Yelemiya 6:20 - Amazwi Yakwe Leza 2013

²⁰ Uzye mwati nemo nkasakamala kweneko ubani ukufuma ku Syeba nanti ivisali ukufuma ku mpanga zya kutali? Ala nemo ntange mpokelele impolelwa inu yakoca nanti ivya mawila inu ali yonsi a viteekwa ntayakasi, foo.

Yelemiya 6:20 Referans Kwoze

Ezaya 1:11

Yawe akuti, “Uzye mwemo mukwelenganya ukuti nkulonda impolelwa zinu zino mwala mwakoozya ukutuula kunondi. Ivimafwele vino mukungocela vyativimfuulila. Nanti sile amafuta ya nyama zinu izisuma nayo kwene yatiyamfuulila. Uwazi wakwe yacipambasi na wakwe yasuuku, na wakwe yasawe nao kwene watiumfuulila.

Ezaya 60:6

Ingamila zimaizanga kunuli, iciufyo. Zimafumanga uku Midyani nu ku Efa. Zyonsi sile ni zyaku Syeba ziliza ala zyatizisenda zaabu nu ubani. Umu cumi antu yalalumbilizya vino Leza wacita.

Masamu 40:6

Impolelwa na mawila wemo usivilonda, awe. Lelo wemo wampeela amatwi akuvwilako. Usilonda amawila yakoca na mawila yakwelela amaifyo.

Ezaya 66:3

Yamwi yakatuula cipambasi wa mpolelwa, yamwi yakakoma nu muntu yatuula wa mpolelwa, yatuula umwana wa mfwele wa kunyonga simbwa insingo, pakumukoma pakoca impolelwa, yamwi nayo yakatuula usu nanti uwazi wakwe kapoli, yamwi yakaocela ubani wa ciusizyo nanti ukupolelela utuluwi. Ala antu yaa pasi pakutemwa imipepele yao iipisye.

Kufuma 30:23

“Utole vyamununko usuma kulingana makilogalamu yatatu yakwe mule nanti vya musango wakwe kinamoni, makilogalamu yatatu a visali vinunkile ningo,

Ezekelo 27:22

Aculuzi aku Syeba na Laama yakauzyanyanga nawe, yakuletelanga ivintu vinunkile wakwe cimwi, tumawe tukankala twakwe zaabu, nayo ali vintu vino yakauzyanyanga ni vyuma vyako.

Ezekelo 20:39

Mwe ina Izlaeli, Yawe Simwandalali wavwanga wati, “Ale mule mutwalilile ukupepa tuluwi twinu! Lelo nemo nalapa ukuti ku nkolelo mulasuka muvwe izwi lyane. Mutalasausya nupya izina lyane lyamuzilo ku vya mawila inu nu ku tuluwi twinu.

Masamu 66:3

Vwangini muti, “Vino we Leza ukacita ivyakuzunguka! Amaka yako akulu wakwe cimwi. Anisi yako yakatunkana kunuli.

1 Yamwene 10:10

Alino apeela umwene zaabu ukulingana na makilogalamu 4,000, ni vyakununkizya ivyakulya vivule wakwe cimwi, nga na mawe amutengo ukulu cuze. Kutatazile kuletwe icipimo icikulu ca vyakununkizya ivyakulya icilusile cico cino namwene waku Syeba wapeezile umwene Solomoni.

Mapinda 15:8

Yawe wapata uwila wa muntu mwipe, lelo ipepo lya antu asuma likamuzanzya.

Mapinda 21:27

Yawe wapata impolelwa ya antu aipe, makamaka ndi yaipelela apamulandu umwi uwipe.

Yelemiya 14:10

Yawe nawe aasuka ati, “Antu yane yatemwisya ku lulumba, yene yasikaanya yakampingu yao. Ali cino ne Yawe nakana ukuyazengela. Nkaiusya ivinzulunzulu vyao, nga ndayavunuka apa kwifya kwao.”

Yelemiya 14:12

Pasi pano nanti yangata ukulya, nemo ntange nuvwe inkuuta zyao. Nupya nanti yangandetela amawila yakoca na mawila ya mbezu, nemo ntalazangila munoyali awe. Lelo ndayakomola ku lupanga, ku cipowe nu ku ndwala.”

Oseya 8:13

Yene yakapela impolelwa zya nyama kunondi nga yazilya, lelo ne Yawe nsizangila muno zili. Ndayaswilizya umu uzya ku Eguputo.

Oseya 9:4

Kuku kwene antu yatalapelelako amawila yakwe waini kuli Yawe, nanti ukumuzanzya ni mpolelwa zyao. Impolelwa zizyo zilaya wa cakulya capa ndosya, wensi akalya cakulya cico alakowela. Cakulya cico cilaya cakulya sile pamulandu wa nzala, asi wakwe cico cakupeela ku Ng'anda ikulu yakwe Yawe.

2 Samueli 15:12

Pa nsita ino wapeelanga impolelwa, Abusalomu atuma akuya ama Aitofeli uwaku musumba wa Gilo, wenga muli yampandamano ya Mwene Davidi. Fwandi avili vino amapange akupangila isi nu kumusangukila yaile yakukulila kweneko. Alino iumba ilya kulondela Abusalomu nalyo kwene lyayanga likukulila kweneko.

Malaki 1:10

“Si cangecizipe wenga uwamuno muli ayale ivisasa vya mu Ng'anda ikulu yakwe Leza, kuti muposiwe ukupemba umoto wasilesile apa kavuwa kane! Nemo ntakuzangila muno muli, nupya ntalapokelela uwila uli onsi ukufuma kuno muli.