Yelemiya 5:17 - Amazwi Yakwe Leza 2013

¹⁷ Yene yaliza yamalile ivyakulya pamwi ni viseekwa vinu vyonsi pyu. Yalakoma ana inu aonsi na anaci kwene. Yene yalafyula iviteekwa vinu na maufyo inu nu konona amatingi kumwi ni misamvu inu. Anisi inu yalonona imisumba inu yamalinga, ino mwataila mwenemo.

Yelemiya 5:17 Referans Kwoze

Malango 28:33

Antu amu luko luze luno mutamanya yalamupoka ivyakulya vyonsi pyu vino mwaombile pa maka pa kuvikuzya. Mwemo mulapelwapo sile ukwaula amalipilo, suka sile ukumucuzya nu kumufyengelekezya penepo

Aina Levi 26:16

ndalenga kuti muvunukwe. Nkaalenga kuti uzanzo upone panomuli ni ndwala zyaula kupoziwa, ni ndwala zyakulenga kuti mupafule nga nu kulenga kuti umi winu ucepe. Mukaalima nu kukomela imbezu zinu. Lelo musizombola nanti cimwi, pamulandu wakuti anisi inu yakaamucimvya nu kulya ivyakulya vinu.

Zefaniya 3:6

Yawe akuti, “Natinonona antu amu nko zyonsi, nga nu kuwisya amalinga yao yonsi ankondo. Ni miseo yao naitazyela, kusi umuntu nanti wenga akapita mwenemo. Imisumba yao yononwa, nupya kusi umuntu nanti wenga asile mwenemo.

Oseya 8:14

Aina Izlaeli yaikuulila amang'anda akulu asuma. Amu luko lwakwe Yuda yavuzya imisumba ya malinga. Lelo nemo ndaponyezya umoto apa misumba yao iyo, nga umoto uo uloca amang'anda yao yalya akulu.”

Ezekelo 36:4

Caleka lyene uvwini vino ne Yawe nkumunena mwe myamba na mwe twamba, namwe mwe tunguzi, namwe mwe mikonko, namwe mwe ncende izyasyala ulwanga, na mwe misumba yasyala ivitalang'anda, mwemuno antu ya mitundu ya mumbali yononyile nu kumuwela.

Nyimbo zya ndosya 2:2

Ukwaula nu kuvwa uluse, Yawe wataonona imisumba yonsi yamu mpanga yakwe Yakobo. Cipyu cipyu, wene wataonona amalinga yano yacingililanga impanga. Watalenga nu kuti uteko uzewane kumwi na yakateeka yamwenemo.

Yelemiya 50:17

Aina Izlaeli yali wa mfwele zino zikulungwa kuli cisama. Apa kutandika cali umwene wa ina Asilya ali wino wayalile ivyala, alino piza palondelela Nebukadineza umwene waku Babiloni, nawe wizile akokota amafupa.

Yelemiya 50:7

Wensi wino wayakomenkanya ayatakanya. Na anisi yao ala yakuti, ‘Usi mulandu witu foo, nga vino yaifya kuli Yawe, ikola lyao lya mpomvu nu utailo wa vikolwe vyao.’

Yelemiya 8:16

Ukufuteka kwa mfwalasi zya anisi yao kuuvwika ukufuma kuli Dani. Ni cilulumo cakwe yacipambasi ya mfwalasi yano yakulila catensya impanga yonsi. Anisi itu yiza ku konona impanga itu kumwi na vyonsi ivyaya mwenemo, ni misumba itu kumwi na ikazi ya mwenemo.”

Yelemiya 4:26

Nalolekesya, indola impanga ivunde yatisanguka ulwanga. Imisumba iyali mwenemo yatisyala ivitotela, apamulandu wa ukali wakwe Yawe.

Yelemiya 4:7

“Wakwe cisama uwatakatuka ukufuma mwi tesi muno afisime, avili vino umononyi wa mitundu watakatuka ukufuma ku cifulo cakwe. Wene akwiza ku konona Yuda. Imisumba yaku Yuda ilononwa isyale wa vitumba. Kusi umwi wino alikala mwenemo.

Yelemiya 1:15

Pano nasya mpunde imitundu yonsi ino ikateekwa kuli yamwene aku kayeya. Yaliza yonsi pyu. Nacila wenga aliza aike icilimba cakwe ca wene apa mpongolo zyakwe Yelusalemu, na pa malinga yonsi yano yauzinguluka. Alino nu kunzi ya misumba yonsi yakwe Yuda.

Ezaya 65:22

Yatalakuulila umuntu muze kuti aikale mwenemo foo, nanti ukulimila yauze ayano yalye foo. Pano antu yane yalalengela pano nsi, wa miti, na asololwe yane yalasyukila vino yailimile aeneco.

Ezaya 62:9

Lelo yano yavizombwile ali yano yalavilya nu kulumbanya Yawe. Mwemuno mwasunganga nu kukulula amatingi amwemwe sile mulamwa waini mu misolo yane yamuzilo.

Ezaya 62:8

Yawe watalapa umulapo. Alino ukwi kasa lyakwe lilunji, alaufikilizya! Wene atalatala apeele cakulya cakwe ku anisi ya antu yakwe. Aenyi nayo yatalatala yamwe waini wa antu yakwe wino yaifenile.

Yelemiya 5:18

“Lelo mu manda kwene yayo ntalamonona imumalile, awe.

Yelemiya 8:13

Yawe wavwanga wati, “Nalondesyanga ku kolonganika antu yane ndi vino umulimi akakoozya ivyakulya. Lelo yene yakoline wa mutingi usi na matingi, wa musamvu usi na masamvu. Na mafwa kwene yumila kumwi. Caleka natinzumilizya ainamasi kuti yapoke icalo.”

Yelemiya 25:37

Amacemelo yao amulemvwe azipisye, yatiyononwa.

Nyimbo zya ndosya 2:12

Yene yakulilila yanyina pamulandu wa nzala nu lusala. Nga panono panono yene yakuongokela mu misolo ya musumba kwati ayano yatiyasyala impondo. Ni myenzo yao ikumalilika panono panono lino yene yapakatilwe na yanyina.

Oseya 2:12

Ndonona imiti yakwe ya miolivi ni misamvu kwene iyo ino wene wavwanzile ukuti, ali malipilo yano akambwe yakwe yamulipa. Ndaisenula iye imisitu, nga inyama zya mpanga zilailya kuku kwene.

Malaki 1:4

Limwi amu mupanda wakwe Edomu yangaiwanzya yati, “Silolini vino imisumba itu yononwa! Lelo tulaikuululula nupya.” Lyene Yawe Wamaka yonsi wavwanga wati, “Yatini yakuululule imisumba yao, lelo ndayonona nupya kwene. Antu yayo yalaamwa ukuti impanga yankota, iya antu yano insita zyonsi yaponelwa nu ukali wakwe Yawe.”

Yowelo 2:3

Ku nkolelo nako kuli umoto ukaonona, kunsizi nako kuli amakala ya moto akoca ivintu. Lino yene yatacili yafike, impanga yali wa muyanda wa Edeni. Lelo lino yafumilemo, yasangwike iya wa lwanga, umutasile akantu nanti kamwi.