Yelemiya 50:15 - Amazwi Yakwe Leza 2013

¹⁵ Watacimba, impungu zyakwe zyatiziwa. Amalinga yakwe yatiyaongoloka. Cii, ali cilanduzi cakwe Yawe. Ilandwilini mwenga kunoli, ndi vino wene wacisile, avino namwe mucite.

Yelemiya 50:15 Referans Kwoze

Yelemiya 51:58

Yawe Wamaka yonsi wavwanga wati, “Ilinga lyakwe Babiloni lyamutika, lilaongoloka mpaka na pansi. Ni mpongolo zyakwe izitumpuke zilapya nu moto. Acino fwandi umulimo wa maka ya mitundu, uwakuicuzya sile. Amaka ya mitundu yapelela sile mu cininkwa ca moto.”

Umbwilo 18:6

Mucitilini vivyo kwene vino wamucitile. Muwezezyini maila yaili pali vyonsi vino wacisile. Zuzyini lwako lwakwe ni vyakumwa vikali maila yaili kuluta vyakumwa vino wamuteyanyizizye.

Yelemiya 51:6

Puukini mufume kuko ku Babiloni. Cila muntu apususye umi wakwe. Mutaleka mulowelele pamulandu wa uyi wakwe. Insita ya cilanduzi cakwe Yawe yakulinganya pali vino yacisile yatifika.

Yelemiya 46:10

“Lelo ilelo uwanda wa Mwene, Yawe Wamaka yonsi. Wanda wi lelo uwanda wa cilanduzi, wakulandula ku anisi yakwe. Lupanga lwakwe lumalya nu kwikuta. Mumakoleka uwazi wao, pano Yawe Wamaka yonsi amatuula impolelwa umu mpanga iyayela ku ntunga yaku kayeya mu pipi nu luzi lwa Yufulate.

Nyimbo zya ndosya 5:6

Tukatambilikizya amakasa itu ku Eguputo nanti ku Asilya apakulola icakulya kuti twikale aumi.

Yelemiya 51:44

Nemo lyene namavunuka Beli, leza wa ina Babiloni. Namamupokolola ni vyuma vyakwe vya wivi. Antu ya mitundu yuze ale lyene casila yasikumupepanga, awe. Na malinga yakwe Babiloni yalaongoloka!

Yelemiya 51:14

Yawe Wamaka yonsi walaya umwisikulu ukuti alavuzya antu avule wakwe makanta mu Babiloni, lelo yalakuta impooma yaluzango apa kukulwisya.

Yelemiya 51:11

Nyolini inceto, muzwalile visyangu. Yawe watakatusya umwenzo wa mwene wa ina Medi, pano watapanga ukonona Babiloni. Ali cilanduzi cakwe Yawe, icilanduzi capa Ng'anda yakwe ikulu.

2 Milandu 30:8

Ali cino fwandi namwe mutakwata imyenzo ino yaso yakweti. Mwemo mule mucimbe sile kuli Yawe. Izini tulumbanye Yawe uku ncende yamuzilo ino yazilizya calimwi nu kuipolelela. Mutumikile Yawe Leza winu nawe alafuntusya ukali ni cipyu cakwe kuno muli.

1 Milandu 29:24

Intunguluzi zyonsi, ni vita nga na ana aonsi yonsi a mwene Davidi, iyalaya ukuti yamayelanga umwene Solomoni.

Umbwilo 19:2

Upinguzi wakwe uwa cumi nupya usi walufyengo! Wene watavunuka cizelele wino uwakowizye insi ku uzelele wakwe. Leza watamuvunuka pano wene wakoma aomvi yakwe.”

Umbwilo 16:6

Yene yazwisizye uwazi wa antu yakwe Leza nga na yakasema. Caleka watuyapela uwazi kuti yamwe. Yene yapokelela kulingana ni milimo yao.”

Yakobo 2:13

Pano Leza wene atalaya na mizu ku muntu wino atali na mizu ku yauze. Lelo pano mizu yaluta upinguzi, Leza alaya na mizu.

2 Tesalonika 1:8

mu cimbilimbili ca moto, kwiza vunuka yao akakana Leza nupya asyataila Ilandwe Lisuma lya Mwene witu Yesu.

Loma 12:19

Mutalandula, mwe yacuza yane, lelo lekini Leza aliwe acite cilanduzi. Pano calembwa mu malembelo vino Leza wati, “Ndalandula, nupya ndayawezezya vicitwa vyao.”

Loma 3:5

Ndi twacita viipe ala cikulanga ukuti Leza wene mololoke, uzye lyene tungati uli? Uzye tungati Leza asyalungika lilyo lino akatuvunuka? Nkulanda ndi vino antu yakalanda

Luka 21:22

Pano yao yalaya manda ya cilanduzi, pakuti vyonsi ivyalembwa mu malembelo vifikiliziwe.

Mateo 7:2

Pano vino mukapingula auzo avino namwe mulapingulwa. Pelini namwe mulapelwa. Mulapelwa cilingilo cisuma cisindelwe, pano cilingilo cino mukalingila auzo, acino namwe Leza alamulingila.

Naumi 1:2

Yawe a Leza wa uzuwa nupya akacita icilanduzi. Yawe akacita cilanduzi nupya wakalipa. Yawe akavunuka yao amusangukila, nupya akacita cilanduzi pa anisi yakwe.

Ezekelo 21:22

Mu minwe yakwe ya kwilunji, ukupendola kwakwe kwafikilizya ukuya ku Yelusalemu nu kwimika vyakuongolwela ilinga, ukupeela isunde lyakukomako antu nu kupunda impooma zya ulwi, pakuti yaike vyakuongolwelako pa mpongolo ni cakutuntumalika ciimbili nga ni cakwimba yamunyama.

Ezekelo 17:18

Pano umwene wiyo wasuula umulapo, nupya wonona upangano. Ala wene atange apusuke foo pamulandu wakucita ivintu vivyo.

Yelemiya 51:64

Uvwange nu kuti, ‘Ali vino Babiloni alalowa. Atalatala nupya azyuke kwi syamo lino ndamuletela.’ ” Apa pelela amazwi yakwe Yelemiya.

Yelemiya 51:36

Caleka Yawe anena antu amu Yelusalemu ati, “Umulandu winu, anene ndausumbako amano, nupya anene ndamulandwila kweneko. Nemo ndakamya intulo zya manzi umu Babiloni kumwi ni nguzi kwene.

Yelemiya 51:25

We Babiloni, wemo ukoline umwamba uno ukaonona insi yonsi, lelo ne Yawe, nene ndi mwanisi wako. Ndakulema nu kukukunkulusya ukufuma pa vimawe vivyo ivitali. Ndakusangula wa mwamba uno wapya ku moto.

Yelemiya 50:14

Tentemukilini ku kulwisya Babiloni, mumuzinguluke mwensi mwemuno mukavuwa amalapwa nu kufiika inceto. Mulasini ukwaula kutezela uluceto! Ukwaula kumutezela nanti uluceto! Mukatusizini impooma zya ulwi impanga zyonsi.

Ezaya 63:4

Pano nemo nali nalola ukuti insita yatifika lyene iyaku kulula antu yane, nupya ali nsita kwene yakufulula anisi yao.

Ezaya 61:2

Wantuma nene apakuti indande ukuti insita lyene yatifika ino Leza alapususya antu yakwe, ino alacimvizyako anisi yao. Wantuma na pakuti inamyalalikako yano yakulosya.

Ezaya 59:17

Amazwala uwololoke wa cela cakucinga icisao cakwe. Ufyusi ali cisote ca cela ku mutwe wakwe. Icilanduzi ali mwingila uno amazwala nu kuipombelekezya mwi laya lya ukali.

Masamu 149:7

Ali pakuti yakailandwile aeneco uku inamasi, nu kuvunuka antu ya mitundu yuze.

Masamu 94:1

We Yawe, awewe Leza akavunuka, fwandi langa ukali wako!

1 Samueli 15:33

Samueli nawe pali pakuvwanga ati, “Vivi kwene vino ulupanga lwako lwasya yanyina ana ukwaula ana, avino nyoko nawe amaya umwanaci uwaula umwana pa anaci yonsi.” Alino Samueli akoma Agagi pa manso yakwe Yawe ku Giligali.

Yoswa 6:20

Lyene lino intandala zyalila, antu nayo iyapunda na maka, nga ni linga ilipona. Ivita navyo ivisimwilila mukasi, cila muntu ulunga na pano wali, nga yapoka umusumba ulya.

Yoswa 6:5

Lino muvwa kuno yakulizya intandala yao, lyene impuka yonsi iya vita ilinzile yalaizya ukulaizya ukukulu. Alino lyene ilinga lya musumba lilawa nga ni vita vilaya pa nkolelo. Cila muntu alingila mwenemo ulunga na panoli.”

Malango 32:43

“Mwe antu amu nko zyonsi, mulinzile mwalumbanya antu yakwe Yawe, pano wene alavunuka yonsi yao alayakoma. Wene akacita cilanduzi pa anisi yakwe. Nu kwelela amaifyo ya mpanga na ya antu yakwe.”

Malango 32:41

ukuti indanyola ulupanga lwane uluyengese nu kusininkizya ukuti kwaya ukucita ulungami. Ndacita cilanduzi ku anisi yane nu kuvunuka yao yano yampata.

Malango 32:35

Yawe alalandula pa vicitwa vyao nu kuyavunuka. Insita ilafika lino yalasyelemuka yapone. Uwanda wa kuzanzwa kwao wapalama.

Yelemiya 50:25

Lyene mwalola! Ne Yawe ninjula mu nkoma ya vyanzo vyane, natimvifumyamo cipyu cipyu, pano ne Yawe Simwandalali Wamaka yonsi indi nu mulimo wakuomba mu mpanga ii ya Babiloni.

Yelemiya 50:44

“Nemo ne Yawe apakwiza, nkwiza wakwe cisama wino walompoka mu matesi amu Yodani, apakulungama ku nyika ya mulemvwe kuno antu yakacemela iviteekwa vyao. Avino ndapumikizya aina Babiloni, nu kuyazinga mu musumba wao. Uzye aweni wino ndaisolwela uwakuteeka umutundu ndi uu? Aweni angaya, wakwe nene angailinga kunondi? Uzye akacema cii, wino angancilima?

Yelemiya 51:24

Yawe wavwanga wati, “Mulailolela mwenga na manso inu kuno nkuvunuka aina Babiloni yonsi apa lufyengo luno yacitile Zioni.

Yelemiya 51:30

Alino lyene ivita vyaku Babiloni vilata ukulwa, vilikala sile cele, umu maceleta yaviko. Amaka yaviko yalasila. Vilaya sile wa anaci. Amang'anda yakwe Babiloni yalatumuka umoto. Imikolongelo ya mpongolo zyakwe ilavunoka.

Ezaya 59:18

Amalambula ukali kuli cila muntu apa vintu vino wacita. Alafulula na akutali kwene yano yakamulwisya.