Yelemiya 51:6 - Amazwi Yakwe Leza 2013

⁶ Puukini mufume kuko ku Babiloni. Cila muntu apususye umi wakwe. Mutaleka mulowelele pamulandu wa uyi wakwe. Insita ya cilanduzi cakwe Yawe yakulinganya pali vino yacisile yatifika.

Yelemiya 51:6 Referans Kwoze

Yelemiya 50:8

“Utukini mufume kuko ku Babiloni. Fumini mu mpanga ya ina Babiloni. Muye wa mbuzi zino zikutungulula ufyo.

Yelemiya 50:28

Imbutusi zino zikupuuka mu mpanga ya Babiloni nu kwiza mu Zioni, azizyo muzyuvwe kuno zikulanda vino Yawe wanenyile aina Babiloni, pali vino yacisile ku Ng'anda ikulu yakwe Leza.

Yelemiya 50:15

Watacimba, impungu zyakwe zyatiziwa. Amalinga yakwe yatiyaongoloka. Cii, ali cilanduzi cakwe Yawe. Ilandwilini mwenga kunoli, ndi vino wene wacisile, avino namwe mucite.

Yelemiya 51:45

Puukini mufume mwenemo mwe ina Izlaeli. Utukini mupususye umi winu ku ukali wane ukulu.

Yelemiya 25:14

Pano antu amitundu yonsi ilya nayo kwene yalateekwa uzya ku antu amitundu iingi na kuli yamwene. Ndayavunuka apakulinganya vino nayo yacita.

Mpendwa 16:26

Alino anena iuvi ati, “Funtukini ku mataalu ya antu yaa ankota, nupya mutakumya icintu cao icili consi. Pano namwe kwene mungalowa kumwi nayo pamulandu wa maifyo yao.”

Umbwilo 16:19

Musumba ukulu wankanikana mu viputulwa vitatu, nga misumba ya mpanga zyonsi yononeka. Leza aiusya Babiloni mukulu nga amumwesya waini uwamu lwako lwa cipyu ca ukali wakwe.

1 Timoti 5:22

Utakalauka kwika makasa yako pa muntu umwi kuti umusolole atumikila Mwene. Utakumako ku maifyo ya antu yauze. Lelo wemo funtuka ku kukowela konsi.

Yelemiya 51:50

Mwemuno mwapuswike ku lupanga lwakwe, fuminimo mutasyala mwenemo. Mwaiusya ne Yawe umu mpanga ya kutali nupya mwaiusya na Yelusalemu.

Yelemiya 51:11

Nyolini inceto, muzwalile visyangu. Yawe watakatusya umwenzo wa mwene wa ina Medi, pano watapanga ukonona Babiloni. Ali cilanduzi cakwe Yawe, icilanduzi capa Ng'anda yakwe ikulu.

Yelemiya 51:9

Alino ainamasi nayo ali pakwasuka yati, ‘Swemo twezya na maka itu yonsi ukupozya Babiloni, lelo twaposiwa. Acino lyene katumusye sile wenga, cila muntu kaswilile ku mpanga yakwe. Pasi pano upinguzi wakwe watiufika papela pela, watiukatuka ukufika nu mu makumbi.’ ”

Yelemiya 50:31

Lolini mwe ina Babiloni, mwe viyantu vya cilumba. Nemo ne Mwene, Yawe Wamaka yonsi, natimukatukila. Pano insita inu yatifika, iyakuti muvunukwe.

Ezaya 48:20

Fumini mu musumba wa Babiloni, utukini mufume mu mpanga ya uzya. Umilini utupundu twa nsansa, musansante umulandu uu ale mukuti, “Yawe watakulula Yakobo, umuomvi wakwe.”

Yelemiya 46:10

“Lelo ilelo uwanda wa Mwene, Yawe Wamaka yonsi. Wanda wi lelo uwanda wa cilanduzi, wakulandula ku anisi yakwe. Lupanga lwakwe lumalya nu kwikuta. Mumakoleka uwazi wao, pano Yawe Wamaka yonsi amatuula impolelwa umu mpanga iyayela ku ntunga yaku kayeya mu pipi nu luzi lwa Yufulate.

Yelemiya 27:7

Imitundu yonsi lyene ili nu kumutumikila aliwe, umwana wakwe nu mwizikulu wakwe, mpaka insita ya mpanga yakwe nayo ice ifikile lino imitundu yuze ikulu ilamuluta amaka nu kumucita umuzya.

Yelemiya 25:16

Uleke imwe, pakuti ipulupunte na mano yaipele, apamulandu wa nkondo ino namatuma pakasi kao.”

Mapinda 13:20

Akapita nu wa mano nawe kwene alakwata amano, lelo ndi mwapita na akapweeka, ala nawe kwene ulapweeka.

Malango 32:43

“Mwe antu amu nko zyonsi, mulinzile mwalumbanya antu yakwe Yawe, pano wene alavunuka yonsi yao alayakoma. Wene akacita cilanduzi pa anisi yakwe. Nu kwelela amaifyo ya mpanga na ya antu yakwe.”

Malango 32:41

ukuti indanyola ulupanga lwane uluyengese nu kusininkizya ukuti kwaya ukucita ulungami. Ndacita cilanduzi ku anisi yane nu kuvunuka yao yano yampata.

Malango 32:25

Inkondo ilayaletela imfwa mu miseo, mu mang'anda yao mulaya ingofyo. Alumendo na akazyana yalafwa. Kutalaya twana utunya nanti akoloci alapusuka.

Ezaya 63:4

Pano nemo nali nalola ukuti insita yatifika lyene iyaku kulula antu yane, nupya ali nsita kwene yakufulula anisi yao.

Yelemiya 48:6

Simulini mwe, mupususye umi winu umu kukolanya coolwa.

Yelemiya 51:36

Caleka Yawe anena antu amu Yelusalemu ati, “Umulandu winu, anene ndausumbako amano, nupya anene ndamulandwila kweneko. Nemo ndakamya intulo zya manzi umu Babiloni kumwi ni nguzi kwene.

Yelemiya 51:56

Yiza ku konona Babiloni. Ivita vyakwe vyalemwa na malapwa yao yakontolwa. Nene indi Leza akakalipila uyi, nupya ndacitila Babiloni ndi muno akalondela, ukulingana ni sunde.

Nyimbo zya ndosya 3:64

“We Yawe, ule uyapezye ndi vino caticiyalinga ule uyavunuke pali vino yacita.

Masamu 94:1

We Yawe, awewe Leza akavunuka, fwandi langa ukali wako!