Yelemiya 5:15 - Amazwi Yakwe Leza 2013

¹⁵ Yawe walanda wati, “Ala mwine mwe ina Izlaeli, anene nemuno nkuleta antu ukufuma ku luko ulwa kutali kuti yize yamulwisye. Yene uluko lumwi ulukome, nupya mwemo mutamanya icilimi cao.

Yelemiya 5:15 Referans Kwoze

Malango 28:49

Yawe alamuletela antu amu luko luze ulwa ku mpela ya nsi ukwiza muzanza, uluko luno icilimi cao mutacimanya. Yene yaliza yamuvwelule ungati a cipungu.

Yelemiya 4:16

Izwi likuti muceule nu kunena aina Yuda, mulaizye nu mu Yelusalemu ukuti anisi yatiyiza ukufuma ku mpanga ya kutali. Yakutezela imisumba yakwe Yuda apa nkondo iyasya iize.

Ezaya 33:19

Mutalalola nupya ainamasi amitumfyo foo, yano yakalanda ululimi luno musiuvwa.

Ezaya 28:11

Lyene mwemo ndi mutakasi ukuuvwa kuli ne Ezaya, lyene fwandi Leza umweneco kace amutumile ainamasi akayenda pakuvwanga uleke ayano yace yize yamusunde.

Ezaya 5:26

Yawe watatumpula icimanyililo apa kwama antu ya mutundu wapatali. Akuyalizizya nu muluvi apakuti yize ukufuma mu mpela zya nsi. Awe na cendi, ayayo yakukalauka na pakwiza.

Yelemiya 25:9

indi nu kwama imitundu yaku kayeya, namaama umuomvi wane Nebukadineza umwene waku Babiloni, namaama antu yano yakaikala ku mpanga ilya apakuti yize yamuvwangatile, yavwangatile kumwi ni mitundu ino yamuzinguluka. Namamulovya mwensi pyu pakuti antu yauze ndi yalolekesya yatandika sile kuizakazila pamulandu ni ntete. Ivyalanda Yawe.

Yelemiya 1:15

Pano nasya mpunde imitundu yonsi ino ikateekwa kuli yamwene aku kayeya. Yaliza yonsi pyu. Nacila wenga aliza aike icilimba cakwe ca wene apa mpongolo zyakwe Yelusalemu, na pa malinga yonsi yano yauzinguluka. Alino nu kunzi ya misumba yonsi yakwe Yuda.

1 Kolinto 14:21

Calembwa mu malembelo cati, “Ndaomvya antu atamanyika nupya akalanda ndimi zitamanyika pa kulanda ku antu yane. Yene yalalanda mazwi yane kunoyali mu ndimi zitamanyika, lelo antu yane nalyo kwene yatalanguvwa. Avino Mwene walanda”

Ezekelo 18:31

Tiini iviipe vyonsi vyampiti. Senulini amano inu ni myenzo inu. Uzye icani cino mwe ina Izlaeli mungalondela ukufwila?

Yelemiya 9:26

Antu yayo ali ina Eguputo, na ina Yuda, na ina Edomu, na ina Amoni, na ina Moabu nga na yonsi aikala mu lwanga, yano yakapela inkuuzu lwa pa mausyu yao. Kusi nanti wenga pa antu yaa nanti umwina Izlaeli kwene wino wasunga upangano wane.”

Yelemiya 6:22

Yawe wavwanga wati, “Lolini, impuka ya vita ilafuma ku katutu. Uluko lwamaka ukufuma ukutali lukuiteyanya ku kulwa inkondo.

Yelemiya 5:11

Aina Izlaeli na ina Yuda yansangukila wakwe cimwi. Ivyalanda ne Yawe.”

Yelemiya 2:26

Yawe wavwanga wati, “Vino umwivi akauvwa insonyi, ali vino ang'anda yakwe Izlaeli yalalemwa ni nsonyi. Ukutandikila sile kuli alio kwene, yamwene yao, inkombe zyao, yasimapepo yao kumwi na yakasema yao.

Ezaya 29:6

Uliukila sile icilulumo camaka, ni cilundumusi, ni congo cikalamba, ivilafuma kuli Yawe Wamaka yonsi apakwiza ku kukupususya. Alatuma ni cimuza, na nkungulupya nga ni cimbilimbili ca moto ca koca ivintu coceoce.

Ezaya 29:3

Leza aliwe aliza atantamike ivita wi linga apakufulula umusumba. Aliza auzinguluke, nu kuuzanza aliwe kwene alauzanza.

Ezaya 5:7

Aina Izlaeli ali calo ca matingi cakwe Yawe Wamaka yonsi, nga Ayuda nayo ali matingi kwene yano wene walima. Wene walolelanga kuti alole ndi cakuti yamacita ivilungame. Lelo yene yatandika ukukomola antu! Walolelanga kuti alole kuno yamacita ivilungame. Lelo wene uvwanga sile impoma zya antu yauze yano yafyengelekezyanga!

Danieli 7:7

Lino ncili lolekesya, icinyama cakwe cini ciloleka. Cene cali icikome, cakoofya, icakuleta intete. Cali na mino yacela akulu cuze yano caomvizye pakulumola nu kulyatola vyasyala vyonsi. Cene citakoline ni vinyama vyuze vyasyala, pano cali ni mpembe ikumi.

Utandiko 11:7

Leka tuye pansi tukavulunganye ululimi lwao kuti yatauvwana.”

Malango 28:33

Antu amu luko luze luno mutamanya yalamupoka ivyakulya vyonsi pyu vino mwaombile pa maka pa kuvikuzya. Mwemo mulapelwapo sile ukwaula amalipilo, suka sile ukumucuzya nu kumufyengelekezya penepo

Masamu 81:5

Wene walipile ku amu mupanda wakwe Yosefu apa nsita ino yafumile mu mpanga ya Eguputo. Nga alino lyene nuvwa izwi ntamanyile ale likuti,

Ezaya 39:3

Alino kasema Ezaya aya uku mwene Hezekiya, atandika ukumuzya ati, “Uzye antu kwene yaa yafumile kwi, navino yakunenyile ivyani?” Hezekiya nawe aasuka ati, “Yafumile ukutali, uku mpanga yaku Babiloni.”

Danieli 1:4

mu alumendo yano yatakwata indema nanti imwi, ayembe mukuloleka, yayo acincile ukusambilila, apakuti yene yangalinga ukutumikila mwi sano lya mwene. Asyipenazi wapilwe umulimo wakuyasambilizya kuwelenga nu kulemba icilimi ca ina Babiloni.

Amosi 6:14

Lelo Yawe Leza wa maka yonsi akuti, “Indamutumila antu amu mutundu uze kuti yize yamuponyezye inkondo, mwe ina Izlaeli. Yene yalamuzunya nzila yonsi ukutandikila sile ku Lebo Hamati mpaka ukufika nu ku cifoloma ca Alaba.”

Habakuku 3:16

Ndi nuvwa vyonsi vii, awe Mwene nkuvwa intete. Ni milomo yane izakaza nu kulumanya incecete pamulandu wa congo. Umwili wane onsi iuma uti kwililili. Alino ni ngazo zyane izipumika pansi.