Yelemiya 49:29 - Amazwi Yakwe Leza 2013

²⁹ Amataalu yao na maufyo yao yonsi visendini. Insalu zyao ni viya vyao vyonsi, ukwikapo ni ngamila zyao visendini ale mukuyapundilila mukuti, ‘Opa, Opa,’ konsi konsi!

Yelemiya 49:29 Referans Kwoze

Yelemiya 46:5

Nupya Yawe anguzya ati, “Uzye ivyani vivi vino nalola? Iye mwe! Yali ni ntete wakwe cimwi. Yaweluluka cundansizi. Ivita vyao vyumwa, yutuka ulwilo, kusi nu wakupepela icisila. Akasokonda konsi konsi.” Ivyalanda ne Yawe.

Yelemiya 6:25

Cisi cakwezya umwi kufumila mu vyalo nanti umu nzila. Pasi pano mwene muli ulupanga lwa mwanisi. Uzanzo watiutulizizya konsi konsi.”

Habakuku 3:7

Naweni aina Kusyani yali mu ntazi na ina Midyani ala yatiyavulungana.

Masamu 120:5

Kalanda kunondi, pano nkaikala apakasi ka ikazi aku Mesyeki nanti aikazi aku Kedali.

2 Kolinto 7:5

Na lino twafisile mu Makedoniya tutakweti kupuza kumwi. Konsi kwali intazi, kulemanila na antu yauze nga ni ngofyo mu myenzo itu.

2 Kolinto 4:8

Lingi tukacula, lelo tusitonta. Nanti ndi twatwisika tusyata kupaalila.

Yelemiya 49:24

Damasiko wataiteyanya ukuutuka, akuzakaza sile. Ulanda ni ntazi vyati vila vimuzana. Ali kwati umwanaci wino ali pipi nu kulela.

Yelemiya 10:20

Amataalu itu yatiyononeka. Imyando ino yailemelile yatiputoka yonsi. Ana itu yonsi yatiyatusya. Pasi nanti wenga asile wakuti asimpe amataalu itu nupya. Pasi nanti wenga uwakukoweka ivisalu kweneko.

Yelemiya 4:20

Uzanzo walondela apa uzanzo uze. Ni mpanga yonsi yatiyononeka umu kasita sile akanono. Amataalu yane yatiyononeka umu kupumikizya, icifulo cane naco umu kasita kanono.

Ezaya 60:7

Amaufyo ya mfwele aku Kedali nu ku Nebaoti yalayaleta kunuli apakuti uyatule impolelwa. Yalapokelelwa apa kavuwa kane, apa kuyemvya Ng'anda yane ikulu ya lulumbi.

Ezaya 13:20

Mutalatala mwikalemo nanti ukuvyalilwamo umuntu, umulalondekanila amanda. Umwina Alabya atalatala akuulemo Itaalu lyakwe, na yakacema yatalatala yaleke amaufyo yao yapuzile mwenemo.

Masamu 31:13

Nkuuvwa kuno anisi yane aingi yakutotozana, Yene yakungoofya monsi monsi. Yene yakumpangila, yakumana akapi kuti yankome.

Yobo 1:3

Wakweti imfwele amazimbi cinimbali, ingamila amazimbi yatatu, yamasaye izimbi lyonga nga na yapunda imyanda isano. Wakweti na aomwi aingi sana. Wali umuntu mukama wakwe cimwi ukuluta antu yonsi amu mpanga zyaku ufumondaka.

Yakapingula 8:26

Amaelena yakwe Zaabu yano Gidyoni wapokelile yafinyile namanye amakilogalamu amakumi yaili, ukwaula kupendelako iviyembelo vyuze, amakoza, utuwangili, vyaku matwi, insalu ziyenzulukile izyazwalanga yamwene aku Midyani ni vimisipi ivyazwalanga ingamila zyao umu nsingo.

Yakapingula 8:21

Alino Zeeba na Zalemuna iyanena Gidyoni yati, “Katuka sile utukome wewe kwene! Ivyaya umonsi, ivilinzile kuya na maka yakwe.” Acino Gidyoni akatuka, akoma Zeeba na Zalemuna, alino atoola ni viyembelo ivyali mu nsingo zya ngamila zyao.

Yakapingula 7:12

Aina Midyani, na ina Amaleke, nga na amu mitundu yamu lwanga ala yatiyalimba mu cifoloma consi kwati amakanta ku wingi, nupya yakweti ingamila izivule wa musensenga uwamu nkumba yakwe yemba.

Yakapingula 6:5

Yene yiiza kumwi ni viteekwa vyao na mataalu yao, kwati amakanta. Yene pamwi ni ngamila zyao yali avule nupya atangapendwa. Yizile yonona impanga ilya.

Utandiko 37:25

Lino yatenzi yakulya, iukila mulongo wa alendo aina Isumeli yakupita ukufuma ku Gileadi, yakuya ku Eguputo. Ngamila zyao zyasenzile iviya vivule nupya ivyamutengo, ivinyamuti vinunkile na mafuta yakupangila milembo, na mafuta yakulesya ukuola, ala yakuvitwala ku Eguputo.

Yelemiya 49:5

Lola, ndakuletela akasokonda mpanga yonsi. Yalazinga, cila muntu pano alungime. Kutalaya nanti wenga uwakukolonganika imbutusi pamwi. Ivyalanda ne Yawe Wamaka yonsi.