Yelemiya 50:21 - Amazwi Yakwe Leza 2013

²¹ “Pitangini muye mukalwisye impanga ya Melataimu muwililile na ina Pekodi. Muyakomole nu lupanga, muyalovye. Mucite icili consi ndi muno munenile ukucita. Ivyalanda ne Yawe.

Yelemiya 50:21 Referans Kwoze

Ezekelo 23:23

Ndaleta aina Babiloni na ina Kalideya yonsi, aina Pekodi na ina Syoa, aina Koa na ina Asilya yonsi. Yonsi yayo alasi na yamusika ya vita, nupya alumendo ayembe atuputupu. Yonsi intunguluzi zya uteko pamwi na yamusika akapita pa mfwalasi.

Yelemiya 50:15

Watacimba, impungu zyakwe zyatiziwa. Amalinga yakwe yatiyaongoloka. Cii, ali cilanduzi cakwe Yawe. Ilandwilini mwenga kunoli, ndi vino wene wacisile, avino namwe mucite.

Yelemiya 50:9

Pano nemo ndaleta ivita vya mitundu ikalamba ivilalwisya Babiloni. Vilafuma ku ntunga ya kukayeya. Vilatantama nu kumulwisya ukufuma ku kayeya vilamupokolola. Inceto zyao zyaya wa vita ivicenjelesye, vino visiwela minwe.

Yelemiya 50:3

Pasi pano ku lusansa lwaku kayeya kwafuma umutundu wakumulwisya, casangula ni mpanga yakwe ulwangwa. Mutalatala nupya muce mwikale umuntu. Antu ni nyama vyativyutukamo, ivipita.”

Yelemiya 48:10

Watipwa umuntu wiyo wino akaomba umulimo wakwe Yawe ukasu ukasu! Watipwa umuntu wino akalesya ulupanga lwakwe ukuzwisya uwazi!

Yelemiya 34:22

Yawe wavwanga wati, “Namapeela ilamulo lya kuyawezezya uku musumba uu, yaulwisye yaupoke nu kuoca. Namasangula ni misumba yakwe Yuda ukuya ulwanga, umutange mwikale umulawa.”

Ezaya 48:14

“Kolonganini mwensi, nga muuvwe. Pataya kaleza kinu akaluwi nanti konga, akatatazile ikalandila calimwi ukuti umukundwe wane wenga alavwangatila umusumba wa Babiloni, kumwi na ikazi ya mwenemo. Umukundwe wane wiyo alacita vino nemo nkalonda ukucita.

Ezaya 44:28

Nene nkanena Kilusi inti, ‘Wewe kacema uwakwane, ulafikilizya amapange yane yonsi.’ Wene alavwanga ati, ‘Lekini Yelusalemu akuulululwe.’ Ni Ng'anda ikulu yakwe Leza nayo ulati, ‘Ikini umufula wakweyo.’ ”

Ezaya 10:6

Nene namutumile ukuya ku kuzanza umutundu wa antu atamanya Leza, akambavya umwenzo, uku kupokolola ivisampwe, nu kuyiila nu kuyalyatola wa ntipa mu miseo.”

2 Milandu 36:23

“Kilusi umwene waku Pesya wavwanga wati, ‘Yawe, Leza wa mwiyulu wampeela amawene yonsi apanonsi, nupya wansonta kuti imukuulile Ng'anda ikulu umu Yelusalemu umu mpanga ya Yuda. Umuntu ali wensi uwa munomuli nupya uwamu antu yakwe Leza, angaswilila kweneko. Yawe Leza umwene wakwe aye na aliwe.’ ”

2 Yamwene 18:25

Ali cino wemo utelenganya ukuti naitandike sile ukwiza kuno nu kwiza onona incende ii apaula iceo cakwe Yawe. Ala nemo Yawe aliwe wanenyile ati, ‘Yanga ukazanze incende ilya nu kuyonona.’ ”

2 Samueli 16:11

Alino Davidi anena Abisyai na aomvi yakwe yonsi ati, “Mwana wane umonsi akwezya ukunkoma, nga fwandi pacani cino mwemo mwazunguka vino umuntu wi uwamu luko lwakwe Benjamini akucita! Mwemo mutini sile. Mulekini alukutipwila, pano Yawe watamunena ukucita cico.

1 Samueli 15:3

Acili cino fwandi wemo pita sile ukalwisye aina Amaleke nu kulovya ivintu vyao vyonsi. Cisi cakwezya kuti usyepo nanti umwi. Ukome aonsi na anaci kwene, nga na ana kumwi nu tunya kwene tuno yakulela, ni ng'ombe nga ni mfwele, ingamila na yapunda.’”

Malango 33:27

Leza aliwe waya akacingilila winu mu nsita zyonsi. Akamufukatila ningo mu makasa yakwe. Wene wazinganga anisi inu lino mwemo mukuya pa nkolelo, nga amunena ukuti muyonone yonsi pyu.

Ezaya 48:15

Anene kwene navwanga, nu kumwama anene kwene nkumwama. Anene kwene nkamutungulula nu kumupeela ulongo.