Yelemiya 5:25 - Amazwi Yakwe Leza 2013

²⁵ Lelo kwene imicitile ya kuluvyanya kwinu, na maifyo inu vyamupoka ivintu vii.

Yelemiya 5:25 Referans Kwoze

Ezaya 59:2

Lelo uyi winu ali uno wiimba polowe pakasi kinu na Leza winu. Amaifyo inu ali yano yaleka ukuti ivinso vinu vifisame kunondi. Ali lovyo kwene.

Masamu 107:34

Impanga ya vilyo isangula iya cicelecele, apamulandu nu uyi wa antu atenzi mwenemo.

Masamu 107:17

Yamwi yene yavulungine pamulandu wa mpulumpulu zyao. Yacululwike wakwe cimwi pamulandu wa uyi wao sile.

Nyimbo zya ndosya 3:39

Uzye apacani cino tungailizyanyizizya lino yatuvunuka apa kwifya kwitu, lino tucili apuma?

Yelemiya 3:3

Uli mulandu uno ni mvula isikutonyela. Ni yamooko kwene ali cino itowike. Lelo wemo wakamuka wa mwanaci cizelele, utakwata ni nsonyi.

Nyimbo zya ndosya 4:22

Zioni watalipila api iifyo lyakwe. Yawe atalatwalilila ukututa tuye mu uzya. Lelo we Edomu, Yawe alakuvunuka. Wene alasokolola apaswe ni vyaukakasi wako.

Yelemiya 4:18

“Endi, mwe ina Yuda amwemwe mwailetelela sile mwenga uku mikalile inu. Uyi winu auno wamuletelela uku macuzi yaa. Lyene mwatimucekama sile pamulandu nu kucula, ni myenzo inu nayo pasi paukali.

Yelemiya 14:1

Yawe anena ne Yelemiya pamulandu ni cilala ati,

Yelemiya 14:7

Antu yane yakundilila, yati, “Nanti angala amaifyo itu yakutusinila, we Yawe ule utwazwilizye sile ndi muno walavile. Twifya wakwe cimwi kunuli, na ucisanguka witu wapitilila.