Yelemiya 51:14 - Amazwi Yakwe Leza 2013

¹⁴ Yawe Wamaka yonsi walaya umwisikulu ukuti alavuzya antu avule wakwe makanta mu Babiloni, lelo yalakuta impooma yaluzango apa kukulwisya.

Yelemiya 51:14 Referans Kwoze

Amosi 6:8

Yawe Simwandalali akulapa mwi zina lyakwe umwisikulu ati, “Nasoka icilumba ca ina Izlaeli nu kupata ivimang'anda vyao vikulu. Endi, ndapeela umusumba wao na vyonsi ivyayamo ku anisi yao.”

Yowelo 2:25

Umu musango uli umwi kwene, nemo indamuwezezya vyonsi sile ivyononeka kuli makanta, nu ku vikwe, na kuli lulele na manzombwe. Ikwene ili mpuka ya vita vyane, ino natumile ku kwiza mupezya.

Yelemiya 50:15

Watacimba, impungu zyakwe zyatiziwa. Amalinga yakwe yatiyaongoloka. Cii, ali cilanduzi cakwe Yawe. Ilandwilini mwenga kunoli, ndi vino wene wacisile, avino namwe mucite.

Yelemiya 49:13

Pasi pano nalapa nemweneco ukuti Bozila alasanguka icitala ng'anda, nupya icintu cimwi icakoofezya, camuzewanya nu lutipu. Nupya imisumba ya mwenemo ilasyalilila amatongwa pee.”

Ayebulai 6:13

Lino Leza walavile Abulaamu, wene walavile nu mulapo kucita vino walavile. Vino kutali umwi mukulu kuluta aliwe, umwisikulu waomvizye izina lyakwe pa kulaya nu mulapo.

Yelemiya 51:27

“Imikini ulunga mu mpanga yonsi! Lizini intandala apakuti inko zyuvwe! Teyanyini antu amu nko ku kuyalwa inkondo na ina Babiloni! Amini ukufuma ku Alalati, uku Mini, nu ku Asyikenazi yamwene akuyamuwililila. Sontini musika uwakutungulula ulwi uo. Tumini kweneko imfwalasi zivule wa cikundi cakwe makanta.

Yelemiya 46:23

Yakutema umutengo wakwe, Ivyalanda Yawe. Utange uyapende foo. Yene avule, yalusile na makanta ku wingi. Ala imintapendwa.

Yakapingula 6:5

Yene yiiza kumwi ni viteekwa vyao na mataalu yao, kwati amakanta. Yene pamwi ni ngamila zyao yali avule nupya atangapendwa. Yizile yonona impanga ilya.

Masamu 105:34

Apeela iceo, na makanta aiza nga ni vikwe ivisi vyakupenda.

Yelemiya 44:26

Lelo kwene mungala muvwe ukwizwi lyakwe Yawe mwe ina Yuda mwensi, mwemuno mukaikala umu Eguputo. Yawe akuti, ‘Nalapa umwi zina lyane ilikulu ndi vino, monsi sile umu mpanga ya Eguputo, yatalatala yalumbule izina lyane uku mwina Yuda nanti wenga yati, “Nalapa umwi zina lyakwe Yawe wa umi wa pee.”’