Yelemiya 50:16 - Amazwi Yakwe Leza 2013

¹⁶ Ononini Babiloni, katovya wa mbezu, wino akalema cikwakwa mu nsita yakusinza. Cila muntu aswilile ku akazi kakwe, cila wenga autukile ku mpanga yakwe, apakuti apunsumuke ku lupanga lwa ononyi.”

Yelemiya 50:16 Referans Kwoze

Ezaya 13:14

Alino lyene cila muntu alaswilila ku antu yakwe, uku mpanga yakumwao ungati a mpombo, uwavwandamuka ntete ntete, nanti wa mfwele iyaula kacema.

Yelemiya 51:9

Alino ainamasi nayo ali pakwasuka yati, ‘Swemo twezya na maka itu yonsi ukupozya Babiloni, lelo twaposiwa. Acino lyene katumusye sile wenga, cila muntu kaswilile ku mpanga yakwe. Pasi pano upinguzi wakwe watiufika papela pela, watiukatuka ukufika nu mu makumbi.’ ”

Yelemiya 46:16

Ivita vyako vikupempezyoka nu kuifuntula pansi. Cila cita cikunena icuze citi, ‘Kalauka! Tuye twapita kumwitu ku antu itu, tupuuke ulupanga lwa anisi itu.’ ”

Yowelo 1:11

Acino sokini mwe yalimi, lilini nu kulosya mwe yalimi ya matingi. Pano ingano ni mbezu zyakwe baale, na vyonsi vyamu calo vyativyononeka.

Amosi 5:16

Uli mulandu uno Mwene, Yawe Wamaka yonsi akuvwanga ati, “Mu miseo yonsi ya misumba mulaya ukulila, nupya mu misolo yonsi antu yalakuuta impooma. Na alimi nayo kwene yalaamwa kuti yize yalosye na antu amanyikisya ukukuuta nayo yize yapoome.

Yelemiya 51:23

kuti inkome yakacema na maufyo yao, kuti inkome alimi na yamasaye yao akulimila, kuti inkome alasi ni ntunguluzi kwene.”

Yelemiya 25:38

Cisama watakatuka mu cifulo cakwe ni mpanga yao yatisanguka ulwanga pano ulupanga lwa ononyi lwatiluyakoma ni cipyu cikali cakwe Yawe caticiyaponela.”