Yelemiya 50:26 - Amazwi Yakwe Leza 2013

²⁶ Aleni fwandi lyene, muciwililile monsi monsi, tamolini izyankoma muno yakasezezya ingano zyao! Vino mumapokololanga, muvitulike mu mitumba ndi vino yakatulika ingano. Ononini musumba! Mutasya mwenemo akantu nanti kamwi.

Yelemiya 50:26 Referans Kwoze

Ezaya 14:23

“Indonona Babiloni nu kumusangula amanyika. Visinsimwe avino vilaikala mwenemo. Ndamupyela ku mukuo.” Ivyalanda Yawe Wamaka yonsi.

Yelemiya 50:10

Impanga ya ina Babiloni ilapokololwa icuma, na yayo yano yalavipokolola yalasuka yaivwangile ukuti, ‘Ee kwene vyavula!’ Ivyalanda ne Yawe.

Ezaya 45:3

Ndakupeela ivyuma ukufuma mu mfinzi, vino yasezya umu ncende zya nkama, apakuti ukamanye ukuti nene indi Yawe, Leza wa ina Izlaeli, wiyo akukwamila ukwi zina.

Umbwilo 19:15

Lupanga lukali cuze lwafumile mu mulomo wakwe, luno wene alacimvizyako antu amu nko. Wene alayateeka ku nsonzo ya cela. Wene alafena matingi mu ciwina ca kufenelamo matingi a cipyu nu ukali wakwe Leza wa maka onsi.

Umbwilo 14:19

Caleka mungeli apisya cikwakwa cakwe mu nsi, aputula matingi, nga ayasumbila mu ciwina cakufenelamo matingi ca ukali wakwe Leza.

Mika 7:10

Lyene anisi itu yalalola ivintu vii, nga insonyi zilayalema antu yano yakauzya sweswe yati, “Uzye Yawe Leza winu ali kwi?” Ndalola ukucimviwa kwao, yalalyatolwa wa matipa mu museo.

Yelemiya 51:64

Uvwange nu kuti, ‘Ali vino Babiloni alalowa. Atalatala nupya azyuke kwi syamo lino ndamuletela.’ ” Apa pelela amazwi yakwe Yelemiya.

Yelemiya 51:44

Nemo lyene namavunuka Beli, leza wa ina Babiloni. Namamupokolola ni vyuma vyakwe vya wivi. Antu ya mitundu yuze ale lyene casila yasikumupepanga, awe. Na malinga yakwe Babiloni yalaongoloka!

Yelemiya 50:41

Lola! Antu ayayo yakufuma uku kayeya, nupya yene antu amutundu umwi uwa maka. Yali na yamwene avule, ukufuma kumwi kuno kutaitalimpila. Yizile ku kulwa inkondo.

Yelemiya 50:23

Iye mwe vino Babiloni wali wa nondo ino ikutamola insi yonsi, alino lyene inondo kwene iyo yatitamoka! Yemwe Babiloni akusalosya antu ya mitundu yuze yonsi ku myenzo!

Yelemiya 50:15

Watacimba, impungu zyakwe zyatiziwa. Amalinga yakwe yatiyaongoloka. Cii, ali cilanduzi cakwe Yawe. Ilandwilini mwenga kunoli, ndi vino wene wacisile, avino namwe mucite.

Yelemiya 50:13

Atalatala aikalwemo nupya, pamulandu ni cipyu cakwe Yawe. Alasanguka ulwanga umwaulwa akali konsi na wensi aalapita ku Babiloni, alazunguka wakwe cimwi nu kulizya miluvi pamulandu nu ulanda wakwe onsi.

Ezaya 25:10

Yawe alacingilila umwamba uu ni kasa lyakwe, nga lelo aina Moabu alayalyatola ndi vino insawa zikalyatolwa muli citindi umu ciwina.

Ezaya 10:6

Nene namutumile ukuya ku kuzanza umutundu wa antu atamanya Leza, akambavya umwenzo, uku kupokolola ivisampwe, nu kuyiila nu kuyalyatola wa ntipa mu miseo.”

Ezaya 5:26

Yawe watatumpula icimanyililo apa kwama antu ya mutundu wapatali. Akuyalizizya nu muluvi apakuti yize ukufuma mu mpela zya nsi. Awe na cendi, ayayo yakukalauka na pakwiza.

Mateo 6:26

Lolini vyunyi vya mulwelele! Vyene visyakomela imbezu nanti kuzombola. Vyene vitakwata incende nanti inkoma mwakusezya vilyo. Lelo So uwa mwiyulu akavilisya. Uzye mwemo mutavilusile?