Yelemiya 50:14 - Amazwi Yakwe Leza 2013

¹⁴ Tentemukilini ku kulwisya Babiloni, mumuzinguluke mwensi mwemuno mukavuwa amalapwa nu kufiika inceto. Mulasini ukwaula kutezela uluceto! Ukwaula kumutezela nanti uluceto! Mukatusizini impooma zya ulwi impanga zyonsi.

Yelemiya 50:14 Referans Kwoze

Yelemiya 50:29

“Amini yano yacenjela kufiika inceto yize yalwisye aina Babiloni. Mwame sile yonsi pyu yano yamanya kuzumba amalapwa. Zingulukini umusumba, mutaleka nanti wenga apuuke. Mulandule apa vicitwa vyao, ndi vino nayo yacisile. Pano kwene yacita icilumba kuli Yawe, Wamuzilo wilya wakwe Izlaeli.

Habakuku 2:17

Mwakomola imitengo yaku Lebanoni. Lyene namwe muli nu kuputolwa mpaka pansi. Mwakomozile ni nyama zyonsi zyamu mutengo kwene. Lyene inyama izilamoofya. Vii vilamucitikila pano mwemo mwali atazi ya katwe. Nupya mononyile imisumba kumwi na ikazi ya mwenemo.

Habakuku 2:8

Pano wemo wasampa ivingi ukufuma ku mitundu iingi, acino antu alapusuka yaliza yakusampe ivyakwako. Pano wemo wakoma antu aingi nupya wemo onona imisumba yonsi kumwi na antu akaikalamo.

Yelemiya 50:42

Yasenzile amalapwa na masumo. Antu yamwi akakate, nu luse yatakwata. Imitinti ya mfwalasi zyao ikuvwika kwati a yemba uwatakatusya amaimbi. Yene yakwizila Babiloni.

Yelemiya 50:9

Pano nemo ndaleta ivita vya mitundu ikalamba ivilalwisya Babiloni. Vilafuma ku ntunga ya kukayeya. Vilatantama nu kumulwisya ukufuma ku kayeya vilamupokolola. Inceto zyao zyaya wa vita ivicenjelesye, vino visiwela minwe.

Yelemiya 50:7

Wensi wino wayakomenkanya ayatakanya. Na anisi yao ala yakuti, ‘Usi mulandu witu foo, nga vino yaifya kuli Yawe, ikola lyao lya mpomvu nu utailo wa vikolwe vyao.’

Umbwilo 17:5

Pa usyu wakwe palemvilwe izina lino lyakwata usenulo wa nkama likati, “Babiloni mukulu nyina wakwe yacizelele ni vya winyi vyonsi mu nsi.”

Yelemiya 51:27

“Imikini ulunga mu mpanga yonsi! Lizini intandala apakuti inko zyuvwe! Teyanyini antu amu nko ku kuyalwa inkondo na ina Babiloni! Amini ukufuma ku Alalati, uku Mini, nu ku Asyikenazi yamwene akuyamuwililila. Sontini musika uwakutungulula ulwi uo. Tumini kweneko imfwalasi zivule wa cikundi cakwe makanta.

Yelemiya 51:2

Namatuma ainamasi uku Babiloni ku kwelulula aikazi ya mwenemo, ndi vino umuza ukaelulula cungu mu malezi. Uwanda uo uwa ononesi ndi waca wafika, yalayazanza konsikonsi nu kusya impanga mwanku umwaula nanti cimwi.

Yelemiya 50:11

“Sansamukini, zangini mwemuno mwapokolwilwe caupyanyi cane! Cenini wa kana ka ng'ombe mu nyika ya mulemvwe, mulile wa mfwalasi zyaconsi.

Yelemiya 49:35

Yawe Wamaka yonsi wavwanga wati, “Lolini ndakontola ulapwa wa ina Elamu, iciombelo cimwi cikulu ca maka yao.

Yelemiya 46:9

Kalaukini mwe mfwalasi, namwe maceleta zingulusini imipeto. Ingilini umu nkondo mwe vita, mwe ina Kusyi na mwe ina Libya, ale musenzile ni visolelo umu minwe. Kumwi namwe kwene mwe ina Lidya mwemuno mwacenjela ukukana malapwa nu kufiika inceto.

Ezaya 13:4

Kutikini icongo ukufuma pa myamba. Iciunda ci umba likalamba! Ni ca mawene yano yatiyakongana. Yawe Wamaka yonsi akuteyanya impuka zya vita.

Ezaya 5:28

Inceto zyao pasi pakusongola. Yene yatiyazumba na malapwa yao. Inkamba zya mfwalasi zyao zyakoma wi we. Alino imipeto ya maceleta yao ikuzinguluka wakwe nkungulupya.

Masamu 51:4

Nemo naifya kunuli awewe sile wenga, awewe naifya, nu kucita ivintu iviipe kuli wewe. Icacumi walungika wakwe cimwi apakunkalipila, walungika apa kumpingula nu kumpela umulandu. Usifyenga umuntu mu upinguzi wako.

2 Samueli 10:9

Yoabu alola ukuti anisi yakwe yangamuzanza ku nkolelo nu kucisila kwene. Lyene asolola yanyela pa vita vya ina Izlaeli, ayano atantamika ulunga na ina Asilya.

1 Samueli 17:20

Katondotondo lino ukuca sile Davidi asya imfwele kuli kacema umwi uwakuti azilola. Atenuka apita nu kupita ndi muno Yese wamutungulwile, afika pa nsakwe pa nsita ino ivita vikuya mu kutantama mu ncende zyao izya nkondo ale yakupunda na welelele wooo!

Yelemiya 49:14

Nga nani navwanzile inti, “Edomu, ala natinuvwa amalamulo ukufuma kuli Yawe, inkombe yatitumwa, ku kunena imitundu yonsi ukuti, ‘Kolonganini mulwisye umutundu uu. Katukini mulwe!’

Yelemiya 51:3

Cisi cakwezya kuzumilizya ivita vya ina Babiloni visyukile penepo akasita aka kulasilapo inceto zyao nanti akakuti yazwalile penepo ivilwilo vyao vya nkondo. Apa alumendo yayo cisi cakwezya kupanya penepo nanti wenga! Mulovye ivita vyao vyonsi pyu!