Yelemiya 51:16 - Amazwi Yakwe Leza 2013

¹⁶ Ndi cakuti wapangalansya, ikuya icilulumo ca manzi umwiyulu. Aliwe akafumya amakumbi ku mpela zyonsi zya nsi. Aliwe akalenga inkuwa zimyansya umu mvula nu kutuma umuza ukufuma umu nkoma zyakwe.

Yelemiya 51:16 Referans Kwoze

Masamu 135:7

Akaleta amakumbi ukufuma uku mpela yonsi, alenga ni nkuwa ukupangalansya, nga aleta ni cimuza ukufuma umu nkoma zyakwe.

Yona 1:4

Lyene Yawe akatusya umuza ukome sana pali Yemba, nga ikuya icipupu icakuti icombo cali pipi nu kononeka.

Masamu 18:13

Yawe wapangalansya ukufuma umwiyulu. Izwi lyakwe Leza Wapapelapela ilyuvwika ukufuma mwenemo.

Yona 4:8

Lyene lino ilanzi lyatunka, Leza akatusya umuza ukaye ukufuma ku ufumondaka, nga ilanzi nalyo ilyoca Yona apa mutwe cakuti afwa icipafi. Yona alonda nu kufwa, nga avwanga ati, “Canzipila ukufwa kuluta ukuya nu umi.”

Amosi 9:7

“Uzye mwe ina Izlaeli mutakoline na ina Kusyi? Avino Yawe wavwanga. Uzye asi nene nafumizye aina Izlaeli ku Eguputo? Uzye asi nene nafumizye aina Filisti ku Kafitoli na ina Asilya ku Kili?

Ezekelo 10:5

Icongo ca maapa yakwe yakelubi naco cuvwika nu ku musolo wa panzi, kwati a Leza Wamaka yonsi umweneco awino akuvwanga.

Masamu 147:18

Lyene ndi cakuti wavwanga, nga imvula ya mawe isunguluka. Wene akakatusya cipupu, nga amanzi iyaapita!

Masamu 104:7

Lelo lino wakalipile amanzi yaswilile mwenemo, lilyo lino yuvwile vino wavwanzile nayo yaswilile sile ulwilo.

Masamu 78:26

Alino akatusya nu muza waku ufumondaka, nao umapunga, uku maka yakwe, waleta nu muza uwaku katutu.

Masamu 68:33

wiyo akapita umwiyulu, nalyo iyulu ilyampiti na mpiti, wiyo akapongomoka ni zwi ilya maka.

Masamu 46:6

Antu ya mitundu yuze, yene yakaizakazila sile, yamwene yamwenemo nayo kwene yakaizakazila sile. Leza nga wauza nu musili iwaimokokela sile.

Yobo 40:9

Uzye nawe wakwata amaka wa maka yakwe Leza? Uzye izwi lyako lingapanta wizwi lyakwe Leza?

Yobo 38:22

“Uzye wemo watala wafika kweneko kuno nakoozezyanga kungwi, nanti kuno nakoozezyanga amawe ya mvula?

Yobo 37:13

Cino Leza waletela amakumbi ni mvula pano nsi, limwi apakuti avunuke antu pano nsi, nanti limwi apakuti ayapeele ivintu ivisuma.

Kufuma 14:21

Lyene Mose akonzolola ikasa lyakwe pali yemba, alino Yawe alenga kuti muza upunge ukufuma ku ufumondaka. Muza upunga usiku onsi nu kulenga kuti amanzi yapaatukane cakuti musili uume uloleka pali yemba. Amanzi yapaatukana kuu na kuu,

Kufuma 10:19

Yawe alenga muza uno wapunganga ukufuma ku ufumondaka kuti upunge ukufuma ku uwondaka. Muza iulwila makanta wensi pyu kuli Yemba Muyenzu. Kutali makanta nanti wenga wino wasile mu Eguputo.

Kufuma 10:13

Caleka Mose akatusya intuwa mwi yulu na Yawe alenga umuza ukufuma ku ufumondaka kuti upunge. Umuza upunga uwanda onsi usiku nu musanya. Uwanda uno walondelilepo lino ilanzi likutunka, makanta ala wataandalala impanga yonsi ya Eguputo.

Utandiko 8:1

Lelo Leza atilile Nowa ni nyama zyonsi zyamu mpanga, nga ni viteekwa vino wali navyo mu cange. Caleka Leza akatusya cipunga mu nsi, na mulamba atandika ukupwa.