Yelemiya 51:24 - Amazwi Yakwe Leza 2013

²⁴ Yawe wavwanga wati, “Mulailolela mwenga na manso inu kuno nkuvunuka aina Babiloni yonsi apa lufyengo luno yacitile Zioni.

Yelemiya 51:24 Referans Kwoze

Yelemiya 50:15

Watacimba, impungu zyakwe zyatiziwa. Amalinga yakwe yatiyaongoloka. Cii, ali cilanduzi cakwe Yawe. Ilandwilini mwenga kunoli, ndi vino wene wacisile, avino namwe mucite.

Umbwilo 18:24

Babiloni wavunwikwe pamulandu wa wazi wakwe yakasema nu wa antu yakwe Leza, nga nu wa antu yonsi akomilwe muno nsi.

Umbwilo 18:20

Zangini, mwe muno mwikala mwiyulu pamulandu wakononwa kwakwe! Zangini mwe antu yakwe Leza pamwi na atumwa na yakasema! Pano Leza watamuvunuka pali vino wamucitile!

Umbwilo 6:10

“We Mwene witu, wewe wamuzilo nupya uwa cumi! Uzye ukufika lilaci lino ulapingula nu kuvunuka antu yano akaikala pano nsi, yano atukoma?”

Yelemiya 51:49

Babiloni nawe alawa pamulandu wakwe yano yakomilwe umu Izlaeli, ndi vino wene wakomile antu aingi umu mpanga zyao.” Ivyalanda ne Yawe.

Yelemiya 51:35

Aina Zioni kayalukuti, “Ee, cumi aina Babiloni kayayafulule sile, pali vino yene yatucuzizye!” Antu amu Yelusalemu nayo kayale yalukuti, “Eya, aina Babiloni kayayafulule, pali vino yamucuzizye!”

Yelemiya 51:11

Nyolini inceto, muzwalile visyangu. Yawe watakatusya umwenzo wa mwene wa ina Medi, pano watapanga ukonona Babiloni. Ali cilanduzi cakwe Yawe, icilanduzi capa Ng'anda yakwe ikulu.

Ezaya 66:6

Uvwini kuno! Mu musumba muvwika impokoma. Yafuma mu ng'anda yane. Anene ne Yawe inkukavya apa nsita ino nkulyotola anisi yane!

Ezaya 61:2

Wantuma nene apakuti indande ukuti insita lyene yatifika ino Leza alapususya antu yakwe, ino alacimvizyako anisi yao. Wantuma na pakuti inamyalalikako yano yakulosya.

Ezaya 48:14

“Kolonganini mwensi, nga muuvwe. Pataya kaleza kinu akaluwi nanti konga, akatatazile ikalandila calimwi ukuti umukundwe wane wenga alavwangatila umusumba wa Babiloni, kumwi na ikazi ya mwenemo. Umukundwe wane wiyo alacita vino nemo nkalonda ukucita.

Yelemiya 25:14

Pano antu amitundu yonsi ilya nayo kwene yalateekwa uzya ku antu amitundu iingi na kuli yamwene. Ndayavunuka apakulinganya vino nayo yacita.

Yelemiya 50:10

Impanga ya ina Babiloni ilapokololwa icuma, na yayo yano yalavipokolola yalasuka yaivwangile ukuti, ‘Ee kwene vyavula!’ Ivyalanda ne Yawe.

Yelemiya 51:23

kuti inkome yakacema na maufyo yao, kuti inkome alimi na yamasaye yao akulimila, kuti inkome alasi ni ntunguluzi kwene.”

Yelemiya 51:56

Yiza ku konona Babiloni. Ivita vyakwe vyalemwa na malapwa yao yakontolwa. Nene indi Leza akakalipila uyi, nupya ndacitila Babiloni ndi muno akalondela, ukulingana ni sunde.

Nyimbo zya ndosya 3:64

“We Yawe, ule uyapezye ndi vino caticiyalinga ule uyavunuke pali vino yacita.

Masamu 79:10

Kuno icani cino ainamasi yangatuzizya iyati, “Uzye Leza winu alikwi?” Fwandi leka tulole kuno ukupezya ainamasi, pali ucikoma uno yakomozile antu.