Yelemiya 51:33 - Amazwi Yakwe Leza 2013

³³ Yawe Wamaka yonsi, Leza wa ina Izlaeli, wavwanga wati, “Umwana mukazyana wakwe Babiloni akoline nu lwano lwa kupuulilapo ingano pa nsita ino yakupuula. Insita yakumuzombola yatipalamila ukwiza.”

Yelemiya 51:33 Referans Kwoze

Ezaya 21:10

Mwe antu yane, ala yatiyamupuula ungati avino yakapuula ingano. Lelo pali ndakai namamunena amazwi asuma, yano natinuvwa ku Mwene wa vita, Leza wa ina Izlaeli.

Yowelo 3:13

Swelula icikwakwa cakusinzila, pasi pano ingano zyatizica mpiti. Izini, mulyatole amatingi, pasi pano umwakufenela amatingi mwatimuzula waini, nga na waini akusampoka. Vivyo ivyaya ukwifya wakwe cimwi, ukwa antu amu mitundu yuze.’”

Oseya 6:11

“Mwe aluko lwakwe Yuda, namwe kwene ndamuvunuka, “pa vintu vino mukucita.”

Mika 4:13

Yawe akuti, “Mwe antu amu Zioni, katukini muye mukalwisye anisi inu! Ndamucita ukuya antu amaka ungati a masaye uwa mpembe zya cela, ni nkamba zya mukuwa. Ulavungola antu amu mitundu ivule, “nu kutuula kuli ne Yawe ivintu vino yalonsile umu ukakasi. Ni cuma cao ulacipeela ku Mwene wa nsi yonsi.”

Mateo 13:39

Mwanisi wino watile kalolo akwimilila Ciwa. Uzombozi ukwimilila wanda wampelelekezyo ya nsi. Yakasinza nayo yakwimilila angeli.

Mateo 13:30

Lekini vyonsi vikulile pamwi kufika ku uzombozi. Pa nsita ilya ndanena azombozi inti, mutandike kwipa kalolo, mumukolonganike nu kumunyepa mu myanzi, nu kooca mu moto. Alino lyene mukolonganike ingano nu kuzisezya mu nkoma.’ ”

Habakuku 3:12

Wemo mu ukali wako uwiza usalala ukucilinganya insi yonsi, ulyatola antu amitundu yonsi mu cipyu cako.

Amosi 1:3

Yawe wavwanga wati, “Antu aku Damasiko yacili yakutwalilila ukwifya, acino nani ntalata ukuyavunuka. Yene yakazunya antu aku Gileadi ukaka ukaka.

Ezaya 18:5

Pano vivi kwene vino cikaya lino yatacili yakulule iviseekwa uku matingi akuca, lino iluwa lyalukuta, nga ni viseekwa vyatandika ukuca, ali vino na anisi yalalovya aina Kusyi, ndi vino umupeni ukaputola imisambo ya matingi, apa kuitungwila.

Ezaya 47:1

Yawe wavwanga wati, “We mukazyana atatala wamanya umonsi, we Babiloni, senka apa cilimba cako cawene. Ikala pansi pa luvukutu. We Babiloni ikala pansi, pano antu yatalakwama nupya ukuti wewe mutelepelele nupya umuyembe.

Yelemiya 51:32

Anisi yatiyapoka na malambwa yakwe, amalinga yakwe yatiyapya. Asilika nayo intete zyatiziyalema wakwe cimwi.”

Mika 4:12

Lelo antu yayo yatamanya ukwelenganya kwakwe Yawe, nupya yatiluka ukuti yayakonganika kuti yavunukwe, wakwe vino imyanzi ya ngano ikakolonganikwa apa lwano.