Biblia Todo Logo
Bib sou entènèt

- Piblisite -




Yelemiya 51:53 - Amazwi Yakwe Leza 2013

53 Babiloni nanti angakwela ukwiyulu, nu kukuula icele lyakwe litali uli, nemo ndamwisya pululu. Ndamutumila aononyi akumulwisya.” Ivyalanda ne Yawe.

Gade chapit la Kopi




Yelemiya 51:53
29 Referans Kwoze  

Icoopo cako ni cilumba camu mwenzo wako vyakusomba sile, wemuno ukaikala mu macele akuulwa apapela ya myamba itali. Lelo nanti ungaluka icinsanzo cako apapelapela wakwe lyang'anda'anda, ndakuponyezya pansi.” Ivyalanda ne Yawe.


Lyene yati, “Twikuulile umusumba nga nu lupungu lwakufika kwiyulu. Ndi twacita vii, tulalumbuka nupya tutalasalangana monsi mu nsi.”


We Babiloni, wemo ukoline umwamba uno ukaonona insi yonsi, lelo ne Yawe, nene ndi mwanisi wako. Ndakulema nu kukukunkulusya ukufuma pa vimawe vivyo ivitali. Ndakusangula wa mwamba uno wapya ku moto.


Ndi cakuti anisi yao yayasenda umu uzya, kuku kwene ndapeela ilamulo lyakuti yayakome umu nkondo. Ndayacevya mpaka njaletele imikosi nupya ntalayazwa awe.


avwanga ati, “Silolini vino Babiloni waya umukulu! Nene nakuuzile umusumba uu ukulu kuti uye uwakwane wakwikalamo na kuti ndange amaka nu ulamba wane, ululumbi nu usambazi wane.”


Yawe Wamaka yonsi wavwanga wati, “Ilinga lyakwe Babiloni lyamutika, lilaongoloka mpaka na pansi. Ni mpongolo zyakwe izitumpuke zilapya nu moto. Acino fwandi umulimo wa maka ya mitundu, uwakuicuzya sile. Amaka ya mitundu yapelela sile mu cininkwa ca moto.”


Alino lyene iyulu ni nsi na vyonsi ivyaya mwenemo vilazanga ni nsansa pakulola kuno Babiloni wawa. Pano lyene aononyi yalafuma ku katutu ku kumulwisya.


Nyolini inceto, muzwalile visyangu. Yawe watakatusya umwenzo wa mwene wa ina Medi, pano watapanga ukonona Babiloni. Ali cilanduzi cakwe Yawe, icilanduzi capa Ng'anda yakwe ikulu.


Fwandi mwemo mule muvwe sile kunondi, navino napingila ukucita umusumba wa Babiloni ni mpanga. Cacumi, nu twana utunono nato kwene yalatwalanganya apa kutusendela kumwi, cakuti nu muntu wensi sile alazunguka.


Lyene mwalola! Ne Yawe ninjula mu nkoma ya vyanzo vyane, natimvifumyamo cipyu cipyu, pano ne Yawe Simwandalali Wamaka yonsi indi nu mulimo wakuomba mu mpanga ii ya Babiloni.


“Pitangini muye mukalwisye impanga ya Melataimu muwililile na ina Pekodi. Muyakomole nu lupanga, muyalovye. Mucite icili consi ndi muno munenile ukucita. Ivyalanda ne Yawe.


Wemo watangi ulayelelela pali unamwene pee, utasakamalanga kuli vii vyonsi, nanti ukwelenganya kuno vilapelela foo.


Wene akunena Babiloni ati, “Ikala sile cele, umu mfinzi, we mukazyana mwali. Antu yatalatala yakwame ukuti wewe namwene wa mawene, awe.


Nemo nakatusya umuntu umwi, wino akaikala uku ufumondaka. Ndamuleta akize akazanze ukutandikila sile lwaku katutu. Wene alafulula yakateeka kwati akukandila indaka, nanti wakwe nakamata wino akumumunga imbulo.


Ndayatumila aina Medi, kuti yakalwe na ina Babiloni. Yene yatasakamala siluva nupya yasuulila kumwi na zaabu kwene.


Iciimo ca muntu mwipe nanti cingatalimpa ukufika nu mwiyulu, nu mutwe wakwe wakumya nu mumakumbi,


Yiza ku konona Babiloni. Ivita vyakwe vyalemwa na malapwa yao yakontolwa. Nene indi Leza akakalipila uyi, nupya ndacitila Babiloni ndi muno akalondela, ukulingana ni sunde.


Ndi cakuti yangimba pansi mpaka yafike ku cifulo ca afwe, ikasa lyane lilayalema kuko kwene. Ndi cakuti yangakwela ukwiyulu kupela, ndayisya ukufuma kweneko.


“Kalanda ku antu yano yakalonkela umu kwiila auze pakuti alio yacingilile uwikalo wao, nu kuleuka uzanzo nu ucuzi pa mili yao.


Swiv nou:

Piblisite


Piblisite