Yelemiya 6:11 - Amazwi Yakwe Leza 2013

¹¹ Lelo nemo ninkwata icipyu cakwe Yawe. Natonta muno nkalu kuzizimizya.” Lyene Yawe avwanga kunondi ati, Pongolwela ukali wane apa ana yano yali mu misolo napa maumba ya alumendo. Yaiya na aci yalasendwa, nga na akoloci kwene yatalayasya.

Yelemiya 6:11 Referans Kwoze

Yelemiya 20:9

Lelo limwi ndi navwanga nati, “Awe mwe, nkanilile sile Yawe nkante nu kulanda amazwi yakwe umwi zina lyakwe,” lyene mu mwenzo wane ilandwe lyako iliya wa kulunkuma kwa moto. Nu munteo zyane ala mumila, nani inezya kuyacinyintila apapezile amaka yane, lelo mucumi imposiwa kucita cico.

Yelemiya 9:21

Imfwa yatitwingilila umu mawindo itu yatiingila nu mu mang'anda itu acindame. Yatikoma ana anono umu miseo na ance mu masokoni.

Mika 3:8

“Lelo nemo, Yawe wanzuzya amaka, wanzuzya umupasi wakwe. Wanzuzya ulungami nu ulamba, kuti nenole amu mupanda wakwe Yakobo inkota zyao, kuti ndangilile aina Izlaeli amaifyo yao.

Umbwilo 16:1

Nupya nuvwa izwi likulu kufuma mu Ng'anda ikulu yakwe Leza, likulanda ku angeli cinimbali liti, “Pitini mukapongolole ngeso cinimbali zya ukali wakwe Leza pa nsi!”

Milimo 18:5

Lino Sailasi na Timoti yafisile kufuma ku Makedoniya, Paulo wasumvile nsita yonsi mu kukosola ilandwe lya Mwene, ala akunena Ayuda ukuti Yesu ali Klistu.

Milimo 17:16

Paulo walolelanga Sailasi na Timoti mu Atena, cimucuzya mu mwenzo pa kulola vino umusumba wazilemo tuluwi.

Milimo 4:20

Pano swemo tutangata kulanda pali vino twalola nu kuvwa.”

Luka 17:34

Namunena vino usiku pa wanda ulya kulaya antu yaili aizi pamwi pa musanzi onga. Wenga yalamusenda, nu muze yalamusya.

Ezekelo 9:6

Mukome yonsi, akote, alumendo, akazyana, yanyina kumwi na ana yao kwene. Lelo yayo yonsi alalembwa icimanyililo pa mausyu yao, awe yene mutezya kuyakumya mwenemo. Tandikilini kuno kwene ku Ng'anda ikulu yakwe Leza.” Fwandi nayo ali pakutandikila pa ntunguluzi izyaimi ku Ng'anda ikulu yakwe Leza.

Ezekelo 3:14

Fwandi Umupasi wakwe Leza iunkatusya nu kunsenda, ala umwenzo wane ukunyongotoka wakwe cimwi, nupya nasosile na Yawe ala watampoka amaka.

Yelemiya 18:21

Caleka we Yawe, sungala uleke ana yao yafwe ku cipowe, kayafwe nu ku nkondo. Leka aci yao yafwilwe ana na yaiya. Leka aonsi yafwe ku mpungo, na alumendo leka yafwe ku nkondo.

Yelemiya 7:20

Ali cino Yawe Simwandalali akuti, “Ukali wane ni cipyu cane vilaponela apa ncende ii. Vilaponela umuntu ni nyama kwene, imiti ya mpanga ni viseekwa kwene. Ukali wane ulaya wa moto uno kusi nanti wenga angauzimya.”

Ezaya 40:30

Alumendo na akazyana yangacepelwa amaka yangatonta, yangapempezyoka nu kupona yangapona.

Yelemiya 15:6

Mwemo mwankana. Mwemo mwamfutatila. Ali cino natimutambalikila ikasa lyane apa kumonona. Natintoonta nu kwelela.

Yelemiya 15:17

Ntatala nazangila ukwikala mwiumba lya antu ya misowe, nanti ukusekaseka pamwi nayo. Lelo apa kuyela ilamulo lyako, nikalanga sile nenga nupya umusoke.

Nyimbo zya ndosya 1:15

“Asilika itu yonsi aakama, Yawe wayasuuzile wakwe cimwi. Wene ali pakutuma ivita vyakwiza komola alumendo itu. Antu itu yonsi ampomvu wayavungola pyu wa matingi mu cifenelo cakwe.

Nyimbo zya ndosya 2:21

Akote na ance ayaya yatuzi mu miseo, yatiyafwa. Anisi yatiyakomola alumendo na akazyana ku malupanga. Awewe wayakomozile ukwaula nu luse, uwanda uno wasosile ukali ukali.

Ezekelo 3:3

Nupya anena nukuti, “We mwana wa muntu, lya kalata wii uwikute.” Nani ali pa kumulya, auvwika nu kulyompa kwati uuci.

Ezekelo 24:21

‘Nena ang'anda yakwe Izlaeli uti Yawe Simwandalali uwavwanga wati lola namakowezya incende yane yamuzilo, cilumba ca maka inu, insansa zya manso inu nga ni ciluka ca myenzo inu. Ana inu aonsi na anaci yano mwasya ku cisila yalafwa ku lupanga.

Yelemiya 5:9

Uzye kwene mwati ntalayavunuka apa vintu vii vyonsi nu kucita icilanduzi pa antu amu luko ululi ndi luu? Ivyalanda ne Yawe.

Yelemiya 9:20

Alino nani imvwanga inti, “Mwe yamangu ala siuvwini vino Yawe wavwanga. Sumbini amano ku mazwi yakwe. Sundini ana inu yakaci umusango wakulosezyamo. Musunde na yacuza inu kwene vya kwimbila inyimbo zya ndosya.