Yelemiya 51:12 - Amazwi Yakwe Leza 2013

¹² Tumpulini imendela iyakuwisya amalinga yakwe Babiloni. Muvuzye yakalinda, mwike na yakasopa, mufise na akuteyamila. Pasi pano Yawe wapangila aina Babiloni, nupya wayacitila ndi muno wayalaile.

Yelemiya 51:12 Referans Kwoze

Yelemiya 51:11

Nyolini inceto, muzwalile visyangu. Yawe watakatusya umwenzo wa mwene wa ina Medi, pano watapanga ukonona Babiloni. Ali cilanduzi cakwe Yawe, icilanduzi capa Ng'anda yakwe ikulu.

Ezaya 13:2

Apa mwamba usenguke, papunge imendela! Pundini izwi ilikalawane uku vita, muyakapizye uku minwe, yize uku mpongolo zya asambazi, yayazanze.

Naumi 2:1

Mwe ina Ninive, azanzi yatiyiza ku kumonona. Ikini ivita vinu pa malinga! Mwalinda imiseo! Iteyanyini ku kulwa inkondo!

Yelemiya 51:29

Alino lyene impanga ilatenta nu kusunkana, pano lyene umwene alafikilizya amapange yakwe, yano wapangile Babiloni, akusangula impanga ya Babiloni ulwanga, umutange mwikale umuntu.

Yowelo 3:2

indakonganika imitundu ya antu yonsi nu kuyatwala uku Cifoloma ca Yeosafati. Kuku kwene akuno ndayapingula pali vino yacitile antu yane aina Izlaeli. Pasi pano yene yayasalanginye umu nko zyuze nu kwankana impanga yane.

Nyimbo zya ndosya 2:17

Umwene lyene wasuka wacita vino walanga wapanga ukucita. Wene watatulovya ukwaula nu luse, ndi mumu kwene muno watunenyile mpiti. Wataleka ukuti anisi itu yatucimvye. Acino lyene nu kuyuvwa yakuyuvwa wakwe cimwi.

Yelemiya 51:27

“Imikini ulunga mu mpanga yonsi! Lizini intandala apakuti inko zyuvwe! Teyanyini antu amu nko ku kuyalwa inkondo na ina Babiloni! Amini ukufuma ku Alalati, uku Mini, nu ku Asyikenazi yamwene akuyamuwililila. Sontini musika uwakutungulula ulwi uo. Tumini kweneko imfwalasi zivule wa cikundi cakwe makanta.

Yelemiya 50:2

“Umini imbila mu mitundu, mwimike ni mendela. Pundini mutafisa umulandu, muvwange muti, ‘Yatiyapoka Babiloni, Beli watalemwa ni nsonyi, Maliduki watatamoka. Utuluwi twakwe twatituzewana. Ivyawinyi vyakwe vyati viongoloka.’

Mapinda 21:30

Amano, ukwiluka kwa vintu, nanti ukupandwa amano, vii vyonsi ivya ciwelewele sile ndi cakuti visikulola kuli vino Yawe akalonda.

Yoswa 8:14

Lino umwene waku Ai walola vivyo, aliwe pamwi na onsi amu musumba iyazwangana katondotondo ukwizafuma mu musumba ku kukomenkanya aina Izlaeli mu ulwi pa ncende imwi ulunga na Alaba. Lelo wene atamanyile ukuti kuli atiyamuteyamila ukunzi ya musumba.

Yelemiya 4:28

Calenga ukuti impanga ilalila iyoyomba, nu kwiyulu kulafita fititi, pamulandu wakuti ne Yawe natimvwanga, nupya natimpanga ukucita cico kwaula kufutuka.”

Yelemiya 23:20

Icipyu ca Mwene citalatala cizuke, suka sile ace atale afikilizye vino wapanzile ukucita umu mwenzo wakwe. Cico mulacuvwa ningo umu manda yano yaliza uku nkolelo.”

Yelemiya 50:25

Lyene mwalola! Ne Yawe ninjula mu nkoma ya vyanzo vyane, natimvifumyamo cipyu cipyu, pano ne Yawe Simwandalali Wamaka yonsi indi nu mulimo wakuomba mu mpanga ii ya Babiloni.

Ezaya 11:12

Yawe alakatusya uluunga apakulanga imitundu ukuti akukonganika pamwi nupya antu asalangine, yakwe Izlaeli na yakwe Yuda, nu kuyaleta ukufuma mu ntunga zyonsi ziini izya nsi.