Yelemiya 50:25 - Amazwi Yakwe Leza 2013

²⁵ Lyene mwalola! Ne Yawe ninjula mu nkoma ya vyanzo vyane, natimvifumyamo cipyu cipyu, pano ne Yawe Simwandalali Wamaka yonsi indi nu mulimo wakuomba mu mpanga ii ya Babiloni.

Yelemiya 50:25 Referans Kwoze

Yelemiya 51:55

Inkonona Babiloni nu kumuzimya. Ivita vikukuwika kwati ukululuma kwa maimbi, nu kuzanza na mazwi yao acongo nayo yuvwika.

Yelemiya 51:25

We Babiloni, wemo ukoline umwamba uno ukaonona insi yonsi, lelo ne Yawe, nene ndi mwanisi wako. Ndakulema nu kukukunkulusya ukufuma pa vimawe vivyo ivitali. Ndakusangula wa mwamba uno wapya ku moto.

Yelemiya 50:15

Watacimba, impungu zyakwe zyatiziwa. Amalinga yakwe yatiyaongoloka. Cii, ali cilanduzi cakwe Yawe. Ilandwilini mwenga kunoli, ndi vino wene wacisile, avino namwe mucite.

Umbwilo 18:8

Pamulandu wakwe cii, vilumbelo, ndwala, ndosya, ni cipowe vilamuponela pa wanda onga. Nga yalamoca ku moto, pano Mwene Leza akumupingula, Leza uwa maka.”

Amosi 3:6

Uzye lino intandala yalila mu musumba, antu yasizakaza uku ntete? Uzye umukosi ndi wapona mu musumba, asi kuti Yawe uwacita cico?

Yelemiya 51:20

Yawe wavwanga wati, “Babiloni awewe uli nondo yane, canzo cane cakulwilako inkondo. Naomvizye wewe kuti imvungole inko na mawene,

Masamu 45:5

Inceto zyako pasi pakukalipa, zikatota izitulinkanya mu myenzo ya anisi yako, yakaiza yaponela pano wimilile.

Masamu 45:3

Kwapila ulupanga lwako, we lumba lya maka. Wemo wakwatisya amaka, nupya wacindamisya!

Ezaya 13:15

Wiyo wensi wino yalazana yalamukoma. Na wensi wino yalalemenkezya yalamukomola nu lupanga.