Yelemiya 50:24 - Amazwi Yakwe Leza 2013

²⁴ Mwe ina Babiloni mwatimulemwa mu lukose, muno nemo namuteile ukwaula kuti mumanye. Asi papo lyene mwatimulemwa mwemuno mwandwisyanga, ne Yawe.

Yelemiya 50:24 Referans Kwoze

Yobo 9:4

Icumi Leza uwamano, nga na maka yakwe nayo akalamba. Antu yayo amutalamila, ala yailetelela sile.

Yobo 40:9

Uzye nawe wakwata amaka wa maka yakwe Leza? Uzye izwi lyako lingapanta wizwi lyakwe Leza?

Yobo 40:2

“Uzye ukulonda ukuti uwampazya nene ne Leza Wamaka yonsi vwile? Uzye watukwata ivya kunjasuka ne Leza nanti foo?”

2 Tesalonika 2:4

Wene alaitumika nu kukatukila camuzilo consi nanti cino antu yakati leza. Wene alikala mu Ng'anda ikulu yakwe Leza nu kuitaka vino wene a Leza.

Yelemiya 51:57

Asambazi yakwe namayamwesya ivyakuti yakoleke, kumwi na alasi yakwe, yamusika yakwe ni vita vyakwe kwene. Yalapona mu tulo twa muyayaya, yatalatala yazyuke nupya. Ivyalanda ne Mwene wino izina lyakwe a Yawe. Izina lyane anene Yawe Wamaka yonsi.”

Yelemiya 51:8

Babiloni yalamwiukizya, nga nawe alapona nu kukontoka. Fwandi mulosyini mwe! Mulondelini umulembo wakupaka pa vilonda vyakwe, limwi angapola.

Ezaya 45:9

Kalanda kuli wiyo akulemanila na Kaumba wakwe, kuli wiyo akoline wa nyungu pakasi ka nyungu zyuze. Uzye ivu linganena nakamata liti, “Uzye ukumata cani?” Nanti limunene liti, “We nakamata, utakweti umanyililo!”

Ezaya 13:11

Yawe akuti, “Ndakalipila antu aikala mu mpanga ii apa ntumpu zino yakacita, nga na antu aipe apa utalanganyi wao. Ndaputula icilumba cakwe yao akayuvwa, nu kucefya imitumfyo uku antu alukang'ansi.

Kasambilizya 9:12

Umuntu atange amanye lino insita yakwe iliza. Cili wakwe vino ivyunyi vikaiukila ivilemya mu lukose, wa nswi ikaiukila yatilemya mwi sumbo. Avino naswe kwene tukaponelwa na masyamo pa nsita ino tutenekile.

Kufuma 10:3

Acino Mose na Aaloni yaya kuli Falao nga yamunena yati, “Yawe, Leza wa Ayebulai wavwanga wati, ‘Uzye amaila yanga yano ulatalama kunondi? Ta antu yane yapita, pakuti yangampepa.

Yelemiya 48:43

Intete nu ucinga ni viteyo vikulolela mwemwe, mwe antu aku Moabu, Ivyalanda ne Yawe.

Yelemiya 48:44

Wiyo wensi amapuuka pamulandu ni ntete, alaponela mu ucinga. Na wino alafuma mu ucinga alalemwa mu viteyo. Pano vikwene ali vino ndavunukilako Moabu umu nsita yakononwa kwakwe, ivyalanda ne Yawe.

Yobo 15:25

Vii vyonsi vyamucitikile pamulandu wakuti camukumvile, akatuka aya alwisya Leza Wamaka yonsi.