Yelemiya 49:36 - Amazwi Yakwe Leza 2013

³⁶ Ndaletela Elamu imiza ini, ukufuma ku mpela ziini zya mwiyulu. Ndasalanganyizizya aina Elamu ku miza kwene iyo. Kutalaya umutundu ulasyala ukwaula kuti imbutusi zyutukile kweneko zyaku Elamu.

Yelemiya 49:36 Referans Kwoze

Yelemiya 49:32

Ingamila zyao zilaya izyakupokolola. Imfwele zyao zino zitaivulila zilaya izyakusenda. Yano yapela ivinsumpa ndayasansantila mu ntunga zyonsi ziini, ndayaletela isyamo lino lilafuma mu nsi yonsi. Ivyalanda ne Yawe.

Umbwilo 7:1

Pacisila cakwe vii ndola angeli yani yaimi pa ntunga zini zya nsi, ala yati yalema imiza ini. Yacisile vii kuti umuza nanti umwi utapunga pansi nanti pali yemba nanti pa cimuti cili consi.

Amosi 9:9

“Pano ndapeela ilamulo, alino ndapukanya aina Izlaeli ku na ku pakasi ka mitundu yonsi ya antu ndi vino yakapukanya imbezu mu lunyungo, nga kutalaya akaliwe konga akalaponela pansi.

Danieli 8:8

Lyene sawe alunduluka kuya ni cilumba, lelo lino wafisizye apapela umusinku wa maka yakwe ulupembe lulu lwavunike. Nga mu ncende ya luko imutumba impembe zini, cila lupembe ala lulozizye mu ntunga ipusane ni zyuze.

Ezekelo 5:10

Munuli wemo we Yelusalemu, ali muno akwasi yalaalya ana yao, nga na ana nayo yalaalya akwasi yao. Ala ndakufulula na alasyalapo apuma nayo ndayasansantila monsi.

Yelemiya 30:17

Pano yene yakakwama ‘umusumbwe ni cisampwa cao’ cino yatasakamala awe. Lelo ndakuwezezya umutende wako ni vilonda vyako vilapola.” Ivyalanda Yawe.

Danieli 11:4

Lelo apacisila cakuloleka kwakwe, uwene wakwe ulapalukana nga wankanikane pani. Yamwene asi yamu mupanda wakwe yalateeka mu cifulo cakwe, lelo yatalaya na maka ndi yano wene wakweti.

Danieli 8:22

Impembe zini izizile zitumba lino ulupembe lwankolelo lwavunyilwe ali mawene yani alayako lino uwene uo ulankanyiziwa nupya yatalaya akome wa wene wankolelo.

Ezekelo 5:12

Antu yonsi yalapaatukana patatu, iumba lyonga lilafwila mu musumba ku mpungo nu ku cipowe. Lyakwe cili nalyo lilafwila kunzi ya musumba ku lupanga. Lyakwe citatu nalyo ndalisalanganyizizya mu muza alino nkalilondele nu lupanga.

Ezaya 56:8

Anene ne Yawe navwanga. Nene kwene nemuno nafumizye antu yane aina Izlaeli mu uzya nu kuyawezezya kumwao. Nalaya nu kuti ndakolonganika nayauze kwene pakuti yakize yakaye pali ponga kwene na yano nakolonganika mpiti.

Ezaya 27:13

Mu wanda ulya intandala ilalila, iyakwama aina Izlaeli yonsi yano yikala mu mpanga ya uzya, mu mpanga ya Asilya nu mpanga ya Eguputo. Yalawela nu kwiza pepela Yawe mu Yelusalemu, pa mwamba wakwe wamuzilo.

Ezaya 11:12

Yawe alakatusya uluunga apakulanga imitundu ukuti akukonganika pamwi nupya antu asalangine, yakwe Izlaeli na yakwe Yuda, nu kuyaleta ukufuma mu ntunga zyonsi ziini izya nsi.

Masamu 147:2

Yawe alakuululula Yelusalemu cipya cipya. Wene alawezya na ina Izlaeli aali umu uzya.

Malango 28:64

“Yawe alamusalanganyizizya mu mitundu yuze, ukufuma ku mpela yonga ya nsi ukufika nu ku yuze. Ali kuno mulaya mukaatumikila tuleza utwakuwaza nu twapangwa ku mawe, tuto tuno mwemwe nanti ivikolwe vinu mutatala mwapepa.

Malango 28:25

“Yawe alapeela amaka ku anisi inu akuti yamucimvye. Mulaezya kuyazanza ukutunkila pa ntunga yonga, lelo muluutuka ukufuma kunoyali mulungame ku ntunga zyonsi, cakuti antu yonsi pano nsi yalazakaza ku ntete lino yalalola icacitika kunomuli.

Zakaliya 6:5

Umungeli wilya nawe angasuka ati, “Yakwene ili miza ini ya kwiyulu, ino ikufuma kuli Yawe umweneco wa nsi yonsi.”