Yelemiya 50:36 - Amazwi Yakwe Leza 2013

³⁶ Ulupanga lwa nkondo lukulwisya yakasema, kuti yasanguke iviwelewele! Ulupanga lwa nkondo lukulwisya ivita vyakwe, kuti vice vyazakaza sile uku ntete.

Yelemiya 50:36 Referans Kwoze

Yelemiya 49:22

Silola! Wiyo wino akuwela nu kulelemba wakwe lyang'anda'anda. Akwanza amapa yakwe pali Bozila. Mu wanda ulya imyenzo ya vita vyamu Edomu ilaya wa mwenzo wa mwanaci ali pakulela.

Naumi 3:13

Silolini ivita vinu, vyonsi kwene visi na maka wa anaci! Imikolongelo yapa mpongolo yako ilayulila anisi yako, nga nu moto ulonona imikolongelo kwene iyo.

Ezaya 44:25

Anene nkavulunganya usemo wakwe yakasema yaufi, nu kupelenganya amano yakwe yakasapoola. Nene nkakanya amalango ya antu yamano, nu kuyalangilila ukuti amano yao aciwelewele.

Umbwilo 22:15

Lelo yao akacita vya winyi na alozi, yacizelele ni nkomi, yakapepa ya tuluwi nga na yao akatumpoka mu mazwi nu mu vicitwa kwene, yaa yonsi yalasyala kunzi ya musumba ukulu.

Umbwilo 21:8

Lelo antete na yano asi nu utailo, na yakacita ya vintu vyawinyi, ni nkomi, yacizelele, alozi, na yakapepa ya tuluwi, na antu yonsi antumpu, wikalo wao a yemba wa moto muno maluti yakapya. Ii ili mfwa yakwe ciili.”

Umbwilo 19:20

Cilyanyi casenzilwe ku ng'anda yaminyololo pamwi na kasema waufi wino wacisile vinjelengwe pa manso yakwe. Wene waomvizye vinjelengwe vii pa kusomba yao akweti cimanyililo ca cilyanyi na yao apefile unkolanya wa cilyanyi. Cilyanyi pamwi na kasema waufi yasumbilwe apuma muli yemba wa moto, muno mwapyanga maluti.

1 Timoti 6:4

ale wene ali ni cilumba nupya atamanyile ningo cintu nanti cimwi. Umuvulungane mano nupya wene akalonda kupazyanya nu kulemanila pa mazwi. Cii cikaleta uzuwa, vikanza, intusi, kutunganya kwipe,

1 Timoti 4:2

Masambilizyo ali ndi yaa, yakasalanganyiziwa mu usomvi wakwe yakasambilizya yaufi, yano yakampingu yao yafwa, kwati yocewa ni cela cikaye.

Naumi 3:7

Lyene antu yonsi yano yalakulola yalakuutuka, yati, ‘Ninive wataya itongwa, uzye lyene aweni amamulosya?’ Uzye ndamufumya kwi uwakuti akutekezya?”

Naumi 2:8

Antu amu Ninive yali wa ciziya, icati cipongoka na manzi yakweco yakwikilila. Antu yamwi yakupunda yati, “Imililini! Imililini!” Lelo kutali uwakuswilila mwenemo.

Yelemiya 51:32

Anisi yatiyapoka na malambwa yakwe, amalinga yakwe yatiyapya. Asilika nayo intete zyatiziyalema wakwe cimwi.”

Yelemiya 51:30

Alino lyene ivita vyaku Babiloni vilata ukulwa, vilikala sile cele, umu maceleta yaviko. Amaka yaviko yalasila. Vilaya sile wa anaci. Amang'anda yakwe Babiloni yalatumuka umoto. Imikolongelo ya mpongolo zyakwe ilavunoka.

Yelemiya 51:23

kuti inkome yakacema na maufyo yao, kuti inkome alimi na yamasaye yao akulimila, kuti inkome alasi ni ntunguluzi kwene.”

Yelemiya 50:30

Caleka fwandi, alumendo yayo yamafwila mu miseo ntangali ntangali. Ivita vyao vyonsi ali kulowelela pyu apa wanda kwene ulya.” Ivyalanda ne Yawe.

Yelemiya 48:30

Namanya icilumba cakwe. Lelo ukuitanka kwakwe ukwaufi, nga ni vicitwa vyakwe navyo kwene ivyaufi.

Ezaya 43:14

Yawe, Mukuluzi winu, Wamuzilo wilya wakwe Izlaeli, wavwanga wati, “Apamulandu wakumupususya ndatuma impuka ya vita kuti vikalwisye aina Babiloni. Ndawisya imifikilo ya mpongolo, cakuti utupundu tuno amu musumba yakapunda, tulasanguka impooma.

2 Milandu 25:16

Lelo lino acili akulanda, umwene amunena ati, “Uzye wewe twasonta kuti uye mpandamano wa mwene? Si tuzya sile! Ndi watwalilila namapeela ilamulo kuti ukomwe!” Acino kasema wilya ata ukulanda. Lelo avwanga sile amazwi yaa ati, “Manyile ukuti Leza wapanga ukukonona, pamulandu wakuti wacita icintu cii nu kukana ukutezya ku mazwi yane aku kupanzya amano.”

2 Samueli 17:14

Alino Abusalomu na ina Izlaeli yonsi yavwanga yati, “Umpandamano wakwe Husyai umwina Aliki wazipa ukuluta wakwe Aitofeli.” Pasi pano Yawe akweti ipange lya kuvulunganya umpandamano wakwe Aitofeli kuti alete uzanzo pali Abusalomu.

2 Samueli 15:31

Lino Davidi yamunena ukuti Aitofeli wataitumpamo muli ucisanguka wakwe Abusalomu, wene apepa ati, “We Yawe, napapata leka umpandamano wakwe Aitofeli uye uwelewele.”