Yelemiya 50:4 - Amazwi Yakwe Leza 2013

⁴ Umu manda yaya na pa kasita kaka, aina Izlaeli yalawela. Yalafuma yakulila mu kulonda Yawe Leza wao.

Yelemiya 50:4 Referans Kwoze

Oseya 3:5

Lelo pacisila cakwe vivyo aina Izlaeli yalawelela nupya kuli Yawe Leza wao na kuli wenga uwamu mupanda wakwe Davidi umwene wao. Lyene Yaliza kuli Yawe ala yakuzakaza nga yalapokelela ivisuma ukufuma kunoli.

Oseya 1:11

Antu aku Yuda na aku Izlaeli yalayakundanya pamwi cipya cipya, nga nayo yalaisolela intunguluzi yonga. Alino yalatukuta nu kukula mu mpanga yao. Endi uwanda wakwe Yezileele ulaya uwanda ukulu cuze!

Yelemiya 31:31

Yawe wavwanga wati, “Amanda yaliza lino ndapangana upangano upya na ang'anda yakwe Izlaeli na Yuda.

Zakaliya 12:10

“Ana yakwe Davidi na ina Yelusalemu nemo ndayapeelesya amano akukwatisya uluse, na mano akumpepesya wakwe cimwi. Yalatamba umwi wino yatulinkinye icanzo, yalamulosya vivi kwene ndi vino yakalosya umwana umonsi uwavyalwa wenga mpo. Yalamulosya kwati antu afwililwe umwana wao umonsi uwi yeli.

Yowelo 2:12

Lelo Yawe wavwanga wati, “Nanti cili vivyo, welini kunondi nu mwenzo winu onsi, ale mwatimufunga ukulya nu kuponya aminsozi, nga nu kuililila ulanda ulanda.

Ezekelo 39:25

“Yawe Simwandalali wavwanga wati, ‘Fwandi lyene namawezezya amu mupanda wakwe Yakobo, aina Izlaeli, namasakamala ang'anda yakwe Izlaeli yonsi, namasakamala ni zina lyane lyamuzilo.

Yelemiya 33:15

Apa wanda kwene ulya na pa kasita kwene kaka, nemo ndaletelapo umwana uwa mpomvu umu mupanda wakwe Davidi, ali wino alalungamika ivintu vyonsi nu kucita ulungami impanga yonsi.

Ezaya 63:4

Pano nemo nali nalola ukuti insita yatifika lyene iyaku kulula antu yane, nupya ali nsita kwene yakufulula anisi yao.

Ezaya 55:6

Londini Yawe apa nsita ino angazanwa, mwamini lino ali mupipi.

Ezaya 45:19

Insikulandila mu umfisolo foo, nanti ukufisa vino nkapanga ukucita. Nsilonda kuti amu mupanda wakwe Yakobo yandonda cilondelonde apasi cimwi. Ne Yawe nkalanda icumi, nkamanyisya antu ivilungame.”

Ezaya 14:1

Yawe alaya nu luse ku antu amu mutundu wakwe Yakobo, wene alasolola aina Izlaeli nupya alayata yikale mu mpanga yao. Na inamasi kwene yaliza yikale nayo umu mpanga yao kwene. Ainamasi yalailundanya kunoyali nu kulemana na ang'anda yakwe Yakobo.

Masamu 105:4

Yangini kunoli mulenge uwazwilizyo. Ikalini kunoli insita zyonsi.

Yakobo 4:9

Muye nu ulanda, mwalosya nu kulila minsozi. Tini kuseka, tandikini kulosya. Tini kuzanga, tandikini kukungumala!

Yelemiya 41:6

Isumeli umwana wakwe Netaniya akatuka ukufuma ku Mizipa ku kuya yakomenkanya, ala afumile akulosya. Lino wayakomenkanya avwanga ati, “Izini kuli Gedaliya umwana wakwe Aiikamu!”

Ezekelo 16:61

Lino ndatoola yakaci yauzo, nyokolenzi nu muto wako, nu kuyapeela kunuli, ukuti yangaya ana yako, nanti ntalavile ulayo uno napangine nawe, nga alino nawe uliusya imiyele yako yampiti ni nsonyi zilakulema.

Oseya 6:1

Antu yakuvwanga yati, “Tuini, tuwelele kuli Yawe. Wene watatulepola mu tupimfya, lelo amatupozya. Wene watatucisa, lelo amatunyepela ivilonda.

2 Milandu 7:14

ndi cakuti antu yane, yano yakaamilwa ukwi zina lyane, yaicefya nu kupepa kunondi, yalondalonda ni cinso cane, nu kuzenzuka ku misango yao ya ukakasi, ale lyene nani ukwiyulu kuno nikala indayuvwa, njayelele uluse apa maifyo yao. Indaleka nu kuti umu mpanga yao muye ivyakulya nyanya.

Oseya 11:10

“Antu yane yalandondela lilyo lino ndang'anzila anisi yao wakwe cisama. Alino yalasimwilila kunondi ale yakuzakaza ukufuma ku uwondaka.