Yelemiya 50:42 - Amazwi Yakwe Leza 2013

⁴² Yasenzile amalapwa na masumo. Antu yamwi akakate, nu luse yatakwata. Imitinti ya mfwalasi zyao ikuvwika kwati a yemba uwatakatusya amaimbi. Yene yakwizila Babiloni.

Yelemiya 50:42 Referans Kwoze

Ezaya 5:30

Mu wanda ulya wemo ulapamola aina Izlaeli wakwe vino yemba akacita. Lolekesyini impanga ino tuli mwenemo! Imfinzi sile na malanda ali vino vili mwenemo! Imfinzi aino yatiyandatila apa luswepo.

Yelemiya 47:3

Apa kuvwa imitinti ya mfwalasi ni congo ca maceleta, nu kukolokonsya kwa mipeto, awe cumi icaulanda. Ya isi ya ana kusi kwiusya ana yao. Amakasa yao yatiyatemboka.

Yelemiya 8:16

Ukufuteka kwa mfwalasi zya anisi yao kuuvwika ukufuma kuli Dani. Ni cilulumo cakwe yacipambasi ya mfwalasi yano yakulila catensya impanga yonsi. Anisi itu yiza ku konona impanga itu kumwi na vyonsi ivyaya mwenemo, ni misumba itu kumwi na ikazi ya mwenemo.”

Ezaya 47:6

Nemo nasokile antu yane, nayasawisye kwati asi antu yane. Nasuka nayapeela mu makasa yako, nga nawe utayakwatile uluse. Na akoloci kwene wayacitanga wanyawanya.

Umbwilo 16:6

Yene yazwisizye uwazi wa antu yakwe Leza nga na yakasema. Caleka watuyapela uwazi kuti yamwe. Yene yapokelela kulingana ni milimo yao.”

Yakobo 2:13

Pano Leza wene atalaya na mizu ku muntu wino atali na mizu ku yauze. Lelo pano mizu yaluta upinguzi, Leza alaya na mizu.

Yelemiya 50:14

Tentemukilini ku kulwisya Babiloni, mumuzinguluke mwensi mwemuno mukavuwa amalapwa nu kufiika inceto. Mulasini ukwaula kutezela uluceto! Ukwaula kumutezela nanti uluceto! Mukatusizini impooma zya ulwi impanga zyonsi.

Ezaya 14:6

Yene yacuzyanga imitundu cipyu cipyu nu kuilopola lili lili. Yene yateekanga imitundu uluku uluku, nu kuicuzya ukwaula ukutonta.

Ezaya 5:28

Inceto zyao pasi pakusongola. Yene yatiyazumba na malapwa yao. Inkamba zya mfwalasi zyao zyakoma wi we. Alino imipeto ya maceleta yao ikuzinguluka wakwe nkungulupya.

Masamu 74:20

Sungala uwiusye upangano wako, uno wapangine naswe. Pano konsikonsi muno nsi muli ivyongo!

Masamu 46:6

Antu ya mitundu yuze, yene yakaizakazila sile, yamwene yamwenemo nayo kwene yakaizakazila sile. Leza nga wauza nu musili iwaimokokela sile.

Ezaya 47:1

Yawe wavwanga wati, “We mukazyana atatala wamanya umonsi, we Babiloni, senka apa cilimba cako cawene. Ikala pansi pa luvukutu. We Babiloni ikala pansi, pano antu yatalakwama nupya ukuti wewe mutelepelele nupya umuyembe.

Yelemiya 30:14

Yacuza yako yonsi yakwilila, kusi nu wakusakamala foo. Pano nakuumile amatukizyanda. Nakukalipile cipyu cipyu apamulandu wakuti uyi wako wakulisye na maifyo yako nayo yavulisye.

Yelemiya 50:9

Pano nemo ndaleta ivita vya mitundu ikalamba ivilalwisya Babiloni. Vilafuma ku ntunga ya kukayeya. Vilatantama nu kumulwisya ukufuma ku kayeya vilamupokolola. Inceto zyao zyaya wa vita ivicenjelesye, vino visiwela minwe.

Yelemiya 51:27

“Imikini ulunga mu mpanga yonsi! Lizini intandala apakuti inko zyuvwe! Teyanyini antu amu nko ku kuyalwa inkondo na ina Babiloni! Amini ukufuma ku Alalati, uku Mini, nu ku Asyikenazi yamwene akuyamuwililila. Sontini musika uwakutungulula ulwi uo. Tumini kweneko imfwalasi zivule wa cikundi cakwe makanta.

Ezekelo 26:3

Caleka nemo ne Yawe nkuyanena inti, ‘Mwe ina Tuli, lyene nene indi mwanisi winu alipo. Ndakatusya antu amitundu ivule pakuti yakize yakamuzanze, yaliza ndi vino maimbi ya muli yemba yakacita.

Yowelo 2:5

Yakutoloka apapela ya myamba nu kupanga icongo ungati amaceleta, yakuvwika wa makala ya moto yano yakooca inyemvu, wa vita vya maka ivyati viiteyanya uku kulwa inkondo.