Yelemiya 50:18 - Amazwi Yakwe Leza 2013

¹⁸ Ali cino fwandi Yawe Wamaka yonsi, Leza wa ina Izlaeli, wavwanga wati, “Namafulula umwene waku Babiloni kumwi ni mpanga yakwe yonsi ndi vino nacisile umwene waku Asilya.

Yelemiya 50:18 Referans Kwoze

Ezaya 10:12

Lelo Yawe akuti, “Nemo ndamalilila vino nkucitila Mwamba wa Zioni nu mu Yelusalemu, nemo ndavunuka mwene waku Asilya, apa cilumba cakwe nu kuyuvwa kwakwe.

Yelemiya 46:10

“Lelo ilelo uwanda wa Mwene, Yawe Wamaka yonsi. Wanda wi lelo uwanda wa cilanduzi, wakulandula ku anisi yakwe. Lupanga lwakwe lumalya nu kwikuta. Mumakoleka uwazi wao, pano Yawe Wamaka yonsi amatuula impolelwa umu mpanga iyayela ku ntunga yaku kayeya mu pipi nu luzi lwa Yufulate.

Naumi 3:7

Lyene antu yonsi yano yalakulola yalakuutuka, yati, ‘Ninive wataya itongwa, uzye lyene aweni amamulosya?’ Uzye ndamufumya kwi uwakuti akutekezya?”

Naumi 3:18

We mwene wa ina Asilya, silola vino alasi yako yalowa. Ivilolo vyako vyalala utulo twa pe. Na antu yako yasalanganila mu myamba, nupya pasi nanti wenga uwakuyakonganika.

Malango 32:41

ukuti indanyola ulupanga lwane uluyengese nu kusininkizya ukuti kwaya ukucita ulungami. Ndacita cilanduzi ku anisi yane nu kuvunuka yao yano yampata.

Yelemiya 27:7

Imitundu yonsi lyene ili nu kumutumikila aliwe, umwana wakwe nu mwizikulu wakwe, mpaka insita ya mpanga yakwe nayo ice ifikile lino imitundu yuze ikulu ilamuluta amaka nu kumucita umuzya.

Habakuku 2:8

Pano wemo wasampa ivingi ukufuma ku mitundu iingi, acino antu alapusuka yaliza yakusampe ivyakwako. Pano wemo wakoma antu aingi nupya wemo onona imisumba yonsi kumwi na antu akaikalamo.