Yelemiya 50:12 - Amazwi Yakwe Leza 2013

¹² Ala nyoko insonyi zyatizimulema wakwe cimwi. Wino wamuviile watazewana. Awino lyene watacepesya pa mitundu yonsi. Wataya inyika, impanga yaula amanzi nupya ulwanga.

Yelemiya 50:12 Referans Kwoze

Yelemiya 51:43

Imisumba yamu Babiloni kusi angatemwa ukuilola. Yene ili sile wa lwanga umutaya amanzi, umutange mwikale umuntu, umutangapita nu mwana wa muntu.

Umbwilo 17:5

Pa usyu wakwe palemvilwe izina lino lyakwata usenulo wa nkama likati, “Babiloni mukulu nyina wakwe yacizelele ni vya winyi vyonsi mu nsi.”

Galatiya 4:26

Lelo Yelusalemu wa mwiyulu umuntungwa, nupya wi kwene ali mayo witu.

Yelemiya 49:2

Cisuma, lelo kwene insita iliiza lino ndalenga ukuti aikazi ya musumba Laba wa ina Amoni, yaluvwa impoma zya nkondo. Umusumba ulya ulasanguka umutumba wa vitalanganda. Imizi yamwenemo ilapya uku moto. Izlaeli nawe alapokolola ivyuma kuli yano yamupokolwile.” Ivyalanda ne Yawe.

Yelemiya 25:26

ukwikapo na yamwene yonsi aku kayeya, amu pipi na akutali, wenga nu muze. Katuvwange sile tuti amawene yonsi pyu apano nsi. Pakusyalikizya, umwene waku Syesyaki, alaamwa mwenemo.

Yelemiya 25:12

Imyaka iyo ndi yasila alino nemo ndavunuka umwene waku Babiloni, kumwi na antu amutundu kwene ulya, apa kwifya kwao. Ndonona impanga yao nu kuisya sile ntangali ntangali.” Ivyalanda ne Yawe.

Ezaya 23:13

Si lolini impanga ya ina Babiloni, antu kwene yaa yatacilipo nupya yatacuvwika. Aina Asilya ali yano yatiyaleka kuti inyama zya mpanga azino zize ziikale umu musumba wa Tuli. Aina Babiloni ali yano yizile iyakuula impungu, nu kuzingulusya umusumba wa Tuli.

Ezaya 14:22

Yawe Wamaka yonsi wavwanga wati, “Ndaponya inkondo mu musumba wa Babiloni, kumwi na yayo yano yasyalamo. Kutalasyala ana nanti vizikulula, awe.” Ivyalanda Yawe Wamaka yonsi.

Yelemiya 12:14

Nupya Yawe avwanga ati, “Nemo indi penepo na vimwi vyakulanda pa lwa antu aipe ainipamba yakwe Izlaeli. Ala antu yayo yonona impanga ino ne mweneco napiile ku antu yane aina Izlaeli. Antu yayo nemo ndayafumya umu mpanga zyao. Yalaya wa muti uno yatukula, alino ndapususya aina Yuda.

Yelemiya 15:9

Nyina wi kwata cinimbali alazyenguka, mpaka umwenzo ukuputuka. Uluswepo lwakwe lwa kasanya lulasanguka imfinzi. Wene insonyi zilamulema mpaka azewane. Yao aalasyala impondo, yalayamalila ku anisi yao. Ne Yawe natindanda.”

Yelemiya 22:6

Pano vii ali vino Yawe walanda pamulandu wi sano lya mwene waku Yuda ati, “Nanti angala lyene lili wa mpanga ya Gileadi nanti wa myamba yaku Lebanoni, ku kuzipa, lelo ndalicita ulwanga, umusumba umutanga mwikale umuntu.

Yelemiya 51:47

Lola, amanda yaliza yano ndavunuka utuluwi twa ina Babiloni ni mpanga yakwe insonyi zilailema. Na antu yakwe yano yalakomwa yalalala yonsi pyu umukasi kakwe.