wa nkolo. Nemo ntalayuvwila nu luse foo. Ntaluvwa ulanda nanti sile uluse. Ndayalovya pyu.’ ”

Yelemiya 18:23

Alino nawe kwene Yawe watumanya vii vyonsi vino yakupanga ukuti yangankoma. Utezya uyayelele uluse. Apa uyi wao onsi. Utezya ufute iviipe vyao. Yafwante pansi uyacimvye. Yacitepo cimwi apa nsita ino ucisosile.”

Ezaya 8:15

Ali cino fwandi antu anyanya, yayo yano yamapumikanga kweneko, nu kupona yamaponanga. Yene yamaponanga nu kuvunika yamavunikanga. Yamaivyongelekezyanga nu kulemwa!”