Yelemiya 50:9 - Amazwi Yakwe Leza 2013

⁹ Pano nemo ndaleta ivita vya mitundu ikalamba ivilalwisya Babiloni. Vilafuma ku ntunga ya kukayeya. Vilatantama nu kumulwisya ukufuma ku kayeya vilamupokolola. Inceto zyao zyaya wa vita ivicenjelesye, vino visiwela minwe.

Yelemiya 50:9 Referans Kwoze

Yelemiya 51:11

Nyolini inceto, muzwalile visyangu. Yawe watakatusya umwenzo wa mwene wa ina Medi, pano watapanga ukonona Babiloni. Ali cilanduzi cakwe Yawe, icilanduzi capa Ng'anda yakwe ikulu.

Yelemiya 50:29

“Amini yano yacenjela kufiika inceto yize yalwisye aina Babiloni. Mwame sile yonsi pyu yano yamanya kuzumba amalapwa. Zingulukini umusumba, mutaleka nanti wenga apuuke. Mulandule apa vicitwa vyao, ndi vino nayo yacisile. Pano kwene yacita icilumba kuli Yawe, Wamuzilo wilya wakwe Izlaeli.

Yelemiya 50:26

Aleni fwandi lyene, muciwililile monsi monsi, tamolini izyankoma muno yakasezezya ingano zyao! Vino mumapokololanga, muvitulike mu mitumba ndi vino yakatulika ingano. Ononini musumba! Mutasya mwenemo akantu nanti kamwi.

Yelemiya 50:21

“Pitangini muye mukalwisye impanga ya Melataimu muwililile na ina Pekodi. Muyakomole nu lupanga, muyalovye. Mucite icili consi ndi muno munenile ukucita. Ivyalanda ne Yawe.

Yelemiya 50:14

Tentemukilini ku kulwisya Babiloni, mumuzinguluke mwensi mwemuno mukavuwa amalapwa nu kufiika inceto. Mulasini ukwaula kutezela uluceto! Ukwaula kumutezela nanti uluceto! Mukatusizini impooma zya ulwi impanga zyonsi.

Yelemiya 50:3

Pasi pano ku lusansa lwaku kayeya kwafuma umutundu wakumulwisya, casangula ni mpanga yakwe ulwangwa. Mutalatala nupya muce mwikale umuntu. Antu ni nyama vyativyutukamo, ivipita.”

Yelemiya 15:14

Ndaleka kuti yaye azya ya anisi yao mu mpanga ino yatamanya, pamulandu wakuti ukali wane ukoline wa moto, nupya ulafuluma amanda pe.”

Ezaya 41:25

Nemo nakatusya umuntu umwi, wino akaikala uku ufumondaka. Ndamuleta akize akazanze ukutandikila sile lwaku katutu. Wene alafulula yakateeka kwati akukandila indaka, nanti wakwe nakamata wino akumumunga imbulo.

Ezaya 21:2

Ne Ezaya natindola icilolwa conga apa vintu ivikalale: wiyo akukoopa, akukoopa, wiyo akonona, akonona. Mwe vita vyaku Elamu, katusyini inkondo! Mwe vita vyaku Medya, mulizizye imisumba iyo. Nene ne Yawe ndamala ucuzi onsi uno waletwa na ina Babiloni.

2 Samueli 1:22

Ulapwa wakwe Yonatani utatazile uwele sile ukwaula ukusalipa. Ulupanga lwakwe Saulo lwakomanga icikalale, lula lukuwisya antu yamaka, ilukoma anisi.

Lwimbo lwakwe Solomoni 3:8

Onsi yao yamanya ukuomvya ulupanga umu nkondo, yonsi kwene aya mfundi umu nkondo, cila muntu apikile ulupanga lwakwe, ala wataipangasya ku uzanzo uno ungiza usiku.

Yelemiya 25:14

Pano antu amitundu yonsi ilya nayo kwene yalateekwa uzya ku antu amitundu iingi na kuli yamwene. Ndayavunuka apakulinganya vino nayo yacita.

Yelemiya 25:26

ukwikapo na yamwene yonsi aku kayeya, amu pipi na akutali, wenga nu muze. Katuvwange sile tuti amawene yonsi pyu apano nsi. Pakusyalikizya, umwene waku Syesyaki, alaamwa mwenemo.