Yelemiya 52:6 - Amazwi Yakwe Leza 2013

⁶ Alino pa wanda walenga fundimbali mu mwezi wakwe ciini, lino inzala yaponyile ala antu yatakweti cakulya.

Yelemiya 52:6 Referans Kwoze

Yelemiya 39:2

Mu mwaka walenga ikumi na onga, uwa kuteeka kwakwe Zedekiya, mu mwezi wakwe cini, apa wanda walenga fundimbali, ilinga lyamokolwa.

Ezaya 3:1

Silolini lyene mwe! Yawe Wamaka yonsi, wasya apokolole ivintu vyonsi pyu, vino aina Yelusalemu na ina Yuda yikalila mwenemo. Wasya apokolole na vyonsi vino antu yikalila, ivikayazwilizya nu kuyazwilizya. Wasya apokolole amanzi ni vyakulya,

Yelemiya 38:9

“Musambazi, we mwene wane, antu yaa yatiyaifya wakwe cimwi kuli kasema Yelemiya, apa kumusumbila mu cifula, kuti amuno ace akafwile ku nzala.”

2 Yamwene 25:3

Apa wanda walenga fundimbali umu mwezi wakwe cini, uwa mwaka kwene uwa, nupya lilyo ala kwapona icipowe icakuti kutali nanti icakulya nanti cimwi cino antu yangalya.

Zakaliya 8:19

“Kuizilizya ukulya kuno mwemo mukacita mu mwezi wakwe cini, wakwe cisano, wakwe cinimbali nga nu walenga ikumi, kulaya amanda makulu akuzevya mwenemo nu kuzanga ku antu amu Yuda. Fwandi mwemo mwatemwa sile ivyacumi nu kwikala umutende.”

Ezekelo 14:21

“Pano vii ivyalanda Yawe Simwandalali. Cilipisya wakwe cimwi lilyo lino ndapezya Yelusalemu ku vyaupinguzi vyane vii vini vyakoofya: inkondo, icipowe, ivilyanyi nga ni ndwala, kuti vyonone antu kumwi ni nyama.

Ezekelo 7:15

Ukunzi kuli inkondo, mukasi muli mpungo ni cipowe. Wiyo alazanwa mu mpanga alafwa ku lupanga, na wino alazanwa mu musumba icipowe ni mpungo vilamulya.

Nyimbo zya ndosya 5:10

Inkanda itu ikaye see, ungati umoto wakwiziko, pamulandu nu kuwaya kwa nzala.

Yelemiya 25:10

Utupundu twinu twa luzango nu kusansamuka, nemo namatumalila namapuulamika na matwi yakwe yasiwinga na yanawinga. Namamyalalika ni cilulumo ca mawe yakusiila kweneko nu kuzimya inkozyo zinu.

Yelemiya 21:9

Wiyo wensi wino alasyala mu musumba uu alafwa ku lupanga, ku cipowe nu ku mpungo. Lelo wiyo wensi wino alafuma mwenemo nu kucimbila aina Babiloni yano yati yauzinguluka, wene alapita ulumi nupya alapususya umi wakwe.

Yelemiya 19:9

Anisi yao yano yalazinguluka umusumba nu kwezya kukoma antu aikazi yamwenemo. Yalalizizya umusumba cakuti antu ali mukasi kauko yalaalya auze kumwi na ana yao kwene.’ ”

Yelemiya 15:2

Ndi cakuti yakuuzya kuno yangalungama, uyanene ukuti Yawe wati, ‘Yamwi yali nu kufwa ku ndwala, nga ku ndwala kwene ali kuno yali nu kuya! Yamwi yali nu kufwa ku lupanga, nga ku lupanga kwene akuno yali nu kuya! Yamwi yali nu kufwa ku cipowe, nga ku cipowe kwene ali kuno yali nu kuya! Yamwi yali nu kusendwa ku uzya, nga ku uzya kwene ali kuno yali nu kufwa!’ ”

Malango 32:24

Yalafwa ku nzala nu ku mpepo iyanzakaza, yalafwa ku ndwala iziipisye izitamanyika. Ndatuma ivilyanyi vya mpanga vikayazanze, nga ni nzoka izya usungu cuze ziyalumole.

Aina Levi 26:26

Ndalenga kuti cipowe cipone panomuli, cakuti anaci ikumi yalapanga imikate muli uvuni wenga sile pa usu onsi uno yakweti. Nupya yalamwankanya imikate inono, cakuti lino mwalya yonsi, kusi kwikuta.

Yelemiya 37:21

Alino lyene umwene Zedekiya apeela ilamulo ilyakuti Yelemiya asungwe umu musolo wakwe yakalinda. Nupya cila wanda yamupeelanga icakulya, cila wanda umukate upuma, ukufuma uku museo wakwe yakapanga ya mikate, suka sile umukate umu musumba wasila. Fwandi avino Yelemiya watenzi umu musolo wakwe yakalinda.

Nyimbo zya ndosya 1:11

Aina Yelusalemu yakuteta lilyo lino yakulondelezya vyakuti yangalya. Yene yakukaula ivyuma vyao ni vyakulya pakuti yatwalilile kuya nu umi. Yakulosya yati, “Mwene sungala undole sile luseluse. Lola vino yakunsaalula.”

Ezekelo 5:16

Ndakuletela icipowe pakuti ukacule ku nzala. Ulaauvwa ukali wa nzala kwati inceto zisongole ali zino zikukulasa pa kukukoma.

Ezekelo 14:13

“We mwana wa muntu, aikala mpanga ndi yifya kunondi apakuntaya acumi kunondi, lyene ndaomvya amaka yane nu kuyavunuka apa kucefya ivyakulya. Ndaponyezya impanga iyo icipowe nu kukoma antu kumwi ni nyama kwene.

Ezekelo 31:1

Apa wanda wakwe conga uwa mwezi wakwe citatu, mu mwaka walenga ikumi na onga uwa kusendwa mu uzya, Yawe avwanga kunondi ati,