Yelemiya 51:46 - Amazwi Yakwe Leza 2013

⁴⁶ Mutaleka imyenzo inu itovoke ku vyakuvwauvwa. Cila mwaka impwelo ipusanepusane ikusalanganyiziwa. Ukukakata kulateeka impanga. Kateeka wenga alalwisya kateeka muze.

Yelemiya 51:46 Referans Kwoze

Ezaya 19:2

Yawe wavwanga wati, “Nemo ndasongelekanya aina Eguputo kuti yalwe atupu. Lyene yalalwa umuntu nu mwina, umuntu umwi nu mwinipamba muze, umusumba umwi nu musumba uze, alino uwene umwi nu wene uze.

2 Yamwene 19:7

Nene kwene ne Yawe namaleka ukuti umwene waku Asilya auvwe vimwivimwi, vivyo avino ndaleka kuti aswilile uku mpanga yakumwao akuno yaye yakamukomele nu kumukomela.”

Luka 21:28

Lino vintu vii vilatandika kucitika, mukimilile nu kwinula imitwe inu, pano kutuulwa kwinu kwati kupalama.”

2 Milandu 20:23

Aina Amoni na ina Moabu apali pakukatukila antu aku Mwamba wa Seili iyasyunola yonsi pyu. Lino yayakomola yonsi alino lyene yatandika ukukomana atupu.

Yakapingula 7:22

Lino antu yakwe Gidyoni yacili lizya intandala zyao, Yawe alenga ivita vya anisi yao kuti vizanzane ni mpanga. Ivyutuka kulungama ku Zaletani ivifika nu ku Beti Syita, mpaka nu ku musumba wa Abeli Meolaa pipi nu ku Tabati.

Yelemiya 46:27

Lelo wemo we muomvi wane Yakobo, utoopa, utazakaza, we Izlaeli. Pano apanondi namakupususya uku mpanga zya kutali, alino napakufumya ana yako mu mpanga ya uzya wao. Yakobo alikala umu mutende nga kutalaya uwakumucuzya nupya.

Yobo 23:16

A Leza kwene, uwataleka kuti umwenzo wane utovoke. Leza Wamaka yonsi watandetela ni ntete.

Mapinda 24:10

Nga watovoka ala amaka yako yalacepelwa pa wanda uno wizilwa ni ntazi.

Ezaya 43:5

Utuvwa intete foo, pano indi nawe. Nemo ndafumya antu inu yonsi, ukutandikila sile ku ufumondaka, nu kuyawezezya kumwao.

Yelemiya 46:28

Yawe walanda wati, “Utoopa we muomvi wane Yakobo, pano nemo ndi nawe. Ndalovya imitundu yonsi ya antu amu nko zino namusalanganyizizyeko. Lelo wemo ntalakulovya. Ndakusunda sile ukulingana ni nsambu. Ntalakutapo sile, lelo ndakukalipila.”