Yelemiya 50:2 - Amazwi Yakwe Leza 2013

² “Umini imbila mu mitundu, mwimike ni mendela. Pundini mutafisa umulandu, muvwange muti, ‘Yatiyapoka Babiloni, Beli watalemwa ni nsonyi, Maliduki watatamoka. Utuluwi twakwe twatituzewana. Ivyawinyi vyakwe vyati viongoloka.’

Yelemiya 50:2 Referans Kwoze

Ezaya 46:1

Ikwene ili mpela ya tuluwi twamu Babiloni. Beli watainamila pansi, Nebo nawe watakontama. Yatiyatulonga pali yapunda nu kutusenda wa viya, apa viteekwa ivitakweti amaka.

Ezaya 21:9

Umu kupumikizya indola antu yakwiza pa mfwalasi, yakupita yaili yaili. Kalinda wenga pali yayo avwanga ati, “Babiloni watawa, watawa! Amaunkolanya yonsi yakwe tuleza twakwe, yano yapangilwa na zaabu yatiyatamoka, nupya yalambalile pansi.”

Yelemiya 51:47

Lola, amanda yaliza yano ndavunuka utuluwi twa ina Babiloni ni mpanga yakwe insonyi zilailema. Na antu yakwe yano yalakomwa yalalala yonsi pyu umukasi kakwe.

Yelemiya 51:44

Nemo lyene namavunuka Beli, leza wa ina Babiloni. Namamupokolola ni vyuma vyakwe vya wivi. Antu ya mitundu yuze ale lyene casila yasikumupepanga, awe. Na malinga yakwe Babiloni yalaongoloka!

Umbwilo 18:2

Wene apunda ni zwi likulu ati, “Watawa! Babiloni mukulu watawa! Ndakai wene wataya uwikalo wa mipasi yankota, nupya citotela cakupuzamo mipasi yonsi ikowele ni vyunyi vyonsi vikowele ni vyapatikwa.

Zefaniya 2:11

Yawe alayoofya wakwe cimwi. Wene alonona tuleza twa mpanga ilya. Mitundu yonsi ya antu ilapepa Yawe, cila mutundu ulamupepa mu mpanga yakweo.

Yelemiya 52:31

Mu mwaka uno Evili Melodaki wali umwene waku Babiloni, yalanzile uluse ku mwene Yeoyakimu waku Yuda nu kumufumya mu ng'anda ya minyololo. Cii cacitike apa wanda walenga amakumi yaili na yasano, mu mwezi walenga ikumi na iili, mu mwaka walenga amakumi yatatu na cinimbali, pano yafumizizye Yeoyakimu mu ng'anda yaminyololo.

Yelemiya 51:52

Lelo amanda yaliza lino Yawe alafulula utuluwi twa ina Babiloni, ni mpondo zilateeka mu mpanga yonsi.

Yelemiya 51:31

Inkombe ya lwilo yalondelela ulwilo inkombe yuze. Umutumwa nawe walondelela umutumwa muze, ku kuyanena umwene waku Babiloni ukuti yati yapokolola umusumba wakwe onsi.

Yelemiya 51:8

Babiloni yalamwiukizya, nga nawe alapona nu kukontoka. Fwandi mulosyini mwe! Mulondelini umulembo wakupaka pa vilonda vyakwe, limwi angapola.

Yelemiya 50:46

Lino impanga ya Babiloni ilawa, kuluvwika icilundumusi. Antu amitundu yonsi yaluvwa impooma zya ina Babiloni.”

Yelemiya 46:14

“Umini imbila ku Eguputo, nu ku Migido, mulaizye ku Memfisi nu ku Tapenesi. Muyanene yaiteyanye, pano ulupanga lumakomola monsi monsi luzinguluke.

Yelemiya 31:10

“Mwe mitundu yonsi, uvwini amazwi yakwe Yawe. Mulandile na antu yonsi aikala ku nkumba zyakwe yemba ukutali. Wino wasalanganyizizye aina Izlaeli, awino wayakolonganika nupya aliwe amayasunga ndi vino kacema akawaka ufyo wakwe.

Yelemiya 6:18

Si uvwini kuno mwe nko, mwe yakambone mumanye ivilacitikila antu yane.

Yelemiya 4:16

Izwi likuti muceule nu kunena aina Yuda, mulaizye nu mu Yelusalemu ukuti anisi yatiyiza ukufuma ku mpanga ya kutali. Yakutezela imisumba yakwe Yuda apa nkondo iyasya iize.

Ezaya 48:6

“Vyonsi vii wavyuvwa, acino uvilole ningo. Uzye lyene wemo utacili usininkizye? Ukutandika sile ndakai mpaka nu ku nkolelo namakunenanga ivintu ivipya, ivintu ivifisame vino utamanyile.

Ezaya 39:1

Apa nsita kwene ilya, umwene waku Babiloni, izina lyakwe a Melodaki Baladaki, uvwile ukulwala kwa mwene Hezekiya nu kupola kwakwe. Fwandi nawe Melodaki ali pakutumila Hezekiya kalata, ukwikapo ni vyawila.

Ezaya 37:19

Twalola na vino yakaoca utuluwi tuleza twao, icakuti mucumi asi tuleza foo. Ivinkolanya vino aeneco yaipangila uku vimuti nu ku mawe, uku minwe yao.

Ezaya 13:2

Apa mwamba usenguke, papunge imendela! Pundini izwi ilikalawane uku vita, muyakapizye uku minwe, yize uku mpongolo zya asambazi, yayazanze.

Ezaya 12:4

Mu wanda ulya antu yalimbila ulwimbo luu: “Taizini Yawe, laizini kunoli apakuti amwazwilizye! Nenini imitundu yonsi vino wene wacita! Yanenini vyapa ucindami wakwe.

Masamu 96:3

Mwayalazya umu inamasi umucinzi wakwe, ni vizungusyo vyakwe umu mitundu yonsi.

Masamu 64:9

Ali lino lyene nanti yonsi yalaoopa, yalalanda na pa vintu vino Leza wacita, nu kwelenganya apa micitile yakwe.

Masamu 97:7

Yakapepa yatuluwi, insonyi kaziyaleme, yayo yonsi akaitanka apa vyaciwelewele. Alino mwe tuleza tonsi mufukamilini pansi.

Ezaya 48:20

Fumini mu musumba wa Babiloni, utukini mufume mu mpanga ya uzya. Umilini utupundu twa nsansa, musansante umulandu uu ale mukuti, “Yawe watakulula Yakobo, umuomvi wakwe.”

Yelemiya 4:6

Tumpulini cimanyililo cakulanga ukuya ku Zioni. Simulini muipususye, ukwaula kuzingota! Pano nasya ndete uzanzo ukufuma ku kayeya, nu uononyi uwipe wakwe cimwi.

Yelemiya 51:12

Tumpulini imendela iyakuwisya amalinga yakwe Babiloni. Muvuzye yakalinda, mwike na yakasopa, mufise na akuteyamila. Pasi pano Yawe wapangila aina Babiloni, nupya wayacitila ndi muno wayalaile.

Yelemiya 51:27

“Imikini ulunga mu mpanga yonsi! Lizini intandala apakuti inko zyuvwe! Teyanyini antu amu nko ku kuyalwa inkondo na ina Babiloni! Amini ukufuma ku Alalati, uku Mini, nu ku Asyikenazi yamwene akuyamuwililila. Sontini musika uwakutungulula ulwi uo. Tumini kweneko imfwalasi zivule wa cikundi cakwe makanta.

Danieli 1:2

Nawe Yawe wapile Yeoyakimu umwene waku Yuda mu makasa yakwe Nebukadineza, kumwi ni viya vino yafumizye mu Ng'anda ikulu yakwe Leza. Nawe avisenda avitwala ku ng'anda ikulu yakwe kaleza kakwe ku Babilonia nga aviika mu ng'anda ya cipao cakwe leza wakwe.

Danieli 3:14

Alino ayanena ati, “Syadilaki, Mesyaki, na Abedinego, uzye icacumi ukuti mwemo mukukana kufukamila nu kupepa iciluwi cane cakwe zaabu cino nika kuku?

Yelemiya 10:11

Mwe antu fwandi muyanene ukuti tuleza ututaumvile iyulu nanti insi, tulalowa. Tutalatala tuvwike muno nsi awe.

Yelemiya 10:15

Twene utwaciwelewele sile nupya twasuulwa. Lino antu yayo yalapingulwa, ali lino twene tulononwa.