Yelemiya 51:22 - Amazwi Yakwe Leza 2013

²² na kuti inkome aonsi na anaci, kuti inkome akote na ance kwene, kuti inkome alumendo na akazyana,

Yelemiya 51:22 Referans Kwoze

2 Milandu 36:17

Icaleka lyene Yawe wasuka wayatumila umwene waku Babiloni uku kuyazanza, wiyo uwizile akomola alumendo yonsi amu mpanga ya Yuda, nu mu Ng'anda ikulu yakwe Leza, ukwaula kusya nanti wenga, umulumendo nanti umukazyana, umukombe nanti umukoloci. Leza ayapeela yonsi kwene mu makasa yakwe.

Ezaya 13:18

Yalakomola utwana utonsi tonsi uku maulapwa yao. Yene yatalaya na mizu uku twana twapi yele. Yatalakwatila ana anono uluse.

Ezekelo 9:6

Mukome yonsi, akote, alumendo, akazyana, yanyina kumwi na ana yao kwene. Lelo yayo yonsi alalembwa icimanyililo pa mausyu yao, awe yene mutezya kuyakumya mwenemo. Tandikilini kuno kwene ku Ng'anda ikulu yakwe Leza.” Fwandi nayo ali pakutandikila pa ntunguluzi izyaimi ku Ng'anda ikulu yakwe Leza.

1 Samueli 15:3

Acili cino fwandi wemo pita sile ukalwisye aina Amaleke nu kulovya ivintu vyao vyonsi. Cisi cakwezya kuti usyepo nanti umwi. Ukome aonsi na anaci kwene, nga na ana kumwi nu tunya kwene tuno yakulela, ni ng'ombe nga ni mfwele, ingamila na yapunda.’”

Nyimbo zya ndosya 2:11

Amanso yane yatiyatontekana pamulandu nu kulila. Umwenzo wane pasi pakunyongoloka. Amaka yatiyasila pamulandu wakwelenganya vino antu yane yononwa. Ana anono kumwi nu tunya yakufwa ulwezwe mu misolo ya musumba pamulandu nu lusala.

Yelemiya 6:11

Lelo nemo ninkwata icipyu cakwe Yawe. Natonta muno nkalu kuzizimizya.” Lyene Yawe avwanga kunondi ati, Pongolwela ukali wane apa ana yano yali mu misolo napa maumba ya alumendo. Yaiya na aci yalasendwa, nga na akoloci kwene yatalayasya.

Ezaya 13:16

Yalalyatola yao ale yakulola ntontonto. Yalasampa ivyuma mu mang'anda, nu kuyembuka na aci yao umu kuyapatikizya.

Malango 32:25

Inkondo ilayaletela imfwa mu miseo, mu mang'anda yao mulaya ingofyo. Alumendo na akazyana yalafwa. Kutalaya twana utunya nanti akoloci alapusuka.

Ezaya 20:4

Vivyo kwene avino umwene waku Asilya alacita. Wene alasenda azya yano alalema ukufuma mu mpanga zizyo ziili. Ance na ikolo yonsi yalapita tupu ukwaula indyatu. Nupya yalapisya amatako apaswe. Icintu cico cilaletela aina Eguputo na ina Kusyi insonyi.

Ezaya 13:15

Wiyo wensi wino yalazana yalamukoma. Na wensi wino yalalemenkezya yalamukomola nu lupanga.

Yelemiya 44:7

“Lyene Yawe Wamaka yonsi, Leza wa ina Izlaeli, akuti, Uzye pacani cino mungailetelela uzanzo ndi uo? Uzye mukulonda sile ukuletelela aonsi na anaci, utwance nu tunya kumwi, cakuti kuno muli kutakasyale nanti umwi uwa mbezu?

Yelemiya 50:37

Komolini imfwalasi zyao na maceleta yao kwene! Komini kumwi ni vita ivyenyi, ivyafuma ku mitundu yuze, vino yingizya incito uku ina Babiloni apakuti yayazwe. Yene icili conga sile wakwe yamangu. Ononini ni vyuma vyao kwene vino yasunga. Muvisampe visendwe nu kusendwa.

Yelemiya 51:23

kuti inkome yakacema na maufyo yao, kuti inkome alimi na yamasaye yao akulimila, kuti inkome alasi ni ntunguluzi kwene.”

Nyimbo zya ndosya 2:21

Akote na ance ayaya yatuzi mu miseo, yatiyafwa. Anisi yatiyakomola alumendo na akazyana ku malupanga. Awewe wayakomozile ukwaula nu luse, uwanda uno wasosile ukali ukali.