Yelemiya 51:30 - Amazwi Yakwe Leza 2013

³⁰ Alino lyene ivita vyaku Babiloni vilata ukulwa, vilikala sile cele, umu maceleta yaviko. Amaka yaviko yalasila. Vilaya sile wa anaci. Amang'anda yakwe Babiloni yalatumuka umoto. Imikolongelo ya mpongolo zyakwe ilavunoka.

Yelemiya 51:30 Referans Kwoze

Naumi 3:13

Silolini ivita vinu, vyonsi kwene visi na maka wa anaci! Imikolongelo yapa mpongolo yako ilayulila anisi yako, nga nu moto ulonona imikolongelo kwene iyo.

Nyimbo zya ndosya 2:9

Impongolo zyati zyononeka. Imifikilo nayo yakontoka kumwi ni mikolongelo. Umwene wamuno mpanga kumwi na makombe yakwe yasendwa uzya ku inamasi. Kusi nanti umwi uwakusambilizya amazwi yakwe Leza. Nanti sile a yakasema yakwe kwene yatiyata ukulola ivilolwa ukufuma ku Mwene.

Ezaya 19:16

Mu wanda ulya aina Eguputo yalaya ungati anaci, yalaizakazila sile uku ntete, apakulola Yawe Wamaka yonsi kuno watazunzula ikasa lyakwe apa kuyafulula.

Masamu 76:5

Ivita ivizwangane, yavipokolwile ivyuma vyao, ali pakulalilila utulo twa mfwa, nupya patasyala nanti wenga uwa mbezu, uwakuti aomvya ivyanzo vyao.

Amosi 1:5

Indonona impongolo zya misumba yakucingilila umusumba waku Damasiko. Indononela calimwi umwene wensi akateeka uku Cifoloma caku Aveni. Na wensi akulemelela intuwa ya wene uku Beti Edeni. Antu aku Alamu yalasendwa umu uzya ku mpanga yaku Kili.”

Yelemiya 48:41

Umusumba wa Kelioti ulapokwa nga na malinga yalapokwa. Mu wanda ulya imyenzo ya vita vyaku Moabu ilaya wa mwenzo wa mwanaci wino ali pipi nu kulela.

Umbwilo 18:10

Yene yalimilila patali, pamulandu wa kuya ni ntete zya kukumako ku kucula kwakweo. Yalavwanga yati, “Owee, we koofya we! Owee we kwipa we! We musumba ukulu cuze nupya uwamaka, Babiloni! Watuvunukwa muli aawa wenga sile!”

Yelemiya 51:57

Asambazi yakwe namayamwesya ivyakuti yakoleke, kumwi na alasi yakwe, yamusika yakwe ni vita vyakwe kwene. Yalapona mu tulo twa muyayaya, yatalatala yazyuke nupya. Ivyalanda ne Mwene wino izina lyakwe a Yawe. Izina lyane anene Yawe Wamaka yonsi.”

Yelemiya 51:32

Anisi yatiyapoka na malambwa yakwe, amalinga yakwe yatiyapya. Asilika nayo intete zyatiziyalema wakwe cimwi.”

Masamu 147:13

Pano wene akakomya imikolongelo ya mpongolo zyako. Wene akapolelela na ana yako.

Masamu 107:16

Aliwe akalepola ivisasa vya mukuwa nu kuputola imikolongelo ya vyela.

Ezaya 47:14

“Antu yayo mwine yaya sile wa nsaawa zino umoto ukawayola. Yene yalaposiwa ukuipususya aisikulu, pano icimbilimbili ca moto cilakaisya. Utalaya umoto uwakuti umuntu acinila kweneko, nanti umoto uno umuntu angota.

Yelemiya 50:15

Watacimba, impungu zyakwe zyatiziwa. Amalinga yakwe yatiyaongoloka. Cii, ali cilanduzi cakwe Yawe. Ilandwilini mwenga kunoli, ndi vino wene wacisile, avino namwe mucite.