Yelemiya 5:24 - Amazwi Yakwe Leza 2013

²⁴ Yasitala yelenganya mu myenzo yao yati, ‘Katoope Yawe Leza witu, wiyo akatupeela imvula ya mooko na coola mu nsita zyaiko nu kutupela insita ya uzombozi cila mwaka.

Yelemiya 5:24 Referans Kwoze

Masamu 147:8

Aliwe akavimba iyulu na makumbi, aliwe akapeela insi imvula, nu kumezya umulemvwe umu myamba.

Yowelo 2:23

“Mwe ina Zioni, zangini nu kusansamuka pamulandu wa vintu vino Yeona watamucitila. Wene watamuyela amizu apakumupeela imvula muli zuwazuwa nupya ivulisye cuze, ukufuma ku miundo mpaka uku mwela, ndi vino cali uku mpiti.

Utandiko 8:22

“Ndi vino insi ilaya pe, avino kumayanga insita ya kukomela ni ya kuzombola, kuzuka nu kukaya, cisanya ni cisiku, kasanya nu usiku. Vii, vitalasila.”

Milimo 14:17

Lelo Leza asita kupeela umboni uwa pali aliwe umwisikulu kupitila mu vintu visuma vino akacita. Wene akamupeela imvula kufuma mwiyulu nu kuleka kuti vilimwa vikule pa nsita isuma. Wene akamupeela ivyakulya nu kuzuzya myenzo inu nu luzango.”

Mateo 5:45

pakuti muye ana yakwe So uwa mwiyulu. Pano wene akawazya ilanzi pa antu asuma na pa aipe kwene. Akatuma imvula pa antu aololoke na pali yao asi aololoke.

Yelemiya 14:22

Uzye kwaya akaluwi nanti konga pali tuleza twa inamasi kano kangatuletela imvula? Iyulu litupu nalyo kwene litangatutumila imvula. Lelo awewe sile wenga we Mwene witu, wemuno twataila Wewe sile wenga mpo ukacita vii.

Umbwilo 11:6

Yakambone ya yali na maka akuyala iyulu kuti imvula itaca itonye mu nsita yakusema kwao. Nupya yakweti maka pa manzi kuyasenula yaye uwazi, nupya yakweti maka akuponyezya insi vilumbelo vya misango yonsi pa nsita yonsi ino yakasi.

Yakobo 5:7

Inane, lyene tekini myenzo kufika lino Umwene aliiza. Lolini vino mulimi akateeka mwenzo lino acili akulolela kuti vilimwa vya mpomvu vice mu calo cakwe. Wene akalolela nu kuteeka mwenzo kuti vipokelele mvula ya pa miundo ni yamu koolo.

Zakaliya 10:1

Mwauzya imvula ya mooko kuli Yawe. A Yawe aliwe akaleta amakumbi ni mvula kwene, nu kumezya ivintu mu vyalo vya muntu ali wensi.

Amosi 4:7

“Anene kwene nemuno nanyefile imvula lino kwalile kwasyala sile imyezi itatu kuti muzombole. Anene kwene nemuno naleetanga imvula apa musumba umwi, nu kulesya imvula ukutonya pa musumba uze. Indeka ukuti imvula itonye pa calo cimwi, lelo pa calo cuze pene foo, mpaka ipuuma paya na solokoto.

Oseya 6:1

Antu yakuvwanga yati, “Tuini, tuwelele kuli Yawe. Wene watatulepola mu tupimfya, lelo amatupozya. Wene watatucisa, lelo amatunyepela ivilonda.

Yelemiya 50:5

Yaluzya inzila yaku Zioni, ali kuno yalalozya amanso ale yakuti, “Izini twemelele kuli Yawe, umu upangano wakuyelelela utanga wililikwe.

Yelemiya 5:22

Nene indi Yawe. Uzye lyene pacani cino musioopa nene? Uzye pacani cino musizakaza pa manso yane? Nemo nisile umusensenga uwamu nkumba yakwe yemba kuya ali nande kuli yemba, nande wakuyelelela wino mutalatala muciluke. Amayimbi yakwe yemba yangakatuka, lelo suka yaposiwe. Nanti yangapooma uli, lelo yatange yaciluke, awe.

Ezaya 64:7

Kutali uwakuti alaizye izina lyako, nanti wakuti aimilile, ale aemelile kunuli. Pano wemo watufisile icinso cako. Watusuula nu kutusuula apamulandu wa maifyo itu.

Yobo 38:37

Uzye aweni uwakwata amano akukolonganika amakumbi, nanti ukuyasulika apakuti imvula iyafomfomoka,

1 Yamwene 17:1

Kasema umwi uwi zina lyakwe Eliya umwina Tisyibe mu mpanga yaku Gileadi, anena Aabu ati, “Nemo nalapa mwi zina lyakwe Yawe, Leza wa umi wa ina Izlaeli, wino nkatumikila, ukuti apa myaka iili nanti itatu kutalatala kuye ulumi nanti imvula suka sile ince mvwange.”

Malango 28:12

Yawe alamutumila imvula pa mpanga inu pa nsita yakweyo, ukufuma ku maziya akama akwiyulu nu kupolelela imilimo inu yonsi, cakuti muce mwaazimisya na vimwi ku nko zivule. Lelo mwemo mutalatala mwazime nanti ku luko longa.

Oseya 3:5

Lelo pacisila cakwe vivyo aina Izlaeli yalawelela nupya kuli Yawe Leza wao na kuli wenga uwamu mupanda wakwe Davidi umwene wao. Lyene Yaliza kuli Yawe ala yakuzakaza nga yalapokelela ivisuma ukufuma kunoli.

Yobo 5:10

Aliwe akaleta imvula pano nsi, akasansa amanzi umu vyalo vitu.

Masamu 65:9

Pano nsi, awewe ukasunga impanga nu kuiletela imvula. Ukalenga ukuti iye ikankala nupya iya muvundo. Ukalenga inguzi zizule amanzi apakuti antu yakontelela imbezu zyao. Vyonsi vii, awewe ukateyanya.

Yelemiya 2:19

Uyi winu ulamuletelela na ucisanguka winu ulamuzewanya. Alino lyene mulasambilila, muluvwa nu usungu icakuti nu kumucuzya cilamucuzya apakulola vino ukusuula Yawe Leza winu, nu kukana moopa kwaya. Ivyalanda ne Yawe Leza Wamaka yonsi.

Yelemiya 3:3

Uli mulandu uno ni mvula isikutonyela. Ni yamooko kwene ali cino itowike. Lelo wemo wakamuka wa mwanaci cizelele, utakwata ni nsonyi.

Yobo 29:23

Umuntu wensi wayapokelelanga kwati avino alimi yakapokelela imvula ya mooko.

Yelemiya 10:13

Lino wene wapeela ilamulo, amanzi nayo yacita cilulumo kwiyulu. Wene akasensensya amakumbi ukufuma ku mpela ya nsi. Akamyantula inkuwa mu mvula, nu kutuma umuza ukufuma umu nkoma zyakwe.